1 Áádóó baa hoolzhiizh Limhi bidineʼé Nephi kintahgo nákai, dóó kéyah yiyiʼ hodéezyéelgo kéédahatʼį́ daazlį́į́ʼ.

2 Áádóó baa hoolzhiizh ląʼí yiską́ągo Laman dineʼé éí Nephi dineʼé yichʼįʼ bádahachįʼgo hanáádahonííłchaad, áádóó kéyah hoodzoh biyiʼ góneʼ yah adahaaskai.

3 Kʼad éí doo nideiłtseed da, háálá biʼaláahdi naatʼáanii éí Limhi yił ahaʼdeestʼánée biniinaa; ákondi biniiʼ néidííłtsʼingo, dóó bikʼijįʼ ádídahoosniiʼ, dóó télii biyéél danidaazígíí nahalingo, ndeiniłkaadgo ádeiyiilaa—

4 Áooʼ, díí tʼáá átʼé ádahóótʼįįd áko Diyin Bóhólníihii bizaad bihodoolnííł biniyé.

5 Áádóó kʼad éí Nephi dineʼé yéego ntsaago tiʼdahoonííh, dóó bílákʼeedóó doo haadeitʼáo da hazhdookah da, háálá Laman dineʼé tʼáá ałtsodę́ę́ʼ hadahasííd.

6 Áádóó baa hoolzhiizh bichʼįʼ nidahwiiʼnánígíí biniinaa aláahdi naatʼáanii diné yił akʼijįʼ ayádaʼniiłtiʼ; dóó bikʼiidiijah daníízį́į́ʼ. Áádóó aláahdi naatʼáanii yéego yichʼįʼ ndahwiiłʼnáago saad dahółǫ́; éí bąą tʼáá bí ádeinízinígíí ádeiłʼíigo yee yá hoołʼaʼ.

7 Áádóó ałhínáánéikai, dóó anaaʼjí béésh ééʼ yee hadadiidzaa, áádóó Laman dineʼé bikéyahdóó baa chʼídadoojahgo biniyéí yikʼijįʼ dadeezbaaʼ.

8 Áádóó baa hoolzhiizh Laman dineʼé bikʼeh dadeesdlį́į́ʼ, dóó nátʼą́ą́ʼ anábidiʼnoolkaad, dóó ląʼí da nideistseed.

9 Áádóó kʼad Limhi bidineʼé bitahgo ayóó átʼéego yínííł dóó daacha, asdzání bąąh áhásdįįd bahastíín yę́ę yíká yicha, tsíłkéí dóó chʼikéí bizhéʼé yę́ę yíká daacha; áádóó akʼiské éí bikʼis yę́ę yíká daacha.

10 Kʼad kéyah biyiʼ ląʼí da sáanii bąąh ádaʼasdįįd, dóó tʼáá akwííjį́ ayóó átʼáo daacha, háálá ayóó átʼáo Laman dineʼé bee dajildzidgo hakʼi hooleʼ.

11 Áádóó baa hoolzhiizh tʼáá áłahjįʼ dajichago biniinaa Limhi bidineʼé chʼéékaiʼígíí Laman dineʼé bichʼįʼ áháchįʼ yee hadahonííłchaad; áádóó náádadeezbaaʼ, ndi nátʼą́ą́ʼ anábidiʼnoolkaad, ląʼígo nináádabiʼdiztseed.

12 Aooʼ, táadi tʼáá ákǫ́ǫ́ʼ nináádaazbaaʼ, dóó tʼáá ákótʼáo tí náádabiʼdiilyaa; áádóó tʼáadoo nidabiʼdiztseedígíí Nephi kin haalʼáágóó nákai.

13 Áádóó niʼjįʼ ndi hojoobaʼgo ádaʼdiilyaa, tʼáá íiyisíí naalteʼ baa ádazhdeestʼą́, atídabiʼdilʼį́įgo yaa ádaʼdeestʼą́, áádóó kǫ́ǫ́ dóó nilééhgo nahoʼdinilkaad, áádóó ndaazgo hąąh ndahasyá, hweʼanaaʼ ádeinizínígíí bikʼehgo.

14 Áádóó hojoobaʼ danilį́įgo ádaʼdiilyaa azhą́ yéego hoyahdi hojoobaʼígíí ndi, dóó Diyin God ayóó átʼéego yichʼįʼ dááchahgo sodadoolzin, aooʼ, ałtso iʼiiʼą́ąjįʼ ndi Diyin God yichʼįʼ ádaa nídaʼookąąh tiʼdahoonííhdę́ę́ʼ yisdádiikah danízingo.

15 Áádóó kʼad bąąhági ádaatʼínígíí biniinaa Diyin Bóhólníihii éí bisodizin doo tsxį́įłgo yidiiztsʼą́ą́ʼ da; ákondi Diyin Bóhólníihii bisodizin bá yidiiztsʼą́ą́, dóó Laman dineʼé bijéí bił dahojoobaʼgo áyiilaa biyéél yę́ę ászólí áyiilaa, ákondi Diyin Bóhólníihii ąąh shijééʼdę́ę́ʼ chʼíbidooʼishígíí bił nááhodeeshzhiizh.

16 Áádóó baa hoolzhiizh ałkééʼ hoolzhiizhgo kéyah yee náás deeskai, kʼeelyéí ałʼąą átʼéego łą́ągo kʼideidíílá, dóó naaldlooshii, dóó dabilį́į́ʼ ląʼí daazlį́į́ʼ, áko tʼáadoo dichin daazlį́į́ʼ da.

17 Kʼad ląʼí da sáanii chʼéékai, hastóígíí éí tʼáá ałchį́dí; áko aláahdi naatʼáanii Limhi sáanii bąąh ádaʼasdįįdígíí dóó áłchíní hastóí bikáʼánádaajahgo áyiilaa, áko dichin doo ndabidooltsił da biniyé; áádóó díí ádahoodzaa háálá ląʼí da nidabiʼdistseedígíí biniinaa.

18 Kʼad Limhi bidineʼé tʼáá łaʼ dahyikahgo ádaʼdiilyaa bohoneeszánígi átʼáo, dóó binaadą́ą́ʼ dóó binaaldlooshii tʼáá íiyisíí yikʼi dadeezʼį́įʼgo ádeiyiilaa.

19 Áádóó aláahdi naatʼáanii kin haalʼá binástłʼin tłʼóoʼdi naagháago ádaa yah hooliih, baa ádahalyáanii yił naakaigo tʼéiyá, Laman dineʼé hadayitʼéego da dabidoołnááłgo yináldzidígíí biniinaa.

20 Áádóó bidineʼé bikéyah binaagóó hadeisíidgo áyiilaa, áko haada yitʼéego da priest danilínígíí diné doo kééhatʼíniijigo chʼídahineezhchą́ʼą́ą yił dadidoodił, éí Laman dineʼé bichʼeekęʼ deiniizʼį́į́ʼ, dóó éí biniinaa yéego tiʼdahoozniiʼ dóó ląʼí nidabiʼdistseed.

21 Háálá yił dadidoodił dóó ninádaʼdoodlééłgo deinízin; háálá tłʼéeʼgo Kéyah Nephidi nidantʼį́į́, dóó hakʼelyei dóó ląʼí da daʼílíinii hweedeiniʼįįh; éí biniinaa yibaʼ hashtʼeʼ adadoolzingo hadaʼasííd.

22 Áádóó baa hoolzhiizh Laman dineʼé dóó Limhi bidineʼé doo atídahwíłʼį́į da daazlį́į́ʼ, Ammon dóó bikʼiské yił kéyah yíkaijįʼ.

23 Áádóó aláahdi naatʼáanii baa ádahalyánígíí yił kin haalʼá danídíhtį́hdi tłʼóódę́ę́ʼ naaldeehgo, Ammon dóó bikʼiské yikʼékai; Noah bipriest ádaatʼį́ nízingo deisił, dóó yedaʼaztłʼǫ́, dóó awáalyah góneʼ yah adahaastʼeʼ. Áádóó Noah bikééʼ naazíinii ádaatʼį́įgo éí nideidoołtsxił ńtʼééʼ.

24 Ákondi doo bí ádaatʼį́įgo bikʼídaniitą́ą́ʼ, ndi bikʼiské ádaatʼį́į́ lá, áádóó kéyah Zarahemladę́ę́ʼ yíkai lá, éí bąą tʼáá íiyisíí ayóó átʼáo nihił dahóózhǫǫd.

25 Kʼad, Ammon tʼah doo yíghááhyę́ędą́ą́ʼ, aláahdi naatʼáanii Limhi diné tʼáá díkwíhígo kéyah Zarahemla hadeidínóotaałgo ayííłʼaʼ; ákondi chʼééh hadeineeztą́ą́ʼ, áádóó diné doo kééhatʼínídi yóóʼeekai.

26 Ákótʼée ndi, kéyah łaʼ yikʼékai éí ákweʼé diné dahináá ńtʼę́ę́ʼgóó dabikʼeh, aooʼ, kéyah tsʼin ndeeztąądgo bikááʼ haalʼá; aooʼ, kéyah diné bikááʼ hólǫ́ǫ ńtʼę́ę́ʼgo dahóóchxǫʼ, áádóó éí, kéyah Zarahemla átʼé danízingo, kéyah Nephi bee hoodzohdi nákai, Nephi hoodzohdí yíkai tʼah doo díkwíida yiłkaahgóó Ammon hjįʼ.

27 Áádóó haneʼ naasdzogo deiníʼą́, éí diné éí bitsʼin ndadeeztąąd bah haneʼgo deiníʼą́; áádóó tsé béésh tʼą́hí bee ályaaígíí bikááʼ naʼasdzo.

28 Áádóó kʼad Limhi Ammon yitsʼą́ą́dóó yíhoołʼą́ʼígíí yéego yaa bił nááhóózhǫǫd éí éí aláahdi naatʼáanii Mosiah Diyin God beiníláhígíí, bikʼehgo naʼadzohígíí yaa hoolneʼ; aooʼ, áádóó Ammon ałdóʼ bił hóózhǫǫd.

29 Ákondi Ammon dóó bikʼiské yéego yínííł yiiʼ yíkai háálá ląʼí da bikʼiské nidabiʼdistseedígíí biniinaa.

30 Áádóó ałdóʼ aláahdi naatʼáanii Noah dóó bipriest danilínígíí ląʼí da bąąhági ádaatʼéii dóó Diyin God yikʼijįʼ doo yáʼádaashóonii ádeiyiilaa; áádóó ałdóʼ Abinadi seisyį́į́nígíí yaa daacháh; áádóó ałdóʼ Alma dóó dineʼ yił dah diikaiʼígíí biniinaa, éí Diyin God bisodizin hadeidiilaa Diyin God bibeʼadziilii dóó yee dabitsxeʼígíí, áádóó Abinadi yee haadzíʼígíí deiyoosdląądígíí biniinaa.

31 Áooʼ, doo dah diikaiʼígíí biniinaa daajííchah, háálá háajigo dah diikaiígíí doo bił béédahózin da. Áko kʼad bił dahózhǫ́ǫgo yił dahdiikah doo ńtʼę́ę́ʼ, háálá bí ałdóʼ Diyin God yił ahadaʼdeestʼą́ bibee hazʼáanii yikʼi dahółʼį́ dóó yíká ańdaajahgo.

32 Áádóó kʼad Ammon níyáádóó hóshdę́ę́ʼ, aláahdi naatʼáanii Limhi ałdóʼ Diyin God yił ahaʼdinítʼą́, dóó ląʼí da bidineʼé, éí yíká anádaalwoʼ dóó bibee hazʼáanii yikʼeh dahółʼį́ doo.

33 Áádóó baa hoolzhiizh aláahdi naatʼáanii Limhi dóó ląʼí da bidineʼé tó bee nihidiʼdoolzį́į́ł daniizį́į́ʼ; ndi Diyin God bibeeʼóhólnįįh dahyooléłígíí kéyah bikááʼgóó doo łaʼ hólǫ́ǫ́ da. Áádóó Ammon díí íidoolíiłgo dooda dííniid, yiʼoh neelʼą́ągo ádaa nitsíkeesígíí biniinaa.

34 Éí bąą ákweʼé hoolzhishgo tʼáadoo sodizin atah danilį́įgo ádaʼdiilyaa, Diyin Bóhólníihii biʼIiʼ Sizį́ Diyinii nideiyólíigo. Áádóó Alma dóó bikʼiské danilínígi átʼáo deiníízį́į́ʼ, éí diné doo kééhatʼíní góneʼ adahineezhchą́ą́ʼ.

35 Tó bee danihidiʼdoolzį́į́ł danízin áko beeʼééhózin dóó bee tʼáá aaníí átʼéʼ bijéí tʼáá átʼé Diyin God bee bíká anídeijah doo danízin; ákondi bił hoolzhishígíí náás ádeiyiilaa; áádóó tó bee dabidiʼdoolzį́łígíí náasdi bee nihił hodoonih.

36 Áádóó kʼad Ammon dóó bidineʼé, dóó aláahdi naatʼáanii Limhi dóó bidineʼé baa nitsáházkéézígíí baa hóóneʼígíí átʼé, éí Laman dineʼé bilákʼeedóó hwiʼdisnah bitsʼą́ą́dóó yisdázhdookah.