¶ 1 KOEHA oku matalili ai ae hiteni? bea fakalaulauloto ae kakai ki he mea noabe?

2 Oku tuu hake fakataha ae gaahi tu‘i o mamani, bea fakakaukau fakataha ae kau bule kia Jihova mo ia kuo ne bani, o behe,

3 Ke tau motuhi e na gaahi ha‘i, bea liaki e na gaahi afo iate kitautolu.

4 Koia oku nofo i he gaahi lagi e kata ia: e manuki a Jihova kiate kinautolu.

5 Bea te ne toki folofola kiate kinautolu i hono houhau, bea fakamamahi‘i akinautolu i hono tubutamaki lahi.

6 Ka kuou fakanofo eku tu‘i ki Saione, koe mouga o eku maonioni.

7 Teu fakaha ae tuutuuni: nae behe e Jihova kiate au, Ko hoku Alo koe; kuou fakatubu koe i he aho ni.

8 Ke ke lea kiate au, bea teu foaki ae gaahi hiteni ko ho tofia, moe gaahi gataaga kotoabe o mamani moou.

9 Te ke maumau‘i akinautolu aki ae vaa ukamea; bea te ke laiki ke lailai akinautolu o hage koe ibu umea.

10 Bea koeni, ke boto akimoutolu ae gaahi tu‘i: bea ma‘u ae akonaki akimoutolu ae kau fakamāu o mamani.

11 Tauhi a Jihova i he manavahe, bea fiefia i he tetetete.

12 Uma ki he Alo, telia naa houhau ia, bea te mou auha mei he hala, oka tubu jii be hono houhau. Oku monuia akinautolu kotoabe oku falala kiate ia.