Vahe 101
Oku fuakava a Tevita, mo fakaha te ne fai maonioni.
Koe Same a Tevita.
¶ 1 TEU hiva aki ae aloofa moe fakamāu: E Jihova, teu hiva kiate koe.
2 Teu fai fakabotoboto i he hala haohaoa. Te ke haele mai afe kiate au? Teu eveeva i hoku fale i he loto haohaoa.
3 E ikai teu tuku ha mea kovi i hoku ao: oku ou fehia ki he gaue anautolu kuo nau afe; e ikai bibiki ia kiate au.
4 E alu iate au aia oku loto kovi: e ikai teu ilo‘i ha taha oku kovi.
5 Ko ia oku fakakovi fakafufu hono kaugaabi, teu tuuji ia: ko ia oku fiematamua mo loto laukau e ikai teu kataki‘i.
6 E jio mau hoku mata ki he kakai agatonu i he fonua, koeuhi ke mau nonofo mo au: ko ia oku eveeva i he hala haohaoa, ko ia ia e tauhi au.
7 Ko ia oku ne fai kākā e ikai nofo ia i hoku fale: ko ia oku faa loi e ikai te ne nofo i hoku ao.
8 E vave eku fakaauha ae kau agahala kotoabe oe fonua; koeuhi keu tuuji ae kakai fai kovi kotoabe mei he kolo a Jihova.