¶ 1 HIVA kia Jihova aki ae hiva foou; he kuo fai eia ae gaahi mea fakaofo: kuo ne ikuna aki hono nima toomatau, mo hono nima maonioni.

2 Kuo fakaha e Jihova a ene fakamoui: kuo ne fakaha atu ene maonioni i he ao oe hiteni.

3 Kuo ne manatu ki he ene aloofa mo ene mooni ki he fale o Isileli: kuo mamata e he gaahi gataaga o mamani ki he fakamoui a ho tau Otua.

4 Kalaga i he fiefia kia Jihova, a mamani kotoabe: kalaga i he le‘o lahi, mo fiefia, bea hiva fakamalo.

5 Hiva kia Jihova aki ae haabe; aki ae haabe, bea moe le‘o oe same.

6 Mou kalaga fakafiefia aki ae gaahi mealea moe le‘o oe mealea, i he ao o Jihova koe Tu‘i.

7 Tuku ke uulu ae tahi, mo hono fonu oia; a mamani, mo kinautolu oku nofo ai.

8 Ke bajibaji e he gaahi vai a ho nau nima: tuku ke fiefia fakataha ae gaahi mouga,

9 I he ao o Jihova; he oku haele mai ia ke fakamāu a mamani: te ne fakamāu a mamani i he maonioni, bea moe kakai i he agatonu.