1 Áádóó áko aláahdi naatʼáanii Mosiah tʼáá ałtso diné áhíyiiʼeezh.

2 Áko Nephi baʼáłchíní éí doo ląʼí da, doodago Nephi bitsʼáádéé dahazliʼígíí tʼáá dikwíhí, Zarahemla bidineʼé éí ląʼí yiltʼé, éí Mulek bitsʼáádéé dahazliʼígíí ádaatʼį́, éí diné doo kééhatʼinídi yił níná.

3 Áádóó Nephi dóó Zarahemla bidineʼé éí doo ląʼí da Laman dineʼé éí atxis ánéilą́ą́ʼ; aooʼ, éí doo ndi áłnííʼ ánéiltʼeʼ da.

4 Ákohgo tʼáá ałtso Nephi bidineʼé ałah silį́į́ʼ, tʼáá ałtso Zarahemla bidineʼé ałdóʼ, áko naakigo dahjookah.

5 Áádóó baa hoolzhiizh Mosiah ndaháásdzooʼígíí yiyiiłtaʼ, dóó yííltaʼ, Zeniff baa haneʼ bidineʼé bichʼįʼ, aooʼ, éí Zeniff bidineʼé baa haneʼ yiyííłtaʼ, Zarahemla kéyahdééʼ dahdiiná yęędááʼ dóó náʼnáajįʼ.

6 Áádóó Alma dóó bidineʼé baa haneʼ ałdóʼ yiyííłtaʼ, dóó tʼáá átʼé bichʼįʼ ndahwiisnaʼígíí, Zarahemla kéyahdééʼ dahdiiná yęędááʼ dóó náʼnáajįʼ.

7 Ákohgo, Mosiah haneʼ ałtso yiyííłtaʼgo, diné tʼáá ákǫǫ keedahantʼinéé yikʼeedadeesyiz dóó tʼóó bił daʼhóóyói.

8 Háálá chʼééh yaa ntsídaakéés; háálá dabiʼdootʼą́ yą́ą́ chʼééhbiʼdeitʼeezhígíí deiyiłtsʼáagóó tʼáá íiyisíí ayóó átʼáo bił dahóózhǫǫd.

9 Áádóó nááná, bidineʼé Laman dineʼé ndabistseedgo yaa ntsidadeezkeezgo yinííł yiih hikai, dóó yinííł biniinaa honékʼesh tóʼ daaląąd.

10 Áádóó nááná, Diyin God biʼajoobáʼii honeetehee yaa ntsidadeezkeezgo, Diyin God bibeʼadziil yee Alma dóó bidineʼé éí Laman dineʼé bilákʼeedóó dóó dabidootąʼdéé chʼééníʼeezh, Bóhólníihii Diyin God yichʼįʼ sodadoolzin dóó ahéheeʼ deidííniid.

11 Áádóó nááná, Laman dineʼé yaa ntsídadeezkeez, éí bikʼéí ádaatʼé, éí doo yáʼádaashǫ́ǫ da dóó tʼóó baaʼihii dabííłchxǫʼ, áko éí bá hájéí daneezgai dóó bá tídahíjoonííh éí biiʼ sizíinii bikáʼadaʼdoowoł biniyé.

12 Áádóó baa hoolzhiizh Amulon baʼáłchíní dóó bidineʼé, éí Laman dineʼé bitsiʼké bichʼooní ádeiyiilaayę́ę, éí bizheʼé ádaatʼínígíí doo bił danilį́į da, éí kʼad bízhiʼ doo choodeiyoołʼįį da, áko Nephi bízhiʼ akʼideidiitʼą́, áko Nephi baʼáłchíní daolyée doo dóó Nephi dineʼé daolyéeʼhígíí bitah biʼdooltaʼ doo.

13 Ákohgo tʼáá ałtso Zarahemla bidineʼé éí Nephi dineʼé bił biʼdooltaʼ; háálá Nephi baʼáłchíní tʼéiyá oʼhoolnihgo hazʼą́ bee bikʼihdahoodiiniiʼ biniinaa.

14 Áádóó baa hoolzhiizh Mosiah ałtso diné yichʼįʼ haadzííʼ dóó ííltaʼgo, Alma ałdóʼ diné yichʼįʼ hadoozih yiniizį́į́ʼ.

15 Áádóó Alma diné yichʼįʼ haadzííʼ, ląʼigo dah deiyíkaahígíí ałah daazlį́į́ʼgo, éí dah deiyíkaahígíí yitʼah hadiiyá, Bóhólníihii oodląʼ dóó adánaʼookąąh diné yee neineeztʼą́ą́ʼ.

16 Áádóó Limhi bidineʼé dóó bikʼiské yichʼįʼ haadzííʼ, tʼáá átʼé bidóʼtʼąʼdéé chʼehtʼeezhígíí, Bóhólníihii yisdábeeʼezhyę́ę béédaalnih dooleeł yidííniid.

17 Áádóó baa hoolzhiizh Alma diné Diyinkʼehgo oodááł ląʼígo yee neineeztʼąą, áádóó ałtso yichʼįʼ haadziiʼ, áádóó aláahdi naatʼáanii Limhi tó bee shiʼdidoolzį́į́ł niizį́į́ʼ, áádóó diné tʼáá átʼé ałdo tó bee danihiʼdidoolzį́į́ł daniizį́į́ʼ.

18 Éí bąą, Alma taah yíyá dóó tó yee yiyíísį́į́ʼ; aooʼ, Mormon toohdi bikʼiské toʼ yee yiyíísį́į́ʼyę́ęgi átʼáo, aooʼ, ląʼída toʼ yee yiyísį́ʼígíí sodizin bahoghan yiih hidiikai, Alma bizaad deiyoosdląądígíí biniinaa.

19 Áádóó baa hoolzhiizh aláahdi naatʼáanii Mosiah éí Alma Zarahemla keedayahgi sodizin bahoghan neidooniłgo yá hoołʼaʼ; áádóó adziilii yeinílá tʼáá átʼé sodizin yiiʼ priest danilínígíí dóó nadaʼnitiní yidoosį́į́ł biniyé.

20 Ákohgo díí kodaalyaa háálá naʼnitiní tʼáá łaʼígo diné tóó ahayóí yikʼidéezʼį́į́ʼgo éí doo bíighahígíí biniinaa, áádóó ałdóʼ tʼáá ájítʼé ałah jizlį́į́ʼgo Diyin God bizaad łaʼ doo deidiidootsʼį́į́ł da.

21 Éí bąą ałʼąą dahdeiyikaigo ałah daazlį́į́ʼ, sodizin daolyéego; sodizin tʼáá átʼé priest danilínígíí dóó nidaʼnitiní bee dahólǫ́ǫgo, dóó tʼáá átʼé priest danilínígíí Alma yitsʼą́ą́dóó deideeztsʼaʼ ą́ą yikʼehgo ndaʼnitin.

22 Áádóó áko, azhą tʼóó ahayóí sodizin bádahooghan ndi, tʼáá átʼé tʼáá łaʼí sodizin daazlį́į́ʼ, aooʼ, Diyin God bisodizin báhoghan ndi; háálá tʼáádóó leʼé doo bee naʼnitin da tʼáá hózhóʼí adaanaʼookąąh dóó Diyin God woodląʼągo tʼéiyá.

23 Ákohgo Zarahemla kéyahdi tsostsʼid sodizin bá dahooghan daazlį́į́ʼ. Áádóó baa hoolzhiizh háida íínízingo Christ, doodago Diyin God, bizhiʼ adąąhneinídláago, éí Diyin God bisodizin atah nilįį doo.

24 Áádóó Diyin God bidineʼé daosyeʼ. Áádóó Bóhólníihii biʼIiʼ Sizį́ Diyinii bichʼįʼ ąą ádoolnííł, dóó bikʼihdahojisdliʼ, dóó kéyah bikʼááʼ daʼatʼį́ daazlį́į́ʼ.