¶ 1 KE ke fakamāu au, E Jihova; he naaku eveeva i he eku agatonu: naaku falala foki kia Jihova; koia e ikai ai teu hekea.

2 Ahiahi‘i au, e Jihova, o ilo‘i au; ahiahi‘i hoku laumalie mo hoku loto.

3 He oku i hoku ao a hoo aloofa: bea naaku eveeva i hoo mooni.

4 Nae ikai teu nofo moe kau tagata agakovi, bea e ikai teu alu ki loto moe kau malualoi.

5 Oku ou fehia ki he fakataha oe kau fai kovi; bea e ikai teu nofo moe kau agahala.

6 Teu fanofano hoku nima i he maonioni: bea e behe be eku kabui ho ejifeilaulau, E Jihova:

7 Koeuhi keu fakaha aki ae le‘o oe fakafetai, bea fakamatala ki hoo gaahi gaue fakaofo kotoabe.

8 E Jihova, kuou ofa ki he nofoaga o ho fale, moe botu oku nofo ai a hoo afio.

9 Oua naa ke fakataha hoku laumalie moe kau agahala, be ko eku moui moe kau tagata bani toto:

10 Akinautolu oku i ho nau nima ae bauu, bea oku fonu ho nau nima toomatau i he gaahi mea fakahe.

11 Ka ko au, teu eveeva i he eku agatonu: ke ke huhui au, mo ke aloofa kiate au.

12 Oku tuu hoku va‘e i he botu tokamalie: i he gaahi fakataha oe kakai teu fakafetai kia Jihova.