Hoofstuk 48
Vrede in Amerika
Die mense wat van hulle sondes bekeer het, is gedoop en het die Heilige Gees ontvang.
Gou is al die Nefiete en Lamaniete tot bekering gebring. Hulle het nie gestry nie en almal was eerlik.
Niemand was ryk of arm nie. Die mense het alles gedeel en almal het alles gehad wat hulle nodig gehad het.
Die dissipels het baie wonderwerke in die naam van Jesus Christus verrig. Hulle het die siekes genees en die dooies opgewek.
Die mense het nuwe stede gebou waar ander vernietig was.
Hulle het God se gebooie onderhou. Hulle het gebid en gevas en het gereeld bymekaar gekom om die woord van God te hoor.
Die mense was gelukkig.
Daar was geen rowers, geen leuenaars en geen moordenaars nie. Die mense was nie meer as Nefiete of Lamaniete verdeel nie, maar was almal een, die kinders van God.
Die Here het die mense geseën in alles wat hulle gedoen het.
Hulle het vir 200 jaar in vrede geleef. Die mense het baie ryk geword.