1 Uye zvakare hama dzangu, ndinoisa pfungwa dzenyu kunguva Ishe Mwari yavakapa mirairo iyi kuvana vake; uye ndinoti dai marangarira kuti Ishe Mwari ^avakagadza vapirisita, muhurongwa hwavo hutsvene, hwakange huri hurongwa hweMwanakomana wake, kuti vadzidzise zvinhu izvi kuvanhu.

2 Uye vapirisita ava vakagadzwa maererano nemitemo ^ayehurongwa hweMwanakomana wake, ^bnenzira inoita kuti vanhu vazive kuti vangatarisire netsika ipi kuMwanakomana kuti vanunurwe.

3 Uye iyi ndiyo nzira yavaigadzwa nayo—^avachidaidzwa uye ^bvachigadzirirwa kubvira ^cmukutanga kwenyika maererano ^dnokufanoziva kwaMwari, pamusoro perutendo rwavo rwakawanda nemabasa avo akanaka; pakutanga vachisiiwa kuti ^evasarudze zvakanaka kana zvakaipa; naizvozvo ivo vasarudza zvakanaka, uye vachiratidza ^frutendo rwakawanda zvikuru, ^gvanodaidzwa nokudaidzwa kutsvene, hongu, nekudaidzwa kutsvene kuya kwakagadzirwa, nezviri maererano nehurongwa hwerununuro rwevakadaro.

4 Uye ndiko ^akudaidzwa kwavakaitwa mukudaidzwa uku kutsvene pamusana perutendo rwavo, vamwe vachiramba Mweya waMwari pamusana pekuoma kwemwoyo yavo neupofu hwepfungwa dzavo, zvekuti, dai pakanga pasina izvi vangadaro vakave ^bnepundutso yakaenzana nehama dzavo.

5 Kana muchidimbu, munzvimbo yekutanga vakanga ^avakaenzana nehama dzavo; naizvozvo basa dzvene iri ririkugadzirirwa kubvira pakutanga kwenyika kuitira avo vasingaomese mwoyo yavo, vari mukati mekudzikinurwa naiye ega Mwanakomana Mumwechete Akaberekwa, akagadzirirwa—

6 Uye naizvozvo arikudaidzwa kubasa dzvene iri, nokugadzwa hupirisita hwepamusoro hwehurongwa hutsvene hwaMwari, kuti adzidzise mirairo yake kuvana vevanhu, kuti naivowo vagopinda ^amuzororo ravo—

7 Hupirisita hwepamusoro uhwu huri maererano nehwechikwata cheMwanakomana wavo, chiri chikwata chakange chiripo kubvira pahwaro hwenyika; kana kuti nemamwe mazwi, chiri ^achisina pakatangira mazuva kana pakaperera makore, chiri chakagadzirirwa kubva nokusingaperi kusvika nokusingaperi kwose, maererano nokufanoziva ^bkwake zviri mberi muzvinhu zvose—

8 Zvino ndiyo tsika ^ayavaigadzwa nayo—vachidaidzwa nokudaidzwa kutsvene, uye vachigadzwa mubasa dzvene, uye vachitora hupirisita hwepamusoro hwechikwata chitsvene, kuri kudaidzwa, nebasa, nehupirisita hwepamusoro, zvisina kwekutanga kana magumo—

9 Ndiko kuita kwavanobva vave ^avapirisita vepamusoro zvachose, mugungano reMwanakomana, Mumwechete Akaberekwa waBaba, asina pakatangira mazuva kana panoperera makore, azere ^bnenyasha, nekuenzanisa, nechokwadi. Uye ndizvo zvazviri. Ameni.

10 Zvino, sekutaura kwandaita maererano negungano dzvene, kana hupirisita uhwu ^ahwepamusoro, kune vazhinji vakagadzwa uye vakave vapirisita vepamusoro vaMwari; uye zvakange zviri zvaikonzera nerutendo rwavo rwakawanda ^bnokutendeuka kwavo, nokururuma kwavo pamberi paMwari, ivo vari vakasarudza kutendeuka nokushandira kururama pane kuti vafe;

11 Naizvozvo vakanga vakadaidzwa mugungano dzvene iri, uye ^avakatsveneswa, uye ^bnhumbi dzavo dzikasukwa dzikachena kuburikidza neropa reGwayana.

12 Zvino ivo, mushure ^amekutsveneswa ^bneMweya Mutsvene, nhumbi dzavo dzaitwa chena, uye vari ^cvakachena vasina kavara pamberi paMwari, havaikwanisa kutarisa ^dchitadzo ^evasingashore; uye kwakange kuine vazhinji, vakawanda chaizvo, vakaitwa vachena uye vakapinda muzororo raIshe Mwari vavo.

13 Uye zvino hama dzangu, ndinoti dai mazvirereka pamberi paMwari, uye muunze ^amichero yakafanira kutendeuka, kuti nemiwo mupinde muzororo iroro.

14 Hongu, zvirerekei kana kufanana nevanhu vemumazuva ^aaMerkizedeki, akange ariwo mupirisita wepamusoro mugungano iri randambotaura, akatora hupirisita hwepamusoro uhwu zvachose.

15 Uye ndiyeyu Merkizedeki mumwecheteyo, kwaibvisirwa chegumi ^anaAbrahama; hongu, kana baba vedu Abrahama vaibvisa ^bchegumi chavo chezvinhu zvose zvavaive nazvo.

16 Zvino uku ndiko kupiwa kwaiitwa ^azvisungo izvo, kuti vanhu naizvozvo vatarisire kuMwanakomana waMwari, zviri zviratidzo zvehurongwa hwake, hukuru ^bchimiro chehurongwa hwake izvi zviri zvekuti vatarisire kwaari kuti varegererwe zvitadzo zvavo, kuti zvimwe vangapinde muzororo raIshe.

17 Zvino Merkizedeki uyu aive mambo wenyika yeSaremi; uye vanhu vake vakange vasimba zvikuru muzvitadzo nemukukanganisa; hongu, vose vakanga varasika; vakange vazere nehuipi hwose-hwose;

18 Asi Merkizedeki ari munhu airatidza rutendo rukuru, uye akatambira hupirisita hwepamusoro maererano nehurongwa ^ahutsvene hwaMwari, aiparidza rutendeuko kuvanhu vake. Uye tarisai, vakatendeuka; uye Merkizedeki akadzika runyararo munyika mumazuva ake; saka akadaidzwa kuti jinda rerunyararo, nokuti akange ari mambo weSaremi; uye aitonga ari pasi pababa vake.

19 Zvino kwaive ^anevakawanda iye asati avepo, uye kwaive nevakawanda mushure make, asi ^bhapana aive mukuru kupfuura iye; naizvozvo, iye akanyanya kutaura nezvake.

20 Zvino handifanire kudzokerera nyaya iyi; zvandataura zvakakwana. Tarisai, ^amagwaro matsvene ari pamberi penyu; ^bmukarwisana nawo munenge mave kutozviparadza pachenyu.

21 Uye zvino zvakaitika kuti Aruma paakanga ataura mazwi aya kwavari, akatambanudzira ruoko rwake kwavari akachema nezwi guru, achiti: Ino ndiyo nguva ^ayekutendeuka, nokuti zuva reruponeso rave kuswedera pedyo.

22 Hongu izwi raIshe, ^anemiromo yengirozi; rinodaidzira kumarudzi ose, hongu, rinodaidzira, kuti vawane mashoko akanaka nerufaro rukuru; hongu, uye vanodaidzira mashoko akanaka aya mukati mevanhu vavo vose, hongu, kana kune avo vakapararira nenyika; nokudaro vauya kwatiri.

23 Uye zvakaziviswa kwatiri zviri ^apachena, kuti tinzwisise, kuti tisakanganise; izvi nenzira yokuti tiri ^bvafambi munyika yevatorwa; naizvozvo, takadiwa zvikuru, nokuti mashoko anofadza aya akataurwa kwatiri mumativi ose emunda wedu wemizambiringa.

24 Nokuti tarisai, ^angirozi dziri kutaurira vazhinji munguva ino munyika medu; uye izvi zviri zvekugadziridza mwoyo yevana vevanhu kuti vatambire shoko ravo panguva yaachauya mukubwinya kwake.

25 Uye zvino tangomirira chete kunzwa nhau dzinorufaro dzichiudzwa kwatiri nemiromo yengirozi, dzekuuya kwavo; nokuti nguva iri kuuya, ^ahatizive kuti ndiriini. Dai Mwari vaita kuti zvive ndichiri mupenyu; asi zvive zvino kana imwe nguva, mazviri ndichapembera.

26 Uye zvichaziviswa kune ^avakarurama uye vatsvene, nemiromo yengirozi, panguva yekuuya kwake, kuti mazwi emadzibaba edu azadzikiswe, maererano nezvavakataura pamusoro pake, zvakange zviri maererano nechiporofita chaive mavari.

27 Uye zvino, hama dzangu, ^andinodisa nemwoyo wangu wose, hongu, neshungu huru dzinotorwadza, kuti dai mateerera kumazwi angu, uye murase zvitema zvenyu, uye musaverengere zuva rekutendeuka kwenyu;

28 Asi kuti muzvirereke pamberi paIshe, uye mudaidze zita ravo dzvene, uye ^amutarisire uye murambe muchinamata, kuti ^bmusaedzwe kudarika zvamunogona kukunda, uye kuti mutungamirwe neMweya Mutsvene, muchizvirereka, ^cmakapfava, muchibvuma, makatsiga, muzere nerudo nokushivirira.

29 ^aMuine rutendo munaIshe; muine tariro yokuti muchagashira upenyu hwokusingaperi; muine ^brudo rwaMwari mumwoyo yenyu nguva dzose, kuti mugozosimudzwa musi wekupedzisira uye mugopinda ^cmuzororo ravo.

30 Uye Ishe vakupei rutendeuko, kuti musaunze kushatirwa kwavo pamusoro penyu, kuti musasungwe nengetani ^adzegehena, kuti musazofa ^brufu rwepiri.

31 Uye Aruma akataura mamwe mazwi akawanda kuvanhu, asina kunyorwa mubhuku rino.