Mense om te Ken

Scripture Stories

Mense om te Ken

Aäron: ŉ seun van Koning Mosia en ŉ sendeling aan die Lamaniete
Abinadi: ŉ profeet gestuur om Koning Noag, wat Abinadi laat doodbrand het, te leer.
Adam: die eerste man op aarde
Alma: ŉ priester van Koning Noag wat Abinadi se leringe geglo het en wat later die leier van die Kerk geword het
Alma die Jongere: Alma se seun wat gerebelleer het en probeer het om die Kerk te vernietig, maar wat ŉ verandering van hart ondergaan het en begin het om die evangelie te verkondig. Hy het die leier van die Kerk en die eerste hoofregter geword.
Amalikia: ŉ goddelose man wat koning van die Nefiete wou wees, maar wat die mense se vryheid sou wegneem. Toe hy nie koning geword het nie, het hy weggegaan om by die Lamaniete aan te sluit.
Amliki: was ŉ bose man wat koning van die Nefiete wou wees. Toe hy nie koning geword het nie, het hy en sy volgelinge weggegaan, die Nefiete aangeval, en toe by die Lamaniete aangesluit.
Amlikiete: volgelinge van Amliki. Hulle het ŉ rooi merk op hul voorkoppe geplaas en by die Lamaniete aangesluit.
Ammaron: ŉ regverdige man wat die rekords aan Mormon gegee het sodat hulle veilig sou wees
Ammon, volk van: Lamaniete tot bekering gebring deur die seuns van Mosia. Hulle het hulle wapens begrawe en ŉ verbond gesluit om nooit weer te veg nie.
Ammon¹: die leier van ŉ groep Nefiete vanaf Zarahemla wat na die land van Nefi gegaan het en Nefiete daar gehelp het om te ontsnap
Ammon²: een van Mosia se seuns wat Koning Lamoni se kuddes teen rowers beskerm het. Hy het baie Lamaniete geleer en tot bekering gebring gedurende sy sending.
Amulek: ŉ sendingmetgesel van Alma die Jongere. Hulle is in die gevangenis gegooi, maar het die mag van God gebruik om die mure van die tronk ineen te laat stort.
Amulon: ŉ goddelose priester van Koning Noag wat heerser oor Alma se volk geword het. Hy het hulle baie hard laat werk en gedreig om enigiemand dood te maak wat uitgevang word terwyl hulle bid.
Anti-Nefi-Lehi’s: (sien Ammon, volk van)
Benjamin, Koning: ŉ regverdige koning wat op ŉ toring gestaan het om sy mense te leer aangaande Jesus Christus
Corianton: ŉ seun van Alma die Jongere wat nie ŉ gelowige en regverdige sendeling was nie
Coriantumr: ŉ goddelose koning wat die laaste lewende Jerediet was
Enos: ŉ seun van Jakob wat die hele dag en tot in die nag gebid het. Hy het vir die Nefiete en die Lamaniete gebid.
Ether: ŉ profeet wat die Jerediete gewaarsku het om te bekeer en oor hulle vernietiging geskryf het
Eva: die eerste vrou op aarde
Gideon: ŉ regverdige Nefiet wat die Kerk beskerm het toe Nehor vir die mense begin leuens vertel het. Nehor het hom vermoor.
Hagot: ŉ Nefitiese skipbouer wat baie Nefiete na die lande in die noorde geneem het
Helaman: die oudste seun van Alma die Jongere. Die heilige rekords is aan hom gegee, en hy is aangesê om die geskiedenis van sy mense neer te skryf. Hy was ook die leier van 2,000 jong krygers.
Himni: ŉ seun van Koning Mosia en ŉ sendeling aan die Lamaniete
Ismael: ŉ man wat saam met Lehi en sy familie na die beloofde land gereis het. Sy dogters het met Lehi se seuns getrou.
Jakob: Lehi en Saria se seun. Hy het Sjerem, wat gesê het dat Christus nie bestaan nie, gekonfronteer.
Jerediete: volgelinge van Jered en sy broer wat Babel verlaat het en in bote na die beloofde land gereis het
Jered se broer: ŉ profeet wat vir Jesus gevra het om 16 klippies aan te raak sodat hulle lig kon gee aan die binnekant van die bote wat die Jerediete gebruik het om na die beloofde land te reis
Josef: ŉ regverdige seun van Lehi en Saria wat in die wildernis gebore is
Joseph Smith Jnr.: ŉ profeet van die laaste dae wat die Boek van Mormon van die goue plate af vertaal het
koningsmanne: Nefiete wat wou hê dat ŉ koning hulle regeer, en nie regters nie. Toe hulle nie ŉ koning kon kry nie, het hulle by die Lamaniete aangesluit en die Nefiete aangeval.
Korihor: ŉ goddelose man wat ŉ teken wou hê as bewys dat God lewe. God het Korihor ŉ teken gegee deur sy stem weg te neem.
Laban: ŉ goddelose man in Jerusalem wat nie die bronsplate vir Lehi se seuns wou gee nie
Laman: die oudste seun van Lehi en Saria. He was ŉ goddelose man wat teen God gerebelleer het.
Laman, Koning: ŉ goddelose Lamanitiese koning wat twee stede vir Zenif en sy Nefitiese volgeling gegee het, en hulle toe aangeval het
Lamaniete: nasate van of volgelinge van Laman en Lemuel of mense wat die evangelie verwerp het
Lamoni, Koning: ŉ Lamanitiese koning wat die evangelie geleer is en geglo het. Ammon² het die koning se kuddes teen rowers beskerm.
Lamoni, vader van Koning: ŉ Lamanitiese koning wat die evangelie geleer is en geglo het. Hy het gesê dat hy al sy sondes sou weggee om God te ken.
Lehi¹: ŉ profeet wat gewaarsku het dat Jerusalem verwoes sou word. Hy het geluister toe die Here vir hom gesê het om sy familie die wildernis in te neem.
Lehi²: die seun van Helaman. Hy en sy broer, Nefi, is in die gevangenis gegooi en deur vuur omring.
Lemuel: ŉ goddelose seun van Lehi en Saria
Limhi, Koning: ŉ goeie seun van goddelose Koning Noag. Hy en sy volk was slawe van die Lamaniete, maar het ontsnap.
Maria: die moeder van Jesus
Mormon: ŉ leier van die Nefitiese leërs en een van die laaste Nefitiese profete. Hy het die Boek van Mormon saamgestel.
Moroni: Mormon se seun en die laaste Nefitiese profeet. Hy het die goue plate begrawe en het later as ŉ engel aan Joseph Smith verskyn.
Moroni, Kaptein: ŉ regverdige leier van die Nefitiese leër. Hy het die vaandel van vryheid gemaak en sy weermag aangesê om vir hulle vryheid te veg.
Mosia, Koning: die laaste Nefitiese koning. Hy het vier seuns gehad.
Nefi¹: ŉ regverdige seun van Lehi en Saria. Hy het die bronsplate vanaf Laban gekry, en die skip gebou wat sy familie na die beloofde land geneem het.
Nefi²: die seun van Helaman. Hy en sy broer, Lehi, was in die tronk gegooi en deur vuur omring. Nefi het ŉ hongersnood veroorsaak om die mense te leer om te bekeer.
Nefi³: ŉ regverdige man wat deur Jesus Christus gekies is om ŉ dissipel en leier van die Kerk te wees.
Nefiete: nasate van of volgelinge van Nefi, of mense wat die evangelie aanvaar het
Nehor: ŉ goddelose man wat sterk teen God se Kerk gestry het. Hy het Gideon doodgemaak en is self tereggestel.
Noag, Koning: ŉ goddelose Nefitiese koning wat lief was vir rykdom en sy volk geleer het om goddeloos te wees. Sy eie mense het hom doodgebrand.
Omner: ŉ seun van Koning Mosia en ŉ sendeling aan die Lamaniete
Pahoran: ŉ hoofregter van die Nefiete wat Kaptein Moroni gehelp het om die goddelose Nefiete te oorwin
Sam: ŉ regverdige seun van Lehi en Saria
Samuel die Lamaniet: ŉ profeet wat aan die Nefiete geprofeteer het van die tekens van Jesus Christus se geboorte en dood
Saria: Lehi¹ se vrou
Seantum: die broer en moordenaar van Seezoram
Seezoram: ŉ hoofregter wat deur sy broer vermoor is
seuns van Mosia: Koning Mosia se seuns: Aäron, Ammon,² Himni, en Omner, wat dapper sendelinge aan die Lamaniete was
Siz: ŉ goddelose Jerediet wat ŉ leër teen Coriantumr gelei het en was een van die laaste lewende Jerediete
Sjerem: ŉ goddelose Nefiet wat ŉ teken wou hê voordat hy in Jesus Christus sou glo
twee duisend jong krygers: ŉ leër van jong Ammonitiese mans wat deur Helaman gelei was. Hulle het geveg sodat hul ouers wat ŉ verbond gesluit het om nie te veg nie, dit nie hoef te doen nie.
vrymanne: Nefiete wat die vryheid wou hê om te lewe en te aanbid soos hulle verkies. Hulle is deur regters regeer, en nie deur ŉ koning nie.
Zeesrom: ŉ regsgeleerde wat Amulek geld aangebied het om te sê dat God nie bestaan nie. Alma die Jongere het die evangelie aan hom geleer, en hy het bekeer.
Zenif: ŉ regverdige leier wat ŉ groep Nefiete vanaf Zarahemla na die land van Nefi geneem het, waar hulle slawe geword het van die goddelose Koning Laman
Zerahemna: ŉ Lamanitiese leier wat teen die Nefiete geveg het en hulle sy slawe wou maak. Sy kopvel is afgesny in ŉ veldslag teen Kaptein Moroni se leër.
Zoram: ŉ dienskneg van Laban wat saam met Lehi en sy familie na die beloofde land gereis het
Zoramiete: ŉ goddelose volk wat eers aan God se Kerk behoort het. Hulle het in sinagoges gebid op ŉ platform genaamd ŉ Rameümpton.