Hoofstuk 46
Jesus Christus Onderrig en Bid saam met die Nefiete
Die Nefiete wat Jesus Christus gesien het, het hulle vriende vertel dat Hy die volgende dag weer sou terugkom. Baie mense het baie hard gewerk om te kom tot waar Jesus sou wees.
Die volgende oggend het Nefi en die ander dissipels die groep mense geleer wat daar bymekaar gekom het. Die dissipels het toe gebid dat hulle die Heilige Gees sou ontvang.
Nefi het in die water ingegaan en is gedoop. Hy het toe die ander dissipels gedoop.
Nadat hulle gedoop is, het die dissipels die Heilige Gees ontvang. Dit was asof hulle deur vuur omring is, en engele het vanuit die hemel neergedaal en hulle gedien.
Terwyl die engele by die dissipels was, het Jesus in hulle midde kom staan.
Christus het vir al die Nefiete gesê om op die grond te kniel. Hy het vir sy dissipels gesê om te bid.
Terwyl hulle besig was om te bid het Jesus ʼn entjie van die mense af weggegaan en neergekniel en tot Hemelse Vader gebid.
Jesus het Hemelse Vader bedank omdat Hy die Heilige Gees aan sy dissipels gegee het. Hy het toe gevra dat die Heilige Gees aan almal gegee sal word wat die dissipels se woorde sal glo.
Jesus het sy dissipels geseën terwyl hulle besig was om te bid. Hy het vir hulle geglimlag en hulle het so wit soos sy gesig en klere geword.
Jesus het weer vir sy dissipels gebid. Hy het behae geskep in hulle groot geloof.
Christus het vir die mense gesê om op te hou bid, maar om aan te hou om in hulle harte te bid. Hy het hulle toe die nagmaal gegee.
Niemand het brood of wyn gebring nie, maar die Verlosser het dit op ʼn wonderbaarlike manier voorsien.
Jesus Christus het die Nefiete vertel dat sy evangelie weer na die aarde teruggebring sal word in die laaste dae.
Hy het vir hulle gesê om die skrifture te bestudeer, en Hy het Nefi gevra om in die rekords die vervulling van die res van Samuel die Lamaniet se profesieë neer te skryf.
Jesus het die mense toe uit die skrifture geleer. Hy het vir hulle gesê om mekaar die dinge te leer wat Hy hulle geleer het.
Jesus het teruggegaan na die hemel en sy dissipels het die mense geleer. Diegene wat geglo het is gedoop en het die Heilige Gees ontvang.
Die Nefiete het begin om al die gebooie te onderhou.