Kapitulo 16
Si Isaias nakakita sa Ginoo—Ang mga sala ni Isaias gipasaylo—Gitawag siya aron managna—Nanagna siya mahitungod sa himoong pagsalikway sa mga Judeo sa mga pagtulon-an ni Kristo—Ang salin sa mga Judeo mamauli—Itandi sa Isaias 6. Mga 559–545 B.C.
1 Sa atuig nga namatay si haring Uzzias, nakakita usab ako sa Ginoo nga naglingkod sa trono, nga taas ug habog, ug ang iyang bkapa milukop sa templo.
2 Sa ibabaw niini nagbarog ang mga aserapin; matag usa kanila adunay tag-unom ka pako; pinaagi sa duha ka pako gitabonan niya ang iyang nawong, ug pinaagi sa duha gitabonan niya ang iyang mga tiil, ug pinaagi sa duha siya molupad.
3 Ug ang usa misinggit ngadto sa lain, ug miingon: Balaan, balaan, balaan, ang Ginoo sa mga Panon; ang tibuok yuta nalukop sa iyang himaya.
4 Ug ang mga ahaligi sa pultahan natay-og sa tingog kaniya nga misinggit, ug ang balay nalukop sa aso.
5 Dayon miingon ako: Alaot ako! kay ako analaglag; tungod kay tawo ako nga hugaw og ngabil; ug nagpuyo ako taliwala sa katawhan nga hugaw og mga ngabil; kay ang akong mga mata nakakita sa Hari, sa Ginoo sa mga Panon.
6 Dayon milupad ang usa sa mga serapin ngari kanako, nga nagdala og anagbaga nga uling sa iyang kamot, nga iyang gikuha pinaagi sa kimpit gikan sa altar;
7 Ug iya kining gibutang sa akong ba-ba, ug miingon: Tan-awa, midapat kini sa imong mga ngabil; ug ang imong apagkadaotan natangtang na, ug ang imong sala nalimpyohan.
8 Usab akong nadungog ang tingog sa Ginoo, nga nag-ingon: Kinsa ang akong ipadala, ug kinsa ang moadto alang kanato? Unya ako miingon: Ania ako; ipadala ako.
9 Ug miingon siya: Lakaw ug sultihi kini nga katawhan—Paminawa ninyo, apan wala sila makasabot; ug tan-awa ninyo, apan wala sila makamatikod.
10 Himoang magmagahi ang kasingkasing niini nga katawhan, ug himoang bungol ang ilang mga dunggan, ug ipiyong ang ilang mga mata—aron dili sila makakita pinaagi sa ilang mga mata, ug amakadungog pinaagi sa ilang mga dunggan, ug makasabot pinaagi sa ilang kasingkasing, ug mangakabig ug mangaayo.
11 Dayon miingon ako: Ginoo, hangtod kanus-a? Ug miingon siya: Hangtod nga wala nay lumulupyo ang mga dakbayan, ug wala nay tawo ang mga balay, ug ang yuta sa hingpit mahimong biniyaan;
12 Ug ang Ginoo amipalayas sa mga tawo ngadto sa layo, kay adunay dakong pagbiya nga mahitabo taliwala sa mao nga dapit.
13 Apan sa gihapon adunay ikanapulo nga bahin, ug mamalik sila ug pagaut-uton, sama sa usa ka kahoy nga robles, ug sama sa kahoy nga encina kansang mahinungdanon nga bahin magpabilin samtang mangalarag ang mga dahon niini; mao nga ang balaan nga binhi mao ang amahinungdanon nga bahin niini.