Vahe 52
1 Oku fakaha e Tevita ae meheka a Toeki, o ne kikite e auha ia. 6 E fiefia ai ae kakai maonioni. 8 Oku fakafetai a Tevita i he ene tui ki he aloofa ae Otua.
Ki he Takimua, koe Same akonaki a Tevita, i he ha‘u a Toeki koe tagata Itomi, o tala kia Saula, o ne behe kiate ia, kuo ha‘u a Tevita ki he fale o Ahimeleki.
¶ 1 AE tagata malohi, koeha oku ke bolebole ai koe i he fai bauu? oku tologa mau ai be ae aloofa ae Otua.
2 Oku laga‘i e ho elelo ae gaahi mea kovi; o ne fai kākā, o hage koe tele majila.
3 Oku ke ofa lahi ki he kovi i he lelei; bea ki he loi i he lea maonioni. Sila.
4 Ae elelo kākā, oku ke manako ki he gaahi lea fakaauha.
5 Bea e fakaauha foki koe e he Otua o taegata, te ne too o ave koe, bea taaki koe mei ho nofoaga, o taaki fuu hake koe mei he fonua oe moui. Sila.
6 E mamata foki ki ai ae kakai maonioni, bea manavahe, bea nau kata manuki kiate ia:
7 Vakai, koeni ae tagata nae ikai ma‘u ae malohi mei he Otua; ka nae falala ki he lahi o ene koloa, o ne fakamalohi ia i he ene kovi.
8 Ka oku ou tatau moe olive laumauiui i he fale oe Otua: oku ou falala ki he aloofa ae Otua o taegata bea taegata.
9 Teu fakamalo kiate koe o taegata, koeuhi kuo ke fai ia ekoe: bea teu tatali ki ho huafa; he oku lelei ia i he ao o ho kakai maonioni.