¶ 1 E OTUA, kuo hoko ae hiteni ki ho tofia; kuo nau fakauli‘i ho fale tabu maonioni; kuo nau fakalala a Jelusalema ke tafugofuga ia.

2 Kuo nau age ae jino mate o hoo kau tamaioeiki koe mea kai ki he manu buna oe lagi, moe kakano o hoo kakai maonioni ki he faga manu oe fonua.

3 Kuo nau liligi ho nau toto o hage koe vai o takatakai i Jelusalema; bea nae ikai ha niihi ke tanu akinautolu.

4 Kuo mau hoko koe manukiaga o ho mau gaahi kaugaabi, koe mea manuki moe taukaeaga okinautolu oku nofo takatakai iate kimautolu.

5 E Jihova, e fefe hono fuoloa? te ke houhau o taegata bea vela ho fuaa o hage koe afi?

6 Ke ke liligi ho houhau ki he hiteni oku teeki ai ilo koe, bea moe gaahi buleaga oku heeki ai ui ki ho huafa.

7 He kuo nau kai o oji a Jekobe, o maumau‘i ke lala hono nofoaga.

8 Oua naa ke fakamanatu kiate kimautolu e mau gaahi muaki hia: tuku ke tokoni vave akimautolu e hoo aloofa ogogofua: he kuo o hifo ki lalo aubito akimautolu.

9 E Otua ko ho mau fakamoui, ke ke tokoni akimautolu, koeuhi koe ogoogolelei o ho huafa: bea fakahaofi akimautolu, o fakamaa ke oji e mau gaahi agahala, koeuhi ko ho huafa.

10 Koe umaa ae lea behe mai e he hiteni, Koefe ho nau Otua? tuku ke ilo ia i he lotolotoga oe hiteni i ho mau ao i he totogi oe toto o hoo kau tamaioeiki aia kuo hua‘i.

11 Tuku ke a‘u ki no ao ae gaahi mafulu ae kau nofo bobula; ke ke fakamoui akinautolu kuo tuutuuni ke mate o fakatatau mo hono lahi o hoo mafimafi.

12 E Eiki, ke ke age ke liuga fitu ki he fatafata o ho mau kaugaabi e nau lauikovi, aia naa nau lauikovi‘i aki koe.

13 Bea ko kimautolu ko ho kakai moe faga sibi o hoo goue, te mau atu ae fakafetai kiate koe o taegata: te mau fakaha atu ho ogoogolelei ki he toutagata kotoabe.