Mga Kasulatan
2 Nephi 26


Kapitulo 26

Si Kristo mangalagad sa mga Nephita—Si Nephi nakakita sa kalaglagan sa iyang katawhan—Mamulong sila gikan sa abog—Ang mga Hentil motukod og mini nga mga simbahan ug mga tinago nga kalihokan—Ang Ginoo nagdili sa mga lalaki sa pagsunod sa panapi sa mga pari. Mga 559–545 B.C.

1 Ug human si Kristo amabanhaw gikan sa pagkamatay bmagpakita siya sa iyang kaugalingon nganha kaninyo, akong mga anak, ug hinigugma kong kaigsoonan; ug ang mga pulong nga iyang ipamulong kaninyo mamahimo nga cbalaod nga inyong pagabuhaton.

2 Kay tan-awa, sultihan ko kamo nga nakakita ako nga daghang henerasyon ang molabay, ug adunay dagkong gubat ug mga panagbingkil taliwala sa akong katawhan.

3 Ug human ang Mesiyas moanhi adunay mga atimailhan nga ihatag ngadto sa akong katawhan mahitungod sa iyang bpagkahimugso, ug usab mahitungod sa iyang kamatayon ug pagkabanhaw; ug talagsaon ug makalilisang kana nga adlaw alang sa mga daotan, kay mangamatay sila; ug mangamatay sila tungod kay isalikway nila ang mga propeta, ug ang mga santos, ug mobato kanila, ug mopatay kanila; mao nga ang mga pangamuyo sa cdugo sa mga santos mosaka ngadto sa Dios gikan sa yuta batok kanila.

4 Mao nga, tanan kadtong mapagarbohon, ug nagbuhat og daotan, ang adlaw nga moabot amosunog kanila, miingon ang Ginoo sa mga Panon, kay mahisama sila sa dagami.

5 Ug sila nga mopatay sa mga propeta, ug sa mga santos, ang kahiladman sa yuta amolamoy kanila, miingon ang Ginoo sa mga Panon; ug ang bmga kabungtoran motabon kanila, ug ang mga alimpulos modagit kanila, ug ang mga gambalay modat-og kanila ug modugmok kanila ngadto sa abog.

6 Ug duawon sila sa mga dalugdog, ug mga kilat, ug mga linog, ug sa tanang matang sa kalaglagan, kay ang kalayo sa kapungot sa Ginoo mosilaob batok kanila, ug mahisama sila sa dagami, ug ang adlawng moabot mougdaw kanila, miingon ang Ginoo sa mga Panon.

7 O pagkasakit, ug pagkasubo sa akong kalag tungod sa pagkamatay sa akong katawhan! Kay ako, si Nephi, nakakita niini, ug hapit na kini mougdaw kanako sa atubangan sa Ginoo; apan ako kinahanglan nga mangamuyo sa akong Dios: Ang imong mga paagi amakiangayon.

8 Apan tan-awa, ang mga matarong nga mopatalinghog sa pulong sa mga propeta, ug dili mopatay kanila, apan malaomong magpaabot nga tumanon ni Kristo ang mga timailhan nga gihatag, bisan pa sa tanang apagpanglutos—tan-awa, sila kadtong bdili mamatay.

9 Apan ang Anak sa Pagkamatarong amopakita ngadto kanila; ug siya bmoayo kanila, ug makaangkon sila og ckalinaw uban kaniya, hangtod nga molabay ang dtulo ka henerasyon, ug daghan sa eikaupat nga henerasyon ang mangamatay diha sa pagkamatarong.

10 Ug kon molabay na kini nga mga butang ang dihadiha nga apagkalaglag moabot sa akong katawhan; kay, bisan pa sa mga kasakit sa akong kalag, nakita ko kini; mao nga ako nahibalo nga mahitabo kini; ug gibaligya nila ang ilang kaugalingon alang sa walay hinungdan; tungod, kay alang sa ganti sa ilang garbo ug sa ilang kabuang ilang maani ang kalaglagan; tungod kay nagpadaog sila sa yawa ug gipili ang mga buhat sa kangitngit kay sa kahayag, busa itambog gayod sila sa bimpyerno.

11 Kay ang Espiritu sa Ginoo dili kanunay nga amakig-uban sa tawo. Ug kon ang Espiritu sa Ginoo mohunong sa pagpakig-uban sa tawo niana moabot ang dihadiha nga kalaglagan, ug kini ang nakapasubo sa akong kalag.

12 Ug sama sa akong pagpamulong mahitungod sa apag-agni sa bmga Judeo, nga si Jesus mao cgayod ang Kristo, gikinahanglan nga ang mga Hentil maagni usab nga si Jesus mao ang Kristo, ang Mahangtoron nga Dios;

13 Ug nga siya mipakita sa iyang kaugalingon niadtong tanan nga mituo kaniya, pinaagi sa gahom sa aEspiritu Santo; oo, ngadto sa matag nasod, kaliwatan, pinulongan, ug katawhan, magbuhat og talagsaong mga milagro, mga timailhan, ug mga katingalahan, taliwala sa mga anak sa katawhan sumala sa ilang pagtuo.

14 Apan tan-awa, managna ako kaninyo kabahin sa akataposang mga adlaw; kabahin sa mga adlaw diin ang Ginoong Dios bmopahibalo niini nga mga butang ngadto sa mga anak sa katawhan.

15 Human ang akong binhi ug ang binhi sa akong mga igsoong lalaki mokunhod ngadto sa pagkawalay pagtuo, ug pasakitan sa mga Hentil; oo, human ang Ginoong Dios makapahimutang og kampo batok kanila sa ilang palibot, ug ang ilang palibot maliyokan og mga tungtonganan, ug mopabarog og mga kuta batok kanila; ug human sila ipaubos diha sa abog, hangtod nga mahurot sila, sa gihapon ang mga pulong sa mga matarong masulat, ug ang mga pag-ampo sa mga matinud-anon pagadunggon, ug kadtong tanan nga mikunhod ngadto sa pagkawalay pagtuo dili hikalimtan.

16 Kay kadtong mga gipangpatay amamulong ngadto kanila gikan sa yuta, ug ang ilang pagpamulong maggikan sa abog, ug ang ilang tingog susama nga naggikan sa tawo nga adunay gikahinabi nga espiritu; kay ang Ginoong Dios mohatag kaniya og gahom, aron siya mohunghong mahitungod kanila, gani sama og kini gikan sa ilawom sa yuta; ug ang ilang pagpamulong mohunghong gikan sa yuta.

17 Kay sa ingon niini miingon ang Ginoong Dios: Sila amosulat sa mga butang nga mahitabo kanila, ug isulat kini ug selyohan sa usa ka basahon, ug kadtong mga mikunhod ngadto sa pagkawalay pagtuo dili makapanag-iya niini, kay bnagtinguha sila sa paglaglag sa mga butang sa Dios.

18 Mao nga, sama nga kadtong mga gipangpatay gipatay dihadiha; ug ang dakong pundok sa ilang mga bangis mahisama sa atahop nga gipadpad og layo sa hangin—oo, sa ingon niini miingon ang Ginoong Dios: Kini mahitabo dihadiha dayon, sa kalit lang—

19 Ug mahitabo, nga kadtong mikunhod ngadto sa pagkawalay pagtuo apagasakiton pinaagi sa kamot sa mga Hentil.

20 Ug ang mga Hentil napuno sa agarbo diha sa ilang mga panan-aw, ug bnangapandol, tungod sa kadagko sa cbabag diha kanila, mao nga nagtukod sila og daghang dmga simbahan; bisan pa niana, wala sila motahod sa gahom ug sa mga milagro sa Dios, ug nagsangyaw diha sa ilang mga kaugalingon gamit ang kaugalingon nila nga kaalam ug kaugalingon nila nga ekinaadman, aron makaangkon sila og gahom ug fmakapahimulos sa mga kabos.

21 Ug adunay gitukod nga daghang simbahan diin didto nagsugod ang mga apagkasina, ug mga panagbangi, ug malisya.

22 Ug usab adunay atinago nga mga panagkunsabo, gani sama sa karaang mga panahon, pinasubay sa panagkunsabo sa yawa, kay siya man ang tigpasiugda sa tanan niini nga butang; oo, tigpasiugda sa pagbuno, ug mga buhat sa kangitngit; oo, ug siya sa sinugdanan hinay-hinay nga mibira kanila gamit ang humok nga higot sa liog, hangtod nga siya mogapos kanila sa iyang lig-on nga mga pisi hangtod sa hangtod.

23 Kay tan-awa, hinigugma kong kaigsoonan, sultihan ko kamo nga ang Ginoong Dios dili magabuhat diha sa kangitngit.

24 Siya dili mohimo og bisan unsa gawas lang kon kini alang sa kaayohan sa kalibotan; kay agihigugma niya ang kalibotan, gani gitugyan niya ang iyang kaugalingong kinabuhi aron iyang madani ang btanang katawhan ngadto kaniya. Mao nga, wala siya magsugo nga sila dili moambit sa iyang kaluwasan.

25 Tan-awa, gisinggitan ba niya si bisan kinsa, sa pag-ingon: Palayo kanako? Tan-awa, sultihan ko kamo, Wala; apan miingon siya: aDuol ngari kanako tanan kamo nga lumulupyo sa yuta, bpalit og gatas ug dugos, nga walay bayad ug walay kantidad.

26 Tan-awa, siya ba nagsugo kang bisan kinsa nga biyaan nila ang mga sinagoga, o ang mga balay nga kasimbahan? Tan-awa, sultihan ko kamo, Wala.

27 Siya ba nagsugo kang bisan kinsa nga sila dili gayod moambit sa iyang akaluwasan? Tan-awa sultihan ko kamo, Wala; apan bmihatag siya niini nga walay bayad alang sa tanang tawo; ug misugo siya sa iyang katawhan nga sila moawhag gayod sa tanang tawo sa cpaghinulsol.

28 Tan-awa, ang Ginoo misugo ba kang bisan kinsa nga sila dili gayod moambit sa iyang pagkamaayo? Tan-awa sultihan ko kamo, Wala; apan ang atanang tawo adunay susama nga kahigayonan, ug walay gidid-an.

29 Siya misugo nga walay apanapi sa mga pari; kay, tan-awa, ang panapi sa mga pari mao ang pagwali ug pagpahiluna sa ilang kaugalingon sama nga usa ka kahayag sa kalibotan, aron makaangkon sila og katigayonan ug bpagdayeg sa kalibotan; apan diay wala sila magtinguha sa kaayohan sa Zion.

30 Tan-awa, ang Ginoo nagdili niini nga butang; mao nga, ang Ginoong Dios mihatag kanako og sugo nga ang tanang tawo magbaton og agugmang putli, kansang gugma nga putli mao ang bpaghigugma. Ug gawas kon sila angay nga magbaton og gugmang putli sila walay bili. Mao nga, kon sila adunay gugmang putli dili sila motugot sa mamumuo sa Zion nga mamatay.

31 Apan ang mamumuo sa aZion maghago alang sa Zion; kay kon maghago sila alang sa bsalapi malaglag sila sa espirituhanong paagi.

32 Ug usab, ang Ginoong Dios amisugo nga ang mga tawo dili magbuno; nga dili sila magbakak; nga dili sila mangawat; nga dili sila mosangpit sa ngalan sa Ginoo nga ilang Dios sa bwalay hinungdan; nga dili sila masina; nga dili sila magbaton og malisya; nga dili sila makigbingkil sa usag usa; nga dili sila mobuhat og binayarang pakighilawas; ug nga dili gayod sila magbuhat og bisan unsa niini nga mga butang; kay kon si kinsa ang magbuhat niini malaglag sa espirituhanong paagi.

33 Kay walay bisan unsa niining pagkadaotan ang naggikan sa Ginoo; kay siya nagbuhat niana nga maayo taliwala sa mga anak sa mga tawo; ug siya walay gibuhat bisan unsa gawas nga kini yano ngadto sa mga anak sa katawhan; ug nagdapit siya kanila sa pagduol ngadto kaniya ug pag-ambit sa iyang kamaayo; ug siya walay abalibaran bisan kinsa nga moduol kaniya, itom ug puti, ulipon ug gawasnon, lalaki ug babaye; ug siya mohinumdom sa mga bdili magtutuo; ug ang ctanan managsama ngadto sa Dios, Judeo ug Hentil.