Vahe 123
1 Oku fakaha e he kakai agalelei e nau tui ki he Otua, 3 bea oku nau lotu ke nau hao mei he manuki.
Koe Hiva ae alu hake.
¶ 1 OKU ou haga hake hoku mata ki hoo afio, akoe oku ke afio i he gaahi lagi.
2 Vakai, oku hage koe jio ae mata oe kau tamaioeiki ki he nima oe nau gaahi eiki, bea hage koe mata o ha kaunaga ki he nima o ene eiki fefine; oku tatali behe a ho mau mata kia Jihova ko ho mau Otua, kae oua ke ne aloofa mai kiate kimautolu.
3 E Jihova, ke ke aloofa mai kiate kimautolu, ke ke aloofa mai kiate kimautolu: he kuo mau fonu aubito i he manukia.
4 Oku fonu aubito ho mau laumalie i he manuki anautolu oku aga fakafiemalie, bea moe fehia ae fielahi.