1 Áádóó kʼad aláahdi naatʼáanii díí saad yidiiztʼááʼgo, bipriest danilínígíí ííłní: Díí hastíín nahjįʼ kódáołééh, dóó dahsiyołhé; haʼátʼíí biniyé bééhodiilzįįł, háálá hastįįh baa hodínoochįįd.

2 Áádóó náás deeskai dóó dajiisił ńtʼééʼ; tʼóó hachʼįʼ yiizįʼ dóó chʼééh ádajiłį́, dóó áháłʼní:

3 Shidołʼchííd lágo, háálá shidoołʼchidgo Diyin God tínihidoolííł, háálá tʼahdoo haneʼ Diyin Bóhólníihii baahodeeshnihgo ashííłʼaʼ yę́ę nihił chíníshʼaah da; dóó baa hodíílnih dadohníigo deinóóhkeed yę́ę tʼahdoo baahashneʼ da; éí bąą, Diyin God kʼad shidiʼyoolyééłgo doo yee hazʼą́ą da.

4 Ákondi Diyin God bibee hazʼáanii beʼdíílííł shiłnínée beʼdeeshłííł; dóó tʼáá aaníí átʼéego bee nihił hweeshneʼígíí biniinaa nihádahahchįʼ. Áádóó nááná, Diyin God bizaad baa haasdziʼígíí biniinaa hatsiin tsʼiʼ deeyá dashinohníigo bee shándahosooʼą́.

5 Kʼad baa hoolzhiizh Abinadi díí saad ałtso yee haadzííʼgo aláahdi naatʼáanii Noah bidineʼé doo tʼáá kʼad yidadeilchid da; háálá Diyin Bóhólníihii biʼIiʼ Sizį́ Diyinii bikʼihooleʼ; dóó biniiʼ ayóó bitsʼáʼdinídíín silį́į́ʼ, Sinai dziłdi Moses ádzaaʼígiʼ átʼáo, Diyin Bóhólníihii yichʼįʼ yáłtiʼgo.

6 Áádóó Diyin God bitsʼą́ą́dééʼ adziilii dóó bee óhólnííhii yee haadzį́į́; áádóó saad yee hanáánáázíiʼ, kóníigo:

7 Nihił béédahózin dahshiidiyoołhéłígíí doo bídeinóháh da; éí bąą shaa haneʼ ałtso áshłééh. Aooʼ, dóó baa ákónisin nihijéí yidiyeesnááʼ háálá nihibąąhági átʼéii tʼáá aaníí átʼéego bee nihił hashneʼ.

8 Aooʼ, áádóó shizaad baa ntsídahkees dóó tʼóó nihił ádaʼhayóigo ánihiilaa, dóó bił ahachʼįʼ.

9 Ákondi shaa haneʼ ałtso áshłééh; áádóó deiyáago doo bééhózin da, tʼáá hozhóʼí yisdáʼshiʼdooltʼį́į́go tʼéiyá.

10 Ákondi kóniłtsogo tʼéiyá bee nihił hashneʼ, díí bikéédóó, haa dahshidoolíłígíí, éí ádaatʼéii dóó ádahodooníłígíí bééłtʼée doo.

11 Áádóó kʼad Diyin God bibee hazʼáanii tʼáá átʼé nihichʼįʼ yídééshtah, háálá baaʼákoniizį́į́ʼ doo nihijéí biyiʼdi bee bikʼidaʼachíi da; baaʼákoniizį́į́ʼ bąąhágiʼ átʼéii ndaałkaah dóó bee ndaʼnohtingo bee nihiyaa dahooʼaʼ.

12 Áádóó kʼad, ádííniidyę́ę béédaałniih: Haʼátʼíí da bidaʼalyaii doo ádá ádíílíił da; doodago haʼátʼíí da yáʼąąsh biyiʼdi dahólóonii, doodaiiʼ nahasdzáán bikáaʼgi dahólóonii, doodaiiʼ táyiʼ naaldeehii doo bééʼdíídlíił da.

13 Áádóó nááná: Dóó doo bichʼįʼ yaa ádííniił da, dóó doo bánanilaʼ da doo, háálá shí Bóhólníihii nihiDiyin God oołchʼįdígíí nishłį́, shidineʼé doo yáʼashoonii yaanaakaiʼígíí baa deeshááł, daʼazhéʼéyę́ę doo ákwii ádajíítʼįįdígíí éí hadaʼáłchíní náás ahoolchíiłii táadi índa dį́įdi ałkʼi náʼázhchį́įjįʼ dashíjoołáhígíí éí bikʼijįʼ kódeeshłííł.

14 Áádóó tʼááłʼáʼí dimiił yázhí ayóó ádashoonínígíí dóó shibee hazʼáanii yikʼeh dahoołínígíí aa hojoobaʼ bichʼįʼ kódeeshlííł.

15 Bóhólníihii niDiyin God bizhiʼ doo bee naʼadziih da doo, háálá Diyin Bóhólníihii bizhiʼ yee naʼadziihígíí doo yee yá hosą́ą da.

16 Hááʼáyį́į́h bijį́ béénílniih dóó bá hodinísin.

17 Hastą́ą́h jį́įjįʼ naanish ádiilííł, áádóó ałtso ndííłnish;

18 Ákondi tsostsʼid jį́į́ góneʼ, éí Bóhólníihii niDiyin God bihááʼáyį́į́h bijį́į́ góneʼ, doo nanilnish da doo; ni, doodaiiʼ niʼashiiké, doodaiiʼ niʼatʼééké, doodaiiʼ diné-ná naalteʼ, doodaiiʼ asdzání-ná naalteʼ, doodaiiʼ nilį́į́ʼ ałʼąą ádaatʼéii, doodaiiʼ diné doo bééhoʼdilzinii nił hólónígíí éí doo nidadoolnish da.

19 Háálá hastą́ą́ jį́įjįʼ Diyin Bóhólníihii éí yádiłhił áádóó nahasdzáán, áádóó tónteel, índa biyiʼdi dahólóonii tʼáá ałtso áyiilaa: ákohgo Diyin Bóhólníihii hááʼáyį́į́h bijį́ yikʼijisdliʼ, áádóó dílzingo áyiilaa.

20 Nizhéʼé índa nimá nił nilį́įgo íínísin; Bóhólníihii niDiyin God éí kéyah nihainíláhígíí bikáaʼgi nízaadgóó hiinínáa doo.

21 Diné tsʼídá doo diyííłhééł da.

22 Tsʼídá doo aaʼdidííléeł da. Tsʼídá doo adiʼnííʼį́įł da.

23 Nihinaagóó dabighanígíí tʼáadoo tʼáá ádzaagóó baa hólneʼí.

24 Nihinaagóó dabighanígíí tʼáadoo bidááhnílíní; nihinaagóó dabighanígíí beʼasdzą́ą́ tʼáadoo bidááhnílíní; doodago diné bá naalteʼ, doodaiiʼ asdzání bá naalteʼ, doodaiiʼ bibéégashii, doodaiiʼ bitélii tʼáadoo bidááhnílíní, áádóó nihinaagóó dabighan daabíhígíí tʼáadoo bidááhnílíní.

25 Áádóó baa hoolzhiizh Abinadi díí ałtso yee haadziiʼgo íiłní: Daʼ dííʼísh diné tʼáá áłtso yikʼeh dahodoołʼįįł doogo bee nidanoohtʼą́ą́ʼ ákó Diyin bibee hazʼáanii yikʼeh dahoołį́į doo?

26 Ánihidishní, Ndagaʼ, háálá ákodaahdzaago éí, Diyin Bóhólníihii díí diné doo yichʼįʼ áshííłʼaʼ da doo ńtʼę́ę́ʼ dóó doo yáʼáshóonii adaʼdoolíłígíí doo Diyin bikʼeh áhodooníłígíí bee bikʼijįʼ haasdzííʼ da ńtʼę́ę́ʼ.

27 Áádóó kʼad shą́ą́ʼ ádadohní Moses bibee hazʼáanii bee yisdáʼiildééh. Nihił chʼíhonishʼaah kʼad Moses bibee hazʼáanii bikʼeh dahonołíi doogo kʼad nihánisin; ákondi shí nihił chʼíhonishʼaah, baa hodoolzhiish Moses bibee hazʼáanii haaʼígi shį́į́ hoolzhishgo doo bikʼeh deiyíníikaa da doo.

28 Áádóó náá ákóneʼ, nihił chʼíhoNishʼaah, doo éí Moses bibee hazʼáanii tʼéiyá bee yisdáʼiildééh da; éí bąąhági átʼéii bikʼé nináʼílyáhígíí doo bohoolyaagóó, éí Diyin Bóhólníihii tʼáá bí íídoolííł bidineʼé bibąąhági ádaatʼéii dóó doo yáʼashoonii yaanaakaiʼígíí yá,

29 Áádóó kʼad nihił chʼíhonishʼaah Israel baʼáłchíní bee hazʼáanii baadoolyééłgo nidzin, aooʼ, azhą́ bee hazʼáanii tʼáá íiyisíí bikʼeh ashchʼííʼ ndi; háálá diné bikʼos daniłdzilii danilį́, bąąhą́gi átʼéii tsxį́įłgo ádeiłʼįh, áádóó Bóhólníihii biDiyin God doo hah yéé daalnííh da;

30 Éí bąą bee hazʼáanii łaʼ bá niilyá; aooʼ, bee hazʼáanii bee ádaʼalʼíinii dóó bee ádaʼoolʼįįłii tsʼídá tʼáá akwííjįʼ yikʼeh dahółʼį́į doo, éí biDiyin God yee yéédaalniih doo dóó binaanish ádeiłʼį́į dooleeł.

31 Ákondi shooh, nihił chʼíhonishʼaah, díí tʼáá átʼé ałʼąą ádaatʼéego baa hodoolzhizh.

32 Áádóó kʼad, bééhazʼáaniiʼísh yikʼi daʼdiitą́? Nihił chʼíhonishʼaah, Ndagaʼ, tʼáádóó tʼáá átʼé bee hazʼáanii yikʼi daʼdiitʼą́ą da; bijéí deestłʼisígíí biniinaa; háálá doo yikʼidaʼdiitʼįįh da doo łaʼ diné yisdáʼdoogááł da tʼáá hazhóʼó Diyin God nináʼnídlá binahjįʼ tʼéiyá.

33 Háálá áko shooh, shą́ą́ʼ hanii Moses Messiah Diyin bikʼeh áhodoonííłgo doogááłígíí tʼáá íídą́ą́ʼ yee yił hoolneʼ nisin, dóó áko Diyin God bidineʼé yisdeidoonił? Aooʼ, ázhą hodeeyáádę́ę́ʼ Diyin yá yádaałtiʼii áhoodoonííłgo yaa dahalneʼ—díí bidaadeitʼíʼ tʼáá átʼé doodago tʼáá bichʼįʼdóó ádahodooníłígíí yaa dahoolneʼ?

34 Dooʼísh ádadííniid da Diyin God tʼáá bí nihokááʼ dineʼé baʼáłchíní yaa doogááł, dóó diné nahalingo atsʼíís adąąh neidoolééł, dóó nahasdzáán bikááʼgóó ayóó átʼéego bidziilgo naagháa doo.

35 Aooʼ, dóó ałdóʼ shą́ą́ʼ ádadííniid neʼ éí daneeznanígíí bitsʼíís nááhiidoołnaał, áádóó bí, tʼáá bí, bichʼįʼ nahwiidooʼnaał dóó atíhoʼdoolnííł?