Hoofstuk 18
Bekering van Alma die Jongere
Alma en Koning Mosia was bekommerd omdat ongelowiges, lede van die Kerk laat ly het as gevolg van hulle geloof.
Alma het ʼn seun gehad genaamd Alma. Alma die Jongere het nie sy vader se leringe geglo nie en het ʼn bose man geword.
Alma die Jongere en die vier seuns van Koning Mosia het teen die Kerk geveg. Hulle het baie mense oorreed om die Kerk te verlaat en goddeloos te word.
Alma het gebid dat sy seun die waarheid sou leer en bekeer.
Alma die Jongere en die seuns van Koning Mosia het aangehou om te probeer om die Kerk te vernietig.
Een dag het ʼn engel aan hulle verskyn. Die engel het met ʼn harde stem gepraat wat die aarde geskud het.
Die vyf jong mans was só bang dat hulle op die grond neergeval het. Hulle kon eers nie verstaan wat die engel gesê het nie.
Die engel het gekom in antwoord op die gebede van Kerklede. Die engel het Alma die Jongere gevra hoekom hy teen die Kerk veg.
Die grond het geskud terwyl die engel vir Alma die Jongere gesê het om op te hou om te probeer om die Kerk te vernietig.
Alma die Jongere en die seuns van Koning Mosia het weer neergeval. Hulle het ʼn engel gesien, en hulle het geweet dat die krag van God die aarde geskud het.
Alma die Jongere was so verbaas dat hy nie kon praat nie. Hy het só swak geword dat hy nie eens sy hande kon beweeg nie.
Die seuns van Mosia het Alma die Jongere na sy vader gedra en aan hom alles vertel wat met hulle gebeur het.
Alma was bly. Hy het geweet dat God sy gebede beantwoord het.
Alma het baie mense bymekaar geroep om aan hulle te wys wat God vir sy seun en die seuns van Mosia gedoen het.
Alma, tesame met ander Kerkleiers, het gevas en gebid en het God gevra om Alma die Jongere te help om weer sterk te word.
Na twee dae en nagte, was Alma die Jongere in staat om te praat en te beweeg.
Hy het die mense vertel dat hy van sy sondes bekeer het en dat God hom vergewe het.
Hy het geleer dat almal regverdig moes word om God se koninkryk te mag ingaan. Hy het ook vertel van die groot pyn wat hy verduur het as gevolg van sy sondes.
Alma die Jongere was bly omdat hy bekeer het en God hom vergewe het. Hy het geweet dat God hom liefhet.
Alma die Jongere en die seuns van Mosia het begin om die waarheid dwarsdeur die land te verkondig, en het almal vertel wat hulle gesien en gehoor het.
Hulle het probeer om die skade wat hulle aangerig het, reg te maak. Hulle het die skrifture aan die mense verduidelik en hulle van Christus geleer.
God het Alma die Jongere en die seuns van Koning Mosia geseën terwyl hulle die evangelie verkondig het. Baie mense het na hulle geluister en geglo.