Vahe 56
1 Oku lotu a Tevita ki he Otua, o tui ki he ene folofola, bea hanu koeuhi ko hono gaahi fili. 9 Oku fakaha ene falala ki he folofola ae Otua, o ne behe, te ne fakamalo kiate ia.
Ki he Takimua i he Jonatilemi‐lehokimi, koe Same mahuiga a Tevita, i he buke ia e he kakai Filisitia i Kata.
¶ 1 KE ke aloofa kiate au, E Otua: ke oku fie folo hifo au e he tagata; oku ne tau‘i au i he aho kotoa, o ne taomia au.
2 Koe loto o hoku gaahi fili i he aho kotoabe ke folo hifo au: he oku toko lahi akinautolu oku tau‘i au, E Fugani Maoluga.
3 I he aho oku ou manavahe ai, teu falala kiate koe.
4 Teu fakamalo ki he Otua i he ene folofola; oku ou falala ki he Otua; e ikai teu manavahe ki he mea e faa fai e he kakai kiate au.
5 Oku nau fakakehe eku gaahi lea i he aho kotoabe: koe nau fakakaukau kotoabe keu kovi ai au.
6 Oku nau fakataha akinautolu, oku nau fakafufu akinautolu, oku nau vakai hoku aluaga, i he e nau holi ki he eku moui.
7 Te nau hao koa i he e nau hia i E Otua, ke ke li ki lalo ae kakai i he houhau.
8 Oku ke lau a eku alu fano be: ke ke utu hoku gaahi loimata ki hoo hina: ikai oku nau tuu i hoo tohi?
9 O kau ka tagi kiate koe, e foki kimui ai a hoku gaahi fili: oku ou ile ae mea ni; he oku iate au ae Otua.
10 Teu fakamalo ki he Otua i he ene folofola: teu fakamalo kia Jihova i he ene folofola.
11 Kuou falala ki he Otua: e ikai teu manavahe ki ha mea e faa fai e he tagata kiate au.
12 E Otua, oku iate au hoo gaahi fuakava: teu atu ae fakamalo kiate koe.
13 He kuo ke fakamoui hoku laumalie mei he mate: bea ikai te ke fakahaofi hoku va‘e mei he higa, koeuhi keu eveeva i he ao oe Otua i he māma oe kakai moui?