Vahe 14
1 Oku fakamatala atu e Tevita hono kovi oe tagata fakakakano. 4 Oku ne fakailo ae kovi ki he agahala aki ae māma i ho nau loto. 7 Oku ne vikiviki i he fakamoui ae Otua.
Ki he Takimua, koe Same a Tevita.
¶ 1 KUO behe e he vale i hono loto, Oku ikai ha Otua. Kuo kovi akinautolu, kuo nau fai ae gaahi gaue fakalielia, oku ikai ha toko taha oku fai lelei.
2 Nae afio hifo e Jihova mei he lagi ki he fānau ae tagata, ke afio be oku ai ha niihi oku ilo, mo kumi ki he Otua.
3 Kuo alu he kotoabe, kuo nau hoko o fakalielia kotoabe: oku ikai ha toko taha oku fai lelei, oku ikai aubito ha taha.
4 Oku ikai ha ilo iate kinautolu kotoabe oku fai kovi? akinautolu oku kai o oji hoku kakai o hage koe nau kai ma, bea oku ikai te nau ui kia Jihova.
5 Bea naa nau manavahe ai i he manavahe lahi: he oku i he toutagata oe maonioni ae Otua.
6 Naa mou manuki‘i ae fakakaukau oe majiva, ka ko hono hufaga a Jihova.
7 Kohai te ne foaki mei Saione ae fakamoui ki Isileli? oka toe omi e Jihova hono kakai kuo bobula, e fiefia ai a Jekobe, bea nekeneka a Isileli.