¶ 1 TEU haga hake hoku mata ki he gaahi mouga, aia oku ha‘u mei ai hoku tokoni.

2 Oku ha‘u hoku tokoni mei a Jihova, aia ne ne gaohi ae lagi mo mamani.

3 E ikai tuku eia ke hiki ho va‘e: ko ia oku ne tauhi koe e ikai tulemohe ia.

4 Vakai, ko ia oku ne tauhi a Isileli e ikai te ne tulemohe be mohe.

5 Ko Jihova ko ho tauhi: ko Jihova ko ho fakamalu ia i ho nima toomatau.

6 E ikai ta‘i koe e he laa i he aho, be e he mahina i he bo.

7 E fakahaofi koe e Jihova mei he kovi kotoabe: te ne fakamoui ho laumalie.

8 E tauhi e Jihova hoo alu kitua mo hoo liu mai mei he aho ni, bea taegata.