Vahe 67
1 Koe lotu ke fakalahi ki he buleaga oe Otua. 3 Ke fiefia ai ae kakai, 6 mo hono tubulaki oe tabuaki oe Otua.
Ki he Takimua i he Nekina, koe Same be koe Hiva.
¶ 1 KE aloofa ae Otua kiate kimautolu, o tabuaki akimautolu; bea tuku ke ulo mai hono fofoga kiate kimautolu. Sila.
2 Koeuhi ke ilo ai ho hala mamani, mo hoo fakamoui i he gaahi buleaga kotoabe.
3 Tuku ke fakamalo ae kakai kiate koe, E Otua; ke fakamalo kiate koe ae kakai kotoabe.
4 Tuku ke fiefia ae gaahi buleaga, bea hiva i he nekeneka: he te ke fakamāu maonioni ae kakai, bea tataki ae gaahi buleaga i mamani. Sila.
5 Tuku ke fakamalo ae kakai kiate koe, E Otua; ke fakamalo kiate koe ae kakai kotoabe.
6 Bea e toki tuku mai e he fonua hono tubu; bea koe Otua, io, ko ho tau Otua, te ne tabuaki akitautolu.
7 E tabuaki akitautolu e he Otua; bea e manavahe kiate ia ae gataaga kotoabe o mamani.