Vahe 58
1 Oku valoki e Tevita ae kau fakamāu agakovi. 3 Oku ne fakaha ae aga oe kakai agahala. 6 Oku tuku akinautolu ki he fakamāu ae Otua. 10 Koe fiefia ai ae kakai maonioni.
Ki he Takimua, Ali‐tasikiti, koe Same mahuiga a Tevita.
¶ 1 AE fakataha, oku mooni a hoo mou lea maonioni akimoutolu? ae gaahi foha oe tagata, oku mou fakamāu totonu koa?
2 Io, oku mou fai kovi i loto; oku mou fakamamafa ae kovi o ho mou nima i mamani.
3 Talu ae mavae ae agakovi moe manāva moe nau he: oku nau alu he leva talu e nau fanau‘i, i he lea loi.
4 Ko ho nau kona oku hage koe kona oe gata: oku nau tatau moe gata tuli oku ne tabuni hono teliga;
5 Aia e ikai tokaga ki he le‘o oe kau fakafiemalie, ne ogo ae boto lahi oe tagata faiva.
6 E Otua, ke ke jili ho nau kau nifo i ho nau gutu: E Jihova, baki‘i o too kitua ae kau nifo lahi oe faga laione mui.
7 Tuku ke vela o vai akinautolu o hage koe vai oku tafe mau ai be: oka teteke eia ene kau fana ke fana aki ene gaahi gahau, tuku ke tuutuu akinautolu.
8 Ke mole o oji akinautolu o hage koe sineli: tuku ke nau hage koe tama taehoko ae fefine, koeuhi ke oua naa nau mamata ki he laa.
9 I he heeki vela ki hoo mou kulo ae okooko akau talatala, e oji ene ave moui akinautolu i hono houhau, o hage koe ahiohio.
10 E fiefia ae maonioni i he ene mamata ki he totogi: e fufulu eia hono va‘e i he toto oe agakovi.
11 Koia e behe ai e he tagata, Koe mooni oku ai ae totogi ki he maonioni: koe mooni koe Otua ia oku fakamāu i mamani.