Vahe 60
1 Oku hanu a Tevita ki he Otua i he fakamāu i mua. 4 Oku ne lotu ke moui, bea amanaki lelei ki ai. 6 Oku ne fakafiemalie‘i ia i he gaahi talaofa ae Otua, aia oku ne falala ki ai.
Ki he Takimua i he Susani‐etuta, koe Same mahuiga a Tevita, ke ako aki; i he ene tau‘i a Elama‐nahalaimi mo Elama‐soba, bea liu mai a Joabe, o ne tamate‘i i he luo oe masima ae toko taha mano ma toko ua afe oe kakai Itomi.
¶ 1 E OTUA, kuo ke liaki akimautolu; kuo ke veteki akimautolu; naa ke houhau; ke ke toe tafoki mai kiate kimautolu.
2 Kuo ke lulu ae fonua ke tetetete; kuo mafahifahi ia: ke ke fakalelei hono gaahi maumau; he oku galulu ia.
3 Kuo ke fakaha ae gaahi mea faigataa ki hoo kakai; kuo ke fakainu aki akimautolu ae uaine fakaofo.
4 Kuo ke foaki ae fuka kiate kinautolu nae manavahe kiate koe, ke fakaha ia koeuhi koe mooni. Sila.
5 Koeuhi ke hao aia oku ke ofa ai; ke ke fakamoui aki ho nima toomatau, o fanogo kiate au.
6 Kuo folofola ae Otua i he ene maonioni; teu fiefia, teu vaeua a Sikemi, o fuofua ae luo o Sukote.
7 Oku ooku a Kiliati, bea ooku mo Manase; koe malohi foki o hoku ulu a Ifalemi; ko eku fai fono a Juta;
8 Ko eku ibu kaukauaga a Moabe; teu li hoku tobuva‘e ki oluga ki Itomi: Filisitia, ke ke vikiviki koe koeuhi ko au.
9 Kohai te ne omi au ki ke kolo malohi? kohai te ne autaki au ki Itomi?
10 E Otua, e ikai te ke fai ia, akoe kuo ke liaki akimautolu? akoe, E Otua, nae ikai te ke alu moe mau gaahi kau tau?
11 Ke ke tuku kiate kimautolu ae tokoni mei he mamahi: he oku taeaoga ae tokoni ae tagata.
12 Koe mea i he Otua te tau fai malohi ai: he ko ia ia te ne malaki hifo ho tau gaahi fili.