Vahe 94
1 Oku kole e he balofita ki he Eiki ke ne fai ae fakamāu, bea ne lāuga koeuhi koe fakamalohi moe agakovi ae kakai. 8 Oku ne akonaki aki ae bule ae Otua. 13 Oku ne fakaha hono aoga oe mamahi. 16 Koe Otua koe fakamoui oe kahai mamahi.
¶ 1 E JIHOVA koe Otua, oku aau ae totogi; E Otua, oku aau ae totogi: ke ke ulo mai.
2 Ke ke hiki hake koe, akoe koe fakamāu o mamani; age ae totogi ki he laukau.
3 E Jihova, e fefe hono fuoloa oe fielahi ae agahala, e fefe hono fuoloa oe bolebole ae agahala?
4 E fefe hono fuoloa oe nau fakaha mo lea aki ae gaahi mea faigataa? bea vikiviki ai ae kakai kotoabe oku fai kovi?
5 E Jihova, oku nau feji‘i o lailaiki ho kakai, mo fakamamahi‘i ho tofia.
6 Oku nau tamate‘i ae muli moe fefine kuo mate hono unoho, bea fakabogi ae tamai mate.
7 Ka oku nau behe, e ikai afio‘i e Jihova, e ikai tokaga ki ai e he Otua o Jekobe.
8 Mou ilo ekimoutolu oku aga fakamanu i he kakai: bea ko kimoutolu ae kau vale, te mou boto afe?
9 Ko ia naa ne gaohi ae teliga, ikai te ne fanogo? ko ia naa ne gaohi ae mata, ikai te ne afio‘i?
10 Ko ia oku ne tautea ae hiteni, ikai te ne tautea? ko ia oku ne akonaki‘i ae tagata ke boto, ikai te ne ilo‘i?
11 Oku ilo‘i e Jihova ae gaahi mahalo ae tagata, oku nau vaiga be.
12 E Jihova, oku monuia ae tagata oku ke tautea, mo ke ako kiate ia aki hoo fono;
13 Koeuhi te ke foaki kiate ia ae mālōlō mei he gaahi aho oe mamahi, kae oua ke keli ae luo ki he kau agahala.
14 Koeuhi e ikai liaki e Jihova hono kakai, bea e ikai te ne fakatukutuku‘i hono tofia.
15 Ka e foki ae fakamāu ki he maonioni: bea e agimui ki ai akinautolu kotoabe oku agatonu i loto.
16 Kohai e tuu hake maaku o taofi ae kau fai kovi? be kohai e tuu hake maaku o taofi akinautolu oku gaue i he agahala?
17 Ka ne ikai tokoni au e Jihova, behe, kuo vave ae nofo a hoku laumalie i he fakalogo be.
18 I he eku behe, Oku hekea hoku va‘e; ko hoo aloofa, E Jihova, nae boubou hake au.
19 I hono lahi o eku gaahi mahalo iate au, oku fakafiefia‘i au i hoo gaahi mea fakafiemalie.
20 E feohi koa mo koe ae nofoa oe agahala, aia oku fakatubu ae bauu aki ae fono?
21 Oku nau fakataha o agatuu ki he laumalie oe agatonu, mo fakahalaia‘ ae toto tonuhia.
22 Ka ko hoku ugaki‘i a Jihova; bea ko hoku Otua koe maka ia o hoku hufaga.
23 Bea e omi eia kiate kinautolu ae nau hia, bea te ne fakaauha akinautolu i he e nau agahala; io, ko Jihova ko ho tau Otua te ne fakaauha akinautolu.