Vahe 120
1 Koe lotu a Tevita i he fai kovi a Toeki. 3 Oku ne valoki ki hono elelo. 5 Oku ne mamahi koeuhi ko ene nonofo moe agahala.
Koe Hiva ae alu hake.
¶ 1 NAAKU tagi kia Jihova i he eku mamahi, bea naa ne ogo‘i au.
2 E Jihova, fakahaofi hoku laumalie mei he lougutu loi, bea mei he elelo kākā.
3 Koeha e atu kiate koe? he koeha e fai kiate koe, akoe koe elelo kākā?
4 Ae gaahi gahau majila ae tagata malohi, moe gaahi malala‘i afi oe juniba.
5 Oku ou malaia, koe mea i he eku aunofo i Meseki, koeuhi ko eku nofo i he gaahi fale fehikitaki o Keta!
6 Kuo nofo o fuoloa a hoku laumalie fakataha mo ia oku ne fehia ki he melino.
7 Oku ou loto ki he melino: ka i he eku lea oku nau fie tau.