Vahe 112
1 Kuo ma‘u e he aga fakaotua ae talaofa ae moui ni, 4 bea oe moui e hoko. 10 E mamahi ae agahala i he e nau mamata ki he monuia oe maonioni
¶ 1 MOU fakamalo kia Jihova. Oku monuia ae tagata oku ne manavahe kia Jihova, mo ne fiefia lahi i he ene gaahi fekau.
2 E malohi hono hako i mamani: koe toutagata oe agatonu te nau monuia.
3 E i hono fale ae koloa moe nāunāu: bea oku tologa o taegata a ene agatonu.
4 Oku tubu ae māma ki he agatonu i he bouli: oku agaofa ia, bea fonu i he manavaofa, bea maonioni.
5 Oku fakaha e he tagata agalelei ae ofa, bea oku faa atu: te ne bule ki he ene mea i he boto.
6 Koe mooni e ikai ue‘i ia o lauikuoga: e taegata ae fakamanatu ki he kakai maonioni.
7 E ikai te ne manavahe ki he ogoogokovi: kuo mau hono loto i he falala kia Jihova.
8 Kuo fokotuu mau a hono loto: e ikai te ne manavahe, ka e mamata ia ki hono gaahi fili.
9 Kuo tufa eia, kuo ne foaki ki he majiva; oku tologa o taegata a ene agatonu; e hiki hake hono nifo i he ogolelei.
10 E mamata ki ai ae agahala, bea te nau mamahi: e fegaiitaki hono nifo, bea e mole atu ia: e auha ae holi ae agahala.