1 Áádóó kʼad áhoodzáii Zeniff Noah nihił hazʼą́ yee yikʼidiilniiʼ, biyeʼké łaʼ; áko Noah bitsáskʼeh nahaʼáago yaanídiidzá; dóó doo bizhéʼé yikʼehgo yigááł da.

2 Háálá áko shooh, doo Diyin God bibee hazʼáanii yikʼeh hółʼį́į da, ákondi tʼáá bí bijéí yinízínígíí yikʼehgo yigááł. Áádóó ląʼígo beʼdaʼasdzáán dóó beʼasdzáán ííłʼį́įgo áyiilaa. Áádóó bidineʼé bąąhági átʼéii yaanaakaigo yee hoołʼaʼ, dóó Diyin Bóhólníihii bidááh doo yáʼáshóónii yaa naakai, Aooʼ, dóó ahaaʼdilyé dóó tʼóó ahayóí doo yáʼádaatʼééhii.

3 Áádóó ínááltąʼí binaadeełii tʼáá átʼé ashdlaʼ daníjaaʼgo tʼááłáʼí shijaaʼ bííghahgo ndajiiléego áyiilaa. Bibéésh óola ashdlaʼ níjaaʼígíí tʼáá łáʼíʼ shijaaʼ bííghahgo, dóó bibéésh łigaii, dóó ziff ashdlaʼ níjaaʼígíí tʼáá łáʼíʼ shijaaʼ bííghahgo, dóó bibéésh łichíiʼii, dóó bibéésh łitsoii dóó bibéésh ditʼóódígíí; dóó naaldlooshii ashdlaʼ níjaaʼígíí tʼáá łáʼíʼ níjaaʼ bííghahgo; áádóó ałdóʼ álástsʼííʼ ashdlaʼ níjaaʼígíí tʼáá łáʼíʼ shijaaʼ bííghahgo.

4 Áádóó díí tʼáá átʼé yinahjįʼ hiináa dooleełgo ayizhjaaʼ, áádóó beʼdaʼasdzáán dóó beʼdaʼasdzáán ííłʼínígíí ałdóʼ; áádóó bipriest danilíinii, dóó beʼdaʼasdzáán dóó beʼdaʼasdzáán adeiłíinígíí; áko hazʼą́ągi ádahooníłígíí łahgo átʼáo áyiilaa.

5 Áko tʼáá ałtso priest danilíinii bizhéʼé yiyíísį́į́ʼyę́ę ałtsoʼ nahjįʼ hayínil, áádóó bitséskʼeh góneʼ adaaniidígíí yiyíísį́į́ʼ, bijéí yee adaadazóhdłíhígíí.

6 Aooʼ, dóó kotʼáo bił dahayeeʼgo baa ádahayą́, dóó tʼóó bedaʼelyaaii deidisingo, dóó aaʼdilyée yaa naakaigo, éí ínaaltʼą́ʼí aláahdi naatʼáanii Noah bindineʼé yąąh neiníláhígíí bee; áko diné yéego ndaalnishígo bąąhági átʼéii yaa ádaahalyą́.

7 Aooʼ, áádóó bedaʼelyaaii deidisin daazlį́į́ʼ, háálá aláahdi naatʼáanii dóó priest danilínígíí bizaad yee ádaahodzódlí dóó saad ndéiyooniłgo yee yindaʼazlʼoʼígíi biniinaa, háálá saad nahoniłígíí éí yee yichʼįʼ hadahaasdzį́į́ʼ.

8 Áádóó baa hoolzhiizh aláahdi naatʼáanii Noah kin daʼilíinii dóó biiʼ dahóteelgo neiyiznil; dóó tsin tsʼídá danizhóní bindaʼazhnishgo yee neizhchʼąąʼ, dóó tʼáá ałtso daʼílíinii, béésh óola, dóó béésh łigaii, dóó béésh ditʼóódígíí, dóó béésh łitsoii, dóó béésh ziff, dóó béésh łichíiʼii bee.

9 Áádóó aláahdi naatʼáanii bikin hóteelgo neiníʼą́, dóó bikááʼ dahasdahí yikááʼdóó nahaʼáhígíí biniigi neiníʼą́, tʼáá áłtso tsin daʼálį́įnii yee haidiilaa áádóó béésh óola dóó béésh łigaii dóó daʼálíinii yee neizhchʼąąh.

10 Áádóó kin yindaalnishígíí tʼáá átʼé ałʼąąh átʼéego naanish nizhónígo adeiłʼínígíí diyin bighanígíí yiyiʼdę́ę́ ndaalnishgo áyiilaa, tsin daʼílíinii, dóó béésh łichíiʼii, dóó béésh łitsoii bee.

11 Áádóó bikááʼ dahasdáhí high priest danilínígíí bá niiʼnil, áko éí tʼáá átʼé bikááʼ dahasdahí biláahdi dahsinil, béésh óola yee neezhchʼąą, dóó bidááhgiʼ naʼníʼáago bá adaalyaa, áko bikáaʼgi bitsʼíís dóó bigaan háádahalyį́į́hgo bidineʼé yoochʼííd dóó yee ádaahodzódlíigó yádaałtiʼ.

12 Áádóó baa hoolzhiizh diyin bighan siʼą́ bighahgiʼ yaʼniitłʼǫ́ǫ́góó áyiilaa; aooʼ, tʼáá íyiisii nineezgo yaʼniitłʼǫ́ǫ́góó, tsʼídá hódahdí yikááʼ dahsizį́į́go kéyah Shilom yikʼideezʼį́į́ʼgo yííghah, dóó kéyah Shemlon ałdóʼ, éí Laman dineʼé yikááʼ keedahatʼį́, áádóó kéyah bináágóó tʼáá áłtsóo hootʼǫ́ǫ́ ayiilaa.

13 Áádóó baa hoolzhiizh kéyah Shilomgi kin ląʼígo nideiznil, dóó kéyah Shilom nahakǫǫsjigo dah yiskʼid bikááʼ ayóó átʼáo yaʼdiitłʼingo áyiilaa; éí Nephi baʼáłchíní yinahjįʼ yisdaakai kéyahdóó chʼídaneezhchą́ą́ʼyę́ędą́ą́ʼ, inaaltʼą́ʼí bidiné yistʼáadoo neiyilááhʼgo beʼatį́ kótʼáo choiyoosįįd.

14 Áádóó baa hoolzhiizh beʼatį́ bijéí biyiʼdi nabiiłnáago neinílá, tʼóó tsiʼnaagháago beʼdaʼasdzáán dóó beʼasdzáán ííłʼíinii yił iiná ádeiyiilaa, áádóó ałdóʼ bipriest danilínígíí kin yąąh naazíinii yił naaldeeh ńtʼę́ę́ʼ.

15 Áádóó baa hoolzhiizh chʼil naʼatłʼoʼí kéyahgóó kʼiidíílá, áádóó waan bee alínígíí áyiilaa, dóó waan łáago áyiilaa; áko waan-yidláanii silį́į́ʼ, áádóó bidineʼé ałdóʼ.

16 Áádóó baa hoolzhiizh Laman dineʼé yikʼijįʼ deeskai, tʼáá dikwíhí yiltʼéego, áádóó bidáʼákʼehdi ndeiłtseed, dóó binaaldlooshii yaa adahalyą́ą́góó.

17 Áádóó aláahdi naatʼáanii Noah baa ádahalyánígíí kéyahgo ayisą́ áko yiwohjįʼ adeidinołkaałgo, ndi tʼáadoo ląʼí yiʼníłniiʼ da, áko Laman dineʼé bikʼiijééʼ dóó ndabistsééd, dóó bilį́į́ʼ ląʼígo kéyahdóó chʼídeineeskaad, kotʼáo Laman dineʼé ndabiłtseedgo yaa nídiikai, dóó deijoołáhą́ą́ yikʼijįʼ kodeiłʼí daazlį́į́ʼ.

18 Áádóó baa hoolzhiizh aláahdi naatʼáanii Noah bisiláo hachʼįʼ ayiiłʼaʼ, áádóó nátʼą́ą́ʼ andahoʼdiʼneeskaad, doodago tʼáá hónízahájįʼ natʼą́ą́ʼ andahoʼdiʼneeskaad; áko, deineezʼį́ʼígíí yaa bił dahózhǫ́ǫgo nináhaaskai.

19 Áádóó kʼad, ayóó átʼáo dahoneesnánígíí biniinaa bijéí biyiʼdi adaadazódlí; beʼadziil yaa dahaniih, ashdladiin daniiltʼéego Laman dineʼé éí dikwííshį́į́ dimííl yázhí dah yiikahgo bikʼeh dadidiidleeł daaní, áádóó ákótʼáo ádadootʼį́, dóó ndaʼałtseedgo bił danilį́, bikʼiské ndeiłtseed, áádóó díí éí biʼaláahdi naatʼáanii dóó bipriest danilínígíí bąąhágiʼ adaatʼínígíí biniinaa.

20 Áádóó baa hoolzhiizh łaʼ diné bitahdóó Abinadi wolyé, éí diné yitaaghá, áádóó Diyin bikʼeh áhodooníłígíí yaa ahoʼniilneʼ, kóníigo: Áko shooh, Diyin Bóhólníihii ání, kodíínííł, shiłní, Diné bitaanáago kodiní, Diyin Bóhólníihii ání—Díí diné bichʼįʼ yiiyá, háálá aláahgo woolchʼį́į́d yaa naakaihígíí yiiłtsą́, dóó bąąhági ádaatʼínígíí, dóó aadaʼdilé; doo ádaańdaʼookąąhgóó shaʼhachʼįʼ bee bándeeshʼááł.

21 Áádóó doo ádaańdaʼookąąhgóó dóó Diyin God Bóhólníinhii doo báʼdaʼjólíígóó, áko shooh, beʼanaaʼí bilákʼeh deeshish; aooʼ, áádóó naaltʼeʼí dadooleeł; dóó beʼanaaʼí bilaʼ yee atídabidoolííł.

22 Áádóó baa hodoolzhish bił béédahódoozįįł Bóhólníinhii hoDiyin God nishlį́, dóó Diyin God łeʼnízinii nishłį́, shidineʼé doo yáʼashoonii yaanaakaiʼígíí baa deeshááł.

23 Áádóó baa hodoolzhish díí diné doo ádaańdaʼookąąhgóó dóó Bóhólníinhii hoDiyin God doo báʼdaʼjólíígóó, naaltʼeʼí dazhdooleeł, háídá doo yisdábidooʼish da, tʼáá hazhóʼó Bóhólníihii Diyin God Ayóóʼábóodziilii tʼéiyá.

24 Aooʼ, áádóó baa hodoolzhish éí shichʼįʼ ndáʼookąąhgo doo tʼáá hooshchʼįʼ hodideestsʼį́į́ł da; aooʼ, dóó beʼanaaʼí atídabidoolííłgo bá hwiideeshʼaał.

25 Áádóó tłʼoh yishbizh yee hadadítʼéego łeeshchʼih daabąąhgo ádaańdaʼookąąhgo tʼéiyá, dóó Bóhólníihii hoDiyin God yéego bichʼįʼ sodazhdilzingo, doo hosodizin dideitsʼį́į́ł da, áádóó hachʼįʼ ndahwiináágóó doo yisdaʼhodeeshʼíísh da, ní Diyin Bóhólníihii, áádóó kó didííniił shiłní.

26 Áádóó kʼad baa hodoolzhiish Abinadi díí yee bił hoolneʼgo hachʼįʼ bá dahóóchįįd, dóó dahodiyoołhééłgo yaa ńdiikai; ákondi Diyin Bóhólníihii éí yílákʼeedóó yisdáyííłtį́.

27 Áádóó kʼad aláahdi naatʼáanii Noah Abinadi diné yee yichʼįʼ haadzíʼígíí yidiiztsʼą́ą́ʼgo, yichʼįʼ báhóóchįįd, dóó kóní: Abinadi háísh átʼį́įgo, shí dóó shidineʼé yánahodooʼááł doodago Diyin Bóhólníihii shąʼ háísh átʼį́įgo, shidiné ayóó achʼįʼnahwiiná yee doolééł?

28 Abinadi shidááh ninohłóós, áko hodiyeeshxééł, háálá díí shidineʼé ałchʼįʼ bádaʼhoodoochį́į́łgo yił hahidínóołchʼxąął yiniyé ádííniid; dóó ałchʼįʼ saad dahółǫ́ yiniyé átʼį́, éí bąą hodiyeeshxééł.

29 Áádóó kʼad diné doo daʼooį́į da; éí bąą Abinadi bizaad yikʼijiʼ bijéí deistłʼis, áádóó deidoosił biniyé hadeinitʼáago yaa nídiikai. Áádóó aláahdi naatʼáanii Noah Diyin Bóhólníhii bizaad yikʼijįʼ bijéí yistłʼis, áádóó doo yáʼáshóonii yaa naagháhígíí tʼáadoo yaa náʼooskan da.