¶ 1 MOU fanogo ki he mea ni, ae kakai kotoabe; fakafanogo, akimoutolu kotoabe oku nofo i mamani:

2 Ae maulalo moe maoluga, ae ma‘umea moe majiva, fakataha.

3 E lea hoku gutu i he boto; bea e kau ki he ilo ae fakakaukau a hoku loto.

4 Teu fakatokaga‘i hoku teliga ki he lea fakatātā: teu fakaha i he haabe eku lea ilogataa.

5 Koeha teu manavahe ai i he gaahi aho oe kovi, oka takatakai au e he hia o hoku va‘e?

6 Ko kinautolu oku falala ki he e nau malohi, o bolebole i hono lahi oe nau koloa;

7 Oku ikai aubito faa fai e ha nau toko taha ke huhui hono tokoua, be atu ki he Otua hano totogi:

8 (He koe huhui o ho nau laumalie oku mahuiga lahi, bea oku tuku ai be ia o taegata:)

9 Koeuhi ke ne kei moui mau ai be, bea ikai ilo ae auauha.

10 He oku ne mamata oku mate ae kau tagata boto, bea oku auha foki ae tagata vale bea moe taeilo, o nau tuku e nau koloa ki he kakai kehe.

11 Oku mahalo a ho nau loto, e tuu mau be ho nau fale o taegata, mo ho nau gaahi nofoaga ki he toutagata kotoabe; oku nau fakahigoa ho nau abi ki ho nau higoa onautolu.

12 Ka koe mooni koe tagata oku maoluga oku ikai tuu mau ia: oku tatau ia moe faga manu oku auha.

13 Bea ko ho nau hala ni koe nau vale ia: ka oku malieia ho nau hako i he e nau gaahi lea. Sila.

14 Kuo tuku akinautolu ki he faitoka o hage koe faga sibi; e fafaga aki ae mate akinautolu; bea e ma‘u ae malohi kiate kinautolu e he kakai agatonu i he bogibogi; bea e auha ho nau matamata lelei i he faitoka mei ho nau nofoaga.

15 Ka e huhui hoku laumalie e he Otua mei he malohi oe faitoka: he te ne ma‘u au. Sila.

16 Oua naa ke manavahe koe oka hoko o koloaia ha toko taha, i he tubu be ae nāunāu o hono fale;

17 He oka mate ia e ikai te ne fua o ave ha mea e taha: e ikai muimui hifo iate ia hono nāunāu.

18 Ka i he ene moui naa ne tabuaki hono laumalie: bea e fakamalo ae kakai kiate koe, oka ke ka fai lelei kiate koe.

19 E alu ia ki he toutagata o ene gaahi tamai; e ikai te nau mamata ki he māma.

20 Koe tagata oku maoluga, ka oku ikai boto, oku tatau ia moe faga manu oku auha.