1 Áádóó kʼad, bikʼihoolzhiizh aláahdi naatʼáanii Mosiah bił ahodiilzeeʼgo tááʼ nááhai, diné Lehi-Nephi kéyahgóó íínánígíí baa shił bééhodoozį́į́ł niizį́į́ʼ, doodago Lehi-Nephi kin haaláágóó eekai; áko Zarahemladóó dadiikaigo tʼahdoo yaandahodiitsʼį́į́h da; Áko, hodineʼé áłahjįʼ yindahódíłkidgo hoʼdiiłʼá.

2 Áádóó baa hoolzhiizh aláahdi naatʼáanii Mosiah hastą́ą́tsʼáadahgo hastóí dabitsxeʼígíí kéyah Lehi-Nephigóó dookahgo yeʼníłniiʼ, bikʼiské yíndaʼídídoołkił biniyé.

3 Áádóó baa hoolzhiizh biiskání dadiikai, Ammon hoł dahdiikai, éí diné bisxeʼ dóó ayóó átʼáó bidziil, dóó Zarahemla ałkééʼ daʼázhchį́į́dééʼ nilį́; dóó ałdóʼ binaatʼáanii nilį́.

4 Áádóó áko, doo kéédahojitʼínidi háajigo kéyah Lehi-Nephi bikʼizhdookahgo doo hwił béédahózin da; áko ląʼí yiską́ doo kéédahojitʼínidi naanáákahgo, dį́zdiin yiską́ naaníjookahgo.

5 Áádóó naanáákahgo dį́zdiin yiską́ dah yiskʼidgi yíkai, éí kéyah Shilomdóó náhookǫsjigo siʼą́, ákweʼé biníbaal ndeiznil.

6 Áádóó Ammon bikʼiské tááʼgo, kéyah Nephigóó yił yíkai, éí éí Amaleki, Helem, dóó Hem daolyé.

7 Áádóó áko shooh, kéyah Nephidi diné binaatʼáanii yeiyíkai, dóó kéyah Shilomdi aláahdi naatʼáanii baaʼádahalyáanii bináztiʼ, dóó dabisił, dóó bedaʼaztłʼǫ́, dóó awáályah abiʼdoonil.

8 Áádóó baa hoolzhiizh awáályahdi nahíjíízhtʼą́ągo naaki yiską́ dóó aláahdi naatʼáanii bidááh nááhoʼdootʼeezh, dóó bee beʼdaʼastłʼónée kʼidaʼoostʼah; dóó aláahdi naatʼáanii yidááhdóó deizįʼ, dóó hadadoodzih, doodago hadaodzííh biʼdooniid, nabídíkidígíí yaadahodoolnih biniyé.

9 Áádóó kóbíłní: Shooh, Limhi áshtʼį́, Noah biyeʼ nishłį́, éí Zeniff yiyeʼ nilį́į́ ńtʼééʼ, éí kéyah Zarahemladę́ę́ʼ chʼíníná díí kweʼé kéyah bídoogo, éí dabizází bikéyah ńtʼééʼ, éí bidineʼé biinééʼ yee aláahdi naatʼáanii ádabiilaa.

10 Áádóó kʼad, haʼátʼíí biniyé doo ndaałdzidgóó kin haalʼá binaʼáztłʼingi noohkai, shí dóó shaaʼádahalyáanii danidítį́į́hdóó tłʼóóʼgi neildeehgo?

11 Áádóó kʼad, díí biniinaa yisdahnihííeezh, áko nanihídídééshkił biniyé, doodago éí shaaʼádahalyáanii ndanihidoołtsxił ńtʼééʼ. Kʼad hadaohdziih.

12 Áádóó kʼad, Ammon hadíídzih biʼdooniidgo, aláahdi naatʼáanii yichʼįʼ niníyá dóó yichʼįʼ yaahkódzaah; dóó neidzį́į́hgo kódííniid: O aláahdi naatʼáanii, dííjį́ Diyin God bidááhdóó ahééh nisin tʼahdii hinishnánígíí biniinaa, dóó haʼadziih bee sháhooʼaʼígíí; áádóó doo násdzidgóó hadeezdzih;

13 Háálá shééhonísingo éí doo sheʼsínítłʼǫ́ǫ da doo ńtʼééʼ. Háálá Ammon áshtʼį́, Zarahemladi áłkééʼ daʼazhchíiniidééʼ áshtʼį́, áko kéyah Zarahemladę́ę́ʼ níyá shikʼiské bínaʼádídéeshkił biniyé, éí Zeniff kéyahdę́ę́ chʼíbiníʼeezh.

14 Áádóó kʼad, baa hoolzhiizh Limhi Ammon bizaad yidiiztsʼą́ą́ʼgo, ayóó átʼáo bił hózhǫǫd, dóó ání: kʼad, tʼáá áníigo shił bééhoozin kéyah Zarahemladi shikʼéí kéédahatʼínée tʼah dahiiná. Dóó kʼad, Shił hóózhǫǫd; dóó yiską́ągo shidineʼé ałdóʼ bił dahózhǫ́ǫgo ádeeshłííł.

15 Háálá áko shooh, Laman dineʼé binaalteʼ daniidlį́, dóó ínaaltąʼ tʼóó bahádzidgo nihideʼátʼéego nihąąh silá. Dóó kʼad, shooh, nihikʼis nideilteʼdóó yisdánihidooʼish, doodago Laman dineʼé bilákʼeedóó, dóó binaalteʼ dadiildleeł; háálá Nephi dineʼé binaalteʼ daniidlį́įgo nihá yáʼátʼééh Laman dineʼé biʼaláahdi naatʼáanii bichʼí ndaʼiilyéégo éí doo daniidzin da.

16 Áádóó kʼad, aláahdi naatʼáanii Limhi baa ádáʼhalyanígíí Ammon dóó bikʼiské tʼáadoo binídaʼohʼtłʼohí yídiiniid, ndi Shilomdí náhookʼǫsjigo dah yiskʼidgi dookahgo áyiilaa, áádóó bikʼiské kintah góneʼ yahʼídeezhʼeezh, áko daʼdooyį́į́ł, dóó daʼdoodlį́į́ł, dóó nízaad nínáádééʼ haadadoolyį́į́h; háálá ląʼída yikʼee tiʼdahoozniiʼ; dichin, dibááʼ, dóó chʼééh adeesdzá yee tiʼdahoozniiʼ.

17 Áádóó kʼad, baa hoolzhiizh biiskání aláahdi naatʼáanii Limhi tʼáá ałtso bidineʼé bitahgo haneʼ áyiilaa, áko diyin bighangi ałah dooleeł, bizaad yee yichʼįʼ hadoodzihígíí deididootsʼį́į́ł biniyé.

18 Áádóó baa hoolzhiizh ałah silį́į́go kótʼéego yichʼįʼ haadzííʼ: O, shidineʼé, deʼadáohnééh dóó hadaʼíínółní, háálá áko shooh, áajįʼ ahoolzhiizh, dóó doo nízaad hadziih da, niheʼanaaʼí doo bándeilteʼ da dooleeł, łą́ągo tiʼdahwiiʼnííh ndi, éí tʼáadoo biniyéhígóó, ákondí achʼįʼnahwiiʼná nihikaʼadoolwołígíí tʼah biyiʼ nídííkah nisin.

19 Éí bąą, deʼadaonééh, dóó nihił dahoozhǫǫh, Diyin God baʼdaʼíínóhłí, éí Diyin God éí Abraham biDiyin God, dóó Isaac, dóó Jacob, dóó ałdóʼ, éí Diyin God Israel baʼáłchíní kéyah Egyptdę́ę́ʼ chʼííníʼeezh, dóó Tónteel Łichííʼii niʼhóółtseidééʼ chʼídookahgo áyiilaa, dóó manna yee yaʼniłtsoodgo deiyííyą́ą́ʼ áko doo kééhojitʼínídi doo dazhdinóonééł da biniyé; dóó ląʼígo haakáʼaalwod.

20 Áádóó náána, tʼáá éí Diyin God nihizází kéyah Jerusalemdę́ę́ʼ chʼííníʼeezh, dóó bidineʼé kʼad ndi yaa ahalyą́ą́ dóó yikʼidéézį́į́ʼ; áádóó áko shooh, dóó tʼáá nihí nihibąąhágiʼ ádaatʼéii dóó bąąhágiʼ ádeitʼį́įgo biniinaa neilteʼ dasiidlį́į́ʼ.

21 Áádóó tʼáá anołtso dį́į́jí daʼooíínii dasoolį́į́ʼ, éí Zeniff, díí diné bikʼih aláahdi naatʼáanii ályaa yę́ę, tʼáá tsxį́į́ł bizází bikéyah shí dooleeł nizin, éí bąą aláahdi naatʼáanii Laman ayoochʼiid dóó anótʼááh yee binaʼazlóʼ, dóó aláahdi naatʼáanii Zeniff yił ahaaʼdeetʼą́, dóó bikéyah łahdóó yilákʼeh yíílá, doodago kin haalʼá Lehi-Nephi ndi, áádóó kintah Shilom; dóó kéyah binaaʼgooʼígíí—

22 Áádóó díí tʼáá ałtso áyiilaa, díí diné ąąh shijééʼ doodago ndaalteʼ doo biniyé. Áádóó áko shooh, kʼad Laman dineʼé aláahdi binaatʼáanii bichʼįʼ ndaʼiilyé, nihinaadą́ą́ʼ, nihitłʼoh naadą́ą́ʼ adeeʼé, dóó tʼáá ałtso naadą́ą́ʼgiʼ ádaatʼé bą́ą́hílínígíí ałnííʼgo ndahiilyé, dóó nihinaaldlooshiiʼ dóó nihilį́į́ʼ áłníídóó náhoodleełii; áádóó Laman dineʼé aláahdi binaatʼáanii tʼáá áłtso nihinaadeeł doodago nihee dahółóonii yókeed, doodago niheʼiinaʼ bee ndaʼdiilyééł.

23 Áádóó kʼad, daʼ díísh doo nanitłʼahgo biiʼtidahwiiʼnííh da? Áádóó daʼ díísh, nihiyínííł, doo tsíí átʼée da? Kʼad shooh, dooládóʼ ayóó átʼáó biniyéii baa yínííł daniidlį́į da.

24 Aooʼ, bee nihił hashneʼ, ląʼígo biniyé baa yínííł daniidzin; háálá áko shooh néélą́ą́ʼ nihikʼéii ndabiʼdistseed, dóó tʼáadoo biniyéhígóó bidił dadeeznaʼ, tʼáá átʼé bąąhági átʼéii biniinaa.

25 Háálá díí diné tʼáadoo ndaʼiisííhgóó Diyin Bóhólníihii tsʼídá doo yáʼáshóonii doo yee yá hwidoołaał da ńtʼę́ę́ʼ. Ákondi shooh, bizaad ndi doo yikʼéh dahoołį́į da, áko ałchʼįʼ nidaabaah daazlį́į́ʼ, hónáásdóó nidaʼahiltseed daazlį́į́ʼ.

26 Áádóó Diyin Bóhólníihii bá yáłtiʼii łaʼ deiyishxį́; aooʼ, éí Diyin God yikʼidiilniiʼ ńtʼę́ę́ʼ, éí tsiʼnidaajikaígíí dóó bąąhágiʼ ádaajitʼínígíí yee hoł hoolneʼ, dóó náás ádahodooníłígíí yaa hoolneʼ, aooʼ, Christ doogáłígíí ndi.

27 Áádóó Christ Diyin God nilį́, tʼáá ałtsoní yiTaaʼ nilį́ yidííniid, dóó nihokááʼ dineʼé yináłtʼée doo, dóó hastiin hoodeéyáádą́ą́ʼ alyaayę́ę yinałtʼée doo; éí doodago kótʼáo ááłdishní, nihokááʼ dineʼé Diyin God yináłtʼé dííniid, áádóó Diyin God nihokááʼ dineʼé baʼáłchíní yaa doogááł, dóó atsʼíís dóó dił bee hólǫ́ǫgo bidiʼdoochííł, áádóó kótʼáo nahasdzáán bikááʼgóó naagháa doo—

28 Áádóó kʼad, díí adííniidígíí biniinaa, deiyisxį́, dóó ląʼígo bąąhí adajitʼínígíí biniinaa Diyin God bibee ateʼelʼį́ hachʼįʼ kólyaa. Éí bąą, háílá naalteʼí yaa ááh dínóozįįł, dóó achʼinahwiiná bee atíhoʼdiʼdoolnííł?

29 Háálá áko shooh, Diyin Bóhólníihii ádííniid: shidineʼé shibee hazʼáanii kʼídeiyiztįʼdi doo bikáʼadeeshwoł da; ákondí adaatʼínígíí bichʼą́ą́h ndaʼdeeshłééł áko doo náás dookah da; dóó yaa nidaakaiʼígíí yee chʼą́ą́h dadeezgoh nahalin doo.

30 Áádóó naaná, ádííniid: Shidineʼé bąąhági átʼéii kʼideidííláago bizool doo yáʼátʼéehii bił nááyołgo deidoołbįįł doo yáʼáshóonii kʼideidííláago niyol tsoh náátsʼóʼoołdísii biyiʼ azhool yidinoołtʼįįł, dóó daʼagháanii biiʼ hodooleeł.

31 Áádóó ánáádooʼniid: Shidineʼé doo yáʼáshóonii kʼideidííláago haʼaʼaahdę́ę́ʼ niyol deidinóołtʼįįł, éí tʼáá hoshchį́ dah hodoołchxǫǫł.

32 Áádóó kʼad, shooh, Diyin Bóhólníihii bee ahaaʼditʼaah bohoolyaa, dóó nihichʼį́ ndahwidoonaał dóó tiʼdahwiidoohnih.

33 Ákondí nihijéí bitłʼááhdę́ę́ bee ánóhtʼéegóó Diyin Bóhólníihii bichʼįʼ ninooyáahgo, dóó baʼdaʼíínóhłígo, dóó nihiniʼ tʼáá átʼéé ńtʼę́ę́ʼ bee bándaałnishgo, kódaahzaago, kódooniił, íínizinígíí dóó bił yáʼátʼéhígíí bikʼehgo, naalteʼ danohłį́įdę́ę́ʼ chʼínihidooʼish.