1 Áádóó áko baa hoolzhiizh sodizin daʼatahígíí doo daʼoodláanii atidabiʼdilʼį́ doo atsóhodééʼįįdgóó akʼijįʼ yádaałtiʼgo yaandiikai, dóó ádabiʼdilʼínígíí bilą́ąjįʼ naazínígíí yichʼįʼ saad dahółǫ́; dóó Alma yichʼįʼ saad dahółǫ́. Dóó Alma aláahdi naatʼáanii Mosiah yiyaa niiniʼą́. Dóó Mosiah bipriest yił ndahazʼą́.

2 Áádóó baa hoolzhiizh aláahdi naatʼáanii Mosiah saad ílínii kéyahgóó áyiilaa éí éí doo daʼoodláanii sodizin daʼatahígíí doo atídeiłʼíi da dooleeł.

3 Áádóó bee hazʼáanii deeníinii tʼáá ałtso sodizin naaznilgóó doo atíʼádaʼalʼį́ bitah hólǫ́ǫ da doo, áko diné ahihoołtʼéego iiná bitah hólǫ́ǫ doo.

4 Áko doo ádaahodzóhdlí dóó ádaa haʼniih hodéézyéél yaa nídóótʼįįł da; tʼáá ałtso diné binaagóó dabighanígíí bił danilį́į doo tʼáá bí ádaanitsékeesígiʼ átʼáo, tʼáá bí bílaʼ yee ákʼindaaldzil doo.

5 Aooʼ, tʼáá átʼé bipriest danilínígíí dóó bindaʼnitiní tʼáá bí bilaʼ yee ákʼindaaldzil doo, tʼáá ałtsojįʼ tʼáá hazhóʼó bitah dahoneezgaigo, doodago yéego bichʼįʼ ándahazʼtiʼgo tʼéiyá; dóó díí kódaatʼį́įgo, Diyin God bibee ajoobaʼ bił dahólǫ́.

6 Áádóó kéyahgóó kʼé ląʼígo náhasdlį́į́ʼ; dóó diné ląʼí silį́į́ʼ, dóó nahazdzáán bikááʼgóó daʼníłtsʼą́ąjigo ałtsʼádabídiʼnóolkał, aooʼ, náhookǫsjigo dóó shádiʼááhjigo, haʼaʼaahjigo dóó eʼeʼaahjigo, kintah ntsaago ádeiyiilaa dóóʼ daʼníłtsʼą́ą́jigo kin hadaasʼáago ádeiyiilaa.

7 Áádóó Bóhólníihii bikʼihoosdliʼ dóó daʼatʼį́įgo ádabiilaa, áádóó diné ląʼí dóó daʼastʼįįd.

8 Áko Mosiah biyeʼké doo daʼoodlánígíí atah bił óltaʼ; dóó ałdoʼ Alma biyeʼké łaʼ bitah daóltaʼ, éí Alma wolyé, bizhéʼé tʼáá yailyé; ákótʼée ndi, diné tsʼídá doo yáʼáshóonii dóó bééʼdaʼalyai yichʼįʼ sodadilzin. Áádóó nihookʼááʼ dineʼé bizaad łikanii nilį́, áádóó saad ayoochʼídígíí diné yee yichʼįʼ yáłtiʼ; éí bąą diné ląʼída bąąhági átʼáó éʼéłʼínígíí yikeeʼ niikai.

9 Áádóó ayóó átʼáo Diyin God bisodizin dínóosééł yichʼą́ą́h sizį́; diné yijéí yiniʼįįh; diné ląʼígo saad yee daʼahighá, Diyin God beʼanaaʼ akʼi dabidziil ádaʼałʼį́.

10 Áádóó baa hoolzhiizh Diyin God bisodizin neiyiłchxǫǫhgo naaghá, áko Mosiah biyeʼké yił ndanitʼingo sodizin ndeiyiłchxǫǫ, dóó Bóhólníihii bidineʼé yooʼadeiyiiʼéésh, éí Diyin God bibee hazʼáanii bitsʼą́ą́jí átʼé, doodago aláahdi naatʼáanii bitsʼą́ą́jí—

11 Áádóó anihidííniidʼneʼ, Diyin God yikʼijįʼ ndaalnishgo deikááh, áko shooh, Diyin Bóhólníihii bá naalʼaʼí bichʼįʼ ííshjání íʼdiilyaa; áádóó kʼos yiyiiʼ sizį́ nahalingo adaayá; áádóó iinééʼ adiʼní nahalingo haadzííʼ, éí nahasdzáán yikʼááʼ naazínígíí yídiisnááʼ.

12 Áádóó ayóó átʼáo hayaadahodeesxiz, nahasdzáán bikáaʼjįʼ naaʼaheezhneezdeeʼ, áádóó saad yee hachʼįʼ haadzíʼígíí tʼáadoo bikʼidazhdiitʼą́ą da.

13 Ákótʼée ndi hachʼįʼ hanáádoolghaazh, kóníigo: Alma, ńdiiʼdaah dóó yiiʼzį́į́h, haʼatʼíí biniinaa Diyin God bisodizin bichʼįʼ atíníłʼį́? Háálá Bóhólníihii ádííniid: Díí shisodizin átʼé, áádóó hádideeshlííł; áádóó doo éí łaʼ yidoołchxǫǫł da, tʼáá hazhóʼó shidineʼé niʼiilzííh yiih yikaigo tʼéiyá.

14 Áádóó nááná; Diyin yá naalʼaʼí ání: Shooh, Bóhólníihii bidineʼé bisdodizin yideeztsʼą́ą́ʼ, áádóó ałdóʼ Alma, azheʼé, dóó anaalʼaʼí nilíinii bisodizin yidiiztsʼą́ą́ʼ, háálá beʼoodląʼ łąʼígo yee ná sodoolzin áko tʼáá aníínii nił bééhodoozįįł biniyé, éí bąą, díí éí biniyé níyá Diyin God bibeʼadziil dóó bibeeʼóhólnííhii baa ákodíníízį́į́ł, áko bándaalʼaʼí bisodizin bidahodoolnííł bedaʼoodląʼ binahjįʼ.

15 Ákohgo shooh, daʼ Diyin God bibeʼadziil doo yidíídląął da? Háálá áko shooh, daʼ shinéé nahazdzáán neiyisnááʼ? Áádóó nidááhdóó sézį́įgoóísh shííníłʼį́? Dóó Diyin God ashííłʼaʼ.

16 Áko ándishní: Yiiwohjįʼ, Helam dóó Nephi kéyahdi nihizheʼé dabiʼdisnahę́ę́ʼ béédaałniih, dóó ayóó átʼáo bikáʼalwodyę́ę béédaałniih; háálá dabiʼdisnah ńtʼę́ę́ʼ, áádę́ę́ʼ yisdábííʼeezh. Áádóó kʼad nihił chʼíhonishʼaah, Alma, kʼad yíínaał, tʼáadoo sodizin daʼatahígíí nihíłchxǫǫhí, bisodizin bohodíílííł, áádóó dahdinyáá ndi díí kotʼáó ádoolnííł.

17 Áádóó baa hoolzhiizh Diyin yá naalʼaʼí díí saad akéédi Alma yee yichʼįʼ haadzííʼ, áádóó dahnídiizáh.

18 Ákohgo Alma dóó bił naaldeehígíí nahasdzáán bikáajįʼ naaʼánááníídeeʼ, háálá ayóó átʼáo biyaa dahodeesxiz; háálá tʼáá bíbinaaʼ bee Diyin Bóhólníihii bá naalʼaʼí deiyiiłtsą́; áádóó biinééʼ adiʼní nahalingo diistsʼą́ą́ʼ, éí nahasdzáán yídiisnáá, áádóó Diyin God bibeʼadziilii tʼéiyá nahasdzáán neidiyoołnaał áádóó ditsxizgo ałtsʼéí doołtǫǫłgo bił béédahózin.

19 Ákohgo Alma biyaa hodeesxisígíí tsʼídá ayóó átʼé silį́į́ʼgo doo yáłtiʼgóó ábiʼdiilyaa, dóó chʼééh bizééʼ ąą íílééh; aooʼ, dóó doo bidziil da silį́į́ʼ, azhą́ bilá ndi chʼééh yidiiłnááh; éí bąą bił ndaakaiʼígíí dahdabidiiłtį́, dóó doo bitah hwiinéehgo bidooltʼééł, bizhéʼé bidááh niiltį́įjįʼ.

20 Áádóó bizhéʼé adahóótʼę́ę́dígíí tʼáá átʼé yee yił dahoolneʼ; áádóó bizhéʼé bił hoozhǫǫd, háálá Diyin God bibeʼadziilii átʼéego bił bééhózin.

21 Áádóó diné ałhíídookahgo áyiilaa áko Bóhólníihii biyé yikáá ałwodígíí deidínóołįįł biniyé, áádóó bił naaldeehyę́ę ałdóʼ.

22 Áádóó priest danilínígíí ahíídoohkah yidííniid; áádóó chʼiyáán dóó tó doo choideiyołʼíígo, Bóhólníihii Diyin God yichʼįʼ sodadilzin, áko Alma bizééʼ ąą íídoolííł, áko hadoozih, áádóó ałdóʼ bigaan dóó bijáád bidziil ndadoodlééh—áko diné binááʼ ąą ádadoonííł dóó Diyin God biʼyáʼátʼéehii dóó ayóó átʼéii deidoołtsééł dóó bił béédahódoozįįł.

23 Áádóó baa hoolzhiizh tʼáadoo daʼayaní dóó sodadilzingo naaki jį́ dóó naaki tłʼééʼ azlį́į́ʼ, Alma bigáán dóó bijáád bidziil náásdlį́į́ʼ, áádóó yiizį́ʼ dóó hachʼįʼ haadzííʼ, nihił hózhǫ́ǫgo haadaʼíínołní yidííniid:

24 Háálá, ání, Shibąąhági átʼéii baa naʼiisékan, dóó Bóhólníihii shá ninaʼnídlá; áko shooh Iiʼ Sizį́ Diyinii bee nááshiʼdeezhchį́.

25 Áádóó Bóhólníihii áshidííniid: Nihokááʼ dineʼé tʼáadoo baa áyóí danohsiní, aooʼ, hastóí dóó sáanii, tʼáá ałtso nihokááʼ dineʼé dah deíkááhgóó, ahidaʼdiilchíín, bizaad ałʼąą ádaatʼéii dóó nihokááʼ dineʼé, aooʼ, diyingo náádabiʼdiʼdoochííł, aooʼ, Diyin Godkʼehjí náádabiʼdidoochííł, atsʼíís dóó asdzih dę́ę́ʼ, Diyinkʼehgo oodááłjįʼ łahgo ádadooʼnííł, Diyin God báninaʼdoodlééł, áádóó biyeʼké dóó bitsiʼké dadoolééł.

26 Áádóó ániid hiináanii ndaazlį́į́ʼ; dóó díí ádaadzaago tʼéiyá, Diyin God bił hazʼą́ baa doolyééł.

27 Ándishní, díí kótʼéego tʼéiyá, yóóʼ abididootʼááł; díí éí shił bééhózin, háálá yóó ashiʼditʼááh nahalin ńtʼééʼ.

28 Ákótʼée ndi, achʼįʼ nahwiiná biiʼ chʼíníyáago, náʼooshkąąhgo kʼasdą́ą́ʼ dahsétsą́, Bóhólníihii joobaʼgo hoolʼáágóó hodookʼą́ą́łdééʼ hashííłtʼį́, dóó Diyin God náshishchį́.

29 Shiiʼ sizíinii hodíchʼíí hazʼą́ą́dééʼ dóó bąąhágiʼ átʼéii shótąʼdééʼ shá ninaʼílyá. Tsʼídá chahałheeł hazʼą́ądi honishłį́į́ ńtʼééʼ; ákondi kʼad éí Diyin God bibeeʼadinídíín ayóó átʼéii yishʼį́. Shiiʼ sizíinii hoolʼáágóó tiʼhooʼnííh shikʼihooleʼ; ákondi náshiʼdiilchʼááł, dóó shiiʼ sizíinii doo neezgai da silį́į́ʼ.

30 Shá Nináʼnídláii nahjįʼ kwííshlaa, dóó nihizází yee hadahaasdziʼ yę́ę doo tʼáá aaníí ádaatʼée da dííniid; Áko kʼad éí doogááłgo deiyiłtsą́ dóó tʼáá áłtsoní áyiileii yénálniih, tʼáá ałtso yichʼįʼ ííshjání ádiʼdoolnííł.

31 Aooʼ, tʼáá ałtso ntsidadidoogoh, dóó tʼáá ałtso ádaadahodoolnih. Aooʼ, nihoniyá bijį́įdi ndi, nihokááʼ dineʼé tʼáá ałtso deidoozįįłgo bá nahoodootʼaał, áko áadi índa Diyin God yił dahidoolnih; áadi ádaadahodoolnih, éí nihokááʼdi tʼáadoo Diyin God yéédahosįįd da, éí nohootʼánígíí hooláago tʼihoonih tʼáá ákótʼéhígíí bikʼih siláa doo; dóó bitah dahíditłid doo, dóó bitʼah dahoditsxiz doo, áádóó binááʼ tsʼídá tʼáá ałtsoní yee haisíídii doo yichʼįʼ bíniʼgóó yee dabidínóołʼįįł.

32 Ákohgo baa hoolzhiizh Alma kodóóʼ dóó náásgóó diné neidíʼníitʼą́ą́ʼ, dóó Alma yił naaldeeh Diyin yá naalʼaʼí bichʼįʼ ííshjání aʼdiilyaayę́ędą́ą́ʼ, kéyah tʼáá ałtsogóó táhdinééhgo, diné tʼáá ałtsogo deideeztsʼą́ą́ʼ dóó deiyiiłtsʼánée yee yił daholneʼ, áádóó Diyin God bizaad nídeinítingo ląʼígo bichʼįʼ ndahwiisnáa, doo daʼoodlánígíí yéego atíʼdabiilaa, dóó yéego bichʼįʼ ndahwiisnááʼ.

33 Azhą́ díí tʼáá átʼé ákótʼée ndi, sodizin hadaʼoolníigo ádeiyiilaa, bidaʼoodląʼ niłdzilgo ádeiyósin, dóó nízaadgóó hadaʼíínółní dóó yéego nitsihoodzá biiʼ Diyin God bibee hazʼáanii bikʼeh dahonółʼį́ deiłʼní.

34 Áádóó dį́į́ʼgo éí Mosiah biyeʼké ádaatʼį́; Ammon, dóó Aaron, dóó Omner, dóó Himni dabizhiʼ; éí éii Mosiah biyeʼké ádaolyé.

35 Áádóó éí Zarahemla tʼáá ałtso kéyahgóó tádíínah, áádóó aláahdi naatʼáanii Mosiah diné yikʼi bóhólníihígíí tʼáá átʼé bitahgóó, yídaneidlíígóó sodizin daʼatahígíí yiiʼ atídaʼiilaayę́ę tʼáá átʼé hashtʼenídeidlééh, bibąąhági ádaatʼéii tʼáá átʼé yaa dahalneʼ, áádóó tʼáá deiyiiłtsʼą́nígíí yee hadahadziih, dóó ádaahodooniłígíí dóó Diyin bizaad bee akʼedaʼashchínígíí dadidíítsʼį́į́ł danizinígíí yił ííshjáá ádeiyiilaa.

36 Áádóó Diyin God bibee naʼanishí danilį́įgo laʼída tʼáá aaníí átʼéii yikʼidadiitʼą́ą́góó ádeiyiilaa, aooʼ, báNináʼnídláii yikʼi dadiitʼą́ą́jįʼ.

37 Áádóó dóoladó bikʼih dahoojoosdliʼ da! Háálá hodeezyéél ndeiizlá, baa hózhóonii ndeiizlá, áádóó Bóhólníihii éí hooʼaałígíí diné yee yił daholneʼ.