Li b’ich
    Xyoʼlebʼaal li chaabʼilal
    Footnotes
    Theme

    41

    Xyoʼlebʼaal li chaabʼilal

    Rikʼin tzʼaamank

    1. Xyoʼlebʼaal li chaabʼilal,

    Tuqubʼ li waam re taabʼichanq.

    Xbʼaan xkʼihal laa wuxtaanal

    Kʼaʼjoʼ xnimal li bʼich taaʼajmanq.

    Kʼut chiwu sahil aatin

    Joʼ saʼ choxa chaq bʼichanbʼil.

    Saʼ li tzuul xaqxo wankin,

    Re laa rahom aj kolonel.

    2. Ninxaqabʼ inbʼantioxihom

    Naq toj arin aabʼaan xinchal,

    Ut nawaj, wi aawajom,

    Naq tinwulaq saʼ lin hiilal.

    Li Jesus wikʼin kichal

    Naq najt xinwan joʼ aj bʼehenel.

    Re kolok chiru rahilal

    Saʼ lin kʼabʼaʼ kixkʼe xkikʼel.

    3. At inDios, kʼaʼjoʼ saʼ waam

    Wulaj wulaj saʼ kʼas wankin.

    Laa wuxtaan, joʼ bʼakʼlebʼ kʼaam

    Lin chʼool chixbʼakʼ raj aawikʼin.

    Aay, rajlal naʼel inchʼool

    Rikʼin li Dios raabʼil inbʼaan!

    Weʼ li waam, chaatzʼap, chakʼul

    Choqʼ re laa hilobʼaal aran.

    Raatinul: Robert Robinson, 1735–1790

    Xyaabʼal: John Wyeth, 1770–1858

    Salmos 51:1–3, 10

    1 Nefi 11:25