Hoofstuk 32
Kaptein Moroni en die Vaandel van Vryheid
ʼn Goddelose man genaamd Amalikia wou die koning oor die Nefiete word. Baie Nefiete het die Kerk verlaat om hom te volg.
Indien Amalikia koning word, sou hy probeer om die Kerk van God te vernietig en die mense se vryheid wegneem.
Toe Kaptein Moroni, die leier van die Nefitiese leërs, van Amalikia se plan om koning te word hoor, het hy kwaad geword.
Moroni het sy mantel geskeur om ʼn vlag te maak. Hy het ʼn boodskap daarop geskryf om die mense te herinner om hulle godsdiens, vryheid en vrede te verdedig.
Moroni het die vlag aan ʼn paal vasgemaak en dit die vaandel van vryheid genoem. Hy het toe, geklee in sy wapenrusting, gekniel om te bid.
Hy het God gevra om diegene te beskerm wat in Jesus Christus geglo het en het vir vryheid in die land gebid en dit ʼn land van vryheid genoem.
Moroni het tussen die mense gegaan. Hy het die vaandel van vryheid gewaai en hulle geroep om te kom om hulle vryheid te help verdedig.
Mense het van oor die hele land gekom. Hulle het belowe om God se gebooie te gehoorsaam en om vir vryheid te veg.
Toe Amalikia sien hoeveel Nefiete by Moroni aangesluit het, was hy bevrees. Hy en sy volgelinge het vertrek om by die Lamaniete te gaan aansluit.
Moroni en sy leër het hulle probeer keer, maar Amalikia en ʼn paar van sy manne het ontsnap.
Moroni het ʼn vaandel van vryheid op elke toring in die land van die Nefiete geplaas. Die Nefiete het hulle vryheid behou en het weer vrede gehad.