3 Nefi

E Buki di Mormon

Kontenido
Introdukshon i Testigunan
1 Nefi
2 Nefi
Yakob
Enos
Yarom
Omni
Palabranan di Mormon
Mosias
Alma
Helamán
3 Nefi
4 Nefi
Mormon
Eter
Moroni

3 Nefi

Kapítulo 1
Nefi, e yu di Helamán, ta bai for di e tera, i su yu Nefi ta konservá e registronan—Aunke señalnan i maravianan ta abundá, e malbadonan ta plania pa mata esnan rekto—E anochi di Kristu su nasementu ta yega—E señal ta wòrdu duná, i un strea nobo ta aparesé—Mentira i engañonan ta oumentá, i e ladronnan di Gadianton ta mata hopi hende. Aproksimadamente 1–4 dK.
Kapítulo 2
Maldat i abominashonnan ta oumentá entre e pueblo—E nefitanan i lamanitanan ta uni pa defendé nan mes kontra e ladronnan di Gadianton—Lamanitanan kombertí ta bira blanku i ta wòrdu yamá nefitanan. Aproksimadamente 5–16 dK.
Kapítulo 3
Giddiani, e lider Gadianton, ta eksigí pa Lakoneo i e nefitanan entregá nan mes i nan teranan—Lakoneo ta apuntá Gidgiddoni komo kapitan hefe di e ehérsitonan—E nefitanan ta reuní na Zarahemla i e tera di Abundansia pa defendé nan mes. Aproksimadamente 16–18 dK.
Kapítulo 4
E ehérsitonan nefita ta derotá e ladronnan di Gadianton—Giddiani ta wòrdu matá, i su susesor, Zemnaria ta wòrdu horká—E nefitanan ta alabá Señor pa nan viktorianan. Aproksimadamente 19–22 dK.
Kapítulo 5
E nefitanan ta arepentí i bandoná nan pikánan—Mormon ta skirbi e historia di su pueblo i ta deklará e palabra sempiterno na nan—Israel lo wòrdu rekohé for di nan plamamentu largu. Aproksimadamente 22–26 dK.
Kapítulo 6
E nefitanan ta prosperá—Orguyo, rikesa, i distinshon di klase ta lanta—E Iglesia ta dividí ku disenshonnan—Satanas ta hiba e pueblo na rebelion abiertamente—Hopi profeta ta proklamá arepentimentu i ta wòrdu matá—Nan asesinonan ta konspirá na apoderá di e gobièrnu. Aproksimadamente 26–30 dK.
Kapítulo 7
E hues supremo ta wòrdu asesiná, e gobièrnu ta wòrdu destruí, i e pueblo dividí den tribunan—Yakob, un antikristu, a bira rei di un kombinashon sekreto—Nefi ta prediká arepentimentu i fe den Kristu—Angelnan ta ministrá na dje diariamente, i e ta lanta su ruman for di morto—Hopi ta arepentí i ta batisá. Aproksimadamente 30–33 dK.
Kapítulo 8
Tempestat, temblor, kandela, warwarú, i desasternan natural ta testifiká di e krusifikashon di Kristu—Hopi hende ta wòrdu destruí—Skuridat ta kubri e tera pa tres dia—Esnan ku sobrebibí ta lamentá nan destino. Aproksimadamente 33–34 dK.
Kapítulo 9
Den e skuridat, e stèm di Kristu ta proklamá e destrukshon di hopi hende i siudatnan pa nan maldat—E ta proklamá Su divinidat tambe, ta anunsiando ku e lei di Moises a wòrdu kumplí, i ta invitá hende pa bini na djE i wòrdu salbá. Aproksimadamente 34 dK.
Kapítulo 10
Ta reina silensio den e tera durante hopi ora—E stèm di Kristu ta primintí di reuní Su pueblo manera un galiña ta reuní su puitunan—E parti mas rekto di e pueblo a wòrdu preservá. Aproksimadamente 34–35 dK.
Kapítulo 11
E Tata ta testifiká di Su Yu Stimá—Kristu ta aparesé i proklamá Su Ekspiashon—E pueblo ta fula e markanan di herida na Su mannan i pianan i kustia—Nan ta sklama Hosana—E ta establesé e método i manera di boutismo—E spiritu di kontenshon ta di e diabel—Kristu su doktrina ta ku hende mester kere i wòrdu batisá i risibí e Spiritu Santu. Aproksimadamente 34 dK.
Kapítulo 12
Hesus ta yama i outorisá e diesdos disipelnan—E ta entregá na e nefitanan un diskurso semehante na e Predikashi riba Seru—E ta deklará e Bienaventuransanan—Su enseñansanan ta surpasá i ta presedí e lei di Moises—Ta manda e hendenan pa ta perfekto asta manera E i Su Tata ta perfekto—Kompará ku Mateo 5. Aproksimadamente 34 dK.
Kapítulo 13
Hesus ta siña e nefitanan Señor su orashon—Nan mester akumulá tesoronan den shelu—E ta manda e diesdos disipelnan ku den nan ministerio nan no mester preokupá ku kosnan temporal—Kompará ku Mateo 6. Aproksimadamente 34 dK.
Kapítulo 14
Hesus ta manda: no husga; pidi Dios; tene kuidou ku profetanan falsu—E ta primintí salbashon na esnan ku ta hasi e boluntat di e Tata—Kompará ku Mateo 7. Aproksimadamente 34 dK.
Kapítulo 15
Hesus ta anunsiá ku e lei di Moises ta kumplí den djE—E nefitanan ta e otro karnénan di ken El a papia na Herusalèm—Pa motibu di maldat, e pueblo di Señor na Herusalèm no sa di e karnénan plamá di Israel. Aproksimadamente 34 dK.
Kapítulo 16
Hesus lo bishitá otro karnénan pèrdí di Israel—Den e delaster dianan e evangelio lo bai na e gentilnan i despues na e kas di Israel—Señor su pueblo lo wak ku nan propio wowonan ora E trese Sion atrobe. Aproksimadamente 34 dK.
Kapítulo 17
Hesus ta instruí su pueblo pa skrudiñá Su palabranan i hasi orashon pa entendimentu—E ta sana nan enfermonan—E ta hasi orashon pa e pueblo, usando lenguahe ku no por wòrdu skirbí—Angelnan ta ministrá na e chikitunan i kandela ta rondoná nan. Aproksimadamente 34 dK.
Kapítulo 18
Hesus ta instituí e sakramento entre e nefitanan—Ta manda nan pa hasi orashon semper den Su nòmber—Esnan ku kome Su karni i bebe Su sanger indigno ta kondená—Ta duna e disipelnan poder pa konferí e Spiritu Santu. Aproksimadamente 34 dK.
Kapítulo 19
E diesdos disipelnan ta ministrá na e pueblo i hasi orashon pa risibí e Spiritu Santu—E disipelnan ta wòrdu batisá i ta risibí e Spiritu Santu i e ministrashon di angelnan—Hesus ta hasi orashon usando palabranan ku no por wòrdu skirbí—E ta duna testimonio di e fe ekstremadamente grandi di e nefitanan. Aproksimadamente 34 dK.
Kapítulo 20
Hesus ta proveé pan i biña milagrosamente i atrobe ta atministrá e sakramento na e pueblo—E restu di Yakob lo yega na e konosementu di Señor nan Dios i lo heredá e kontinente Amerikano—Hesus ta e profeta semehante na Moises, i e nefitanan ta e yunan di e profetanan—Otronan di Señor su pueblo lo wòrdu rekohé na Herusalèm. Aproksimadamente 34 dK.
Kapítulo 21
Israel lo wòrdu rekohé ora e Buki di Mormon sali na lus—E gentilnan lo wòrdu establesé komo un pueblo liber den Amérika—Nan lo wòrdu salbá si nan kere i obedesé; sino, nan lo wòrdu kòrtá i destruí—Israel lo edifiká e Herusalèm Nobo, i e tribunan pèrdí lo regresá. Aproksimadamente 34 dK.
Kapítulo 22
Den e delaster dianan, Sion i su estakanan lo wòrdu establesé, i Israel lo wòrdu rekohé den mizerikòrdia i ternura—Nan lo triunfá—Kompará ku Isaías 54. Aproksimadamente 34 dK.
Kapítulo 23
Hesus ta aprobá e palabranan di Isaías—E ta manda e pueblo pa skrudiñá e profetanan—E palabranan di Samuel e Lamanita konserniente e Resurekshon ta wòrdu añadí na nan registronan. Aproksimadamente 34 dK.
Kapítulo 24
Señor su mensahero lo prepará e kaminda pa e Segunda Binida—Kristu lo sinta pa husga—Ta manda Israel pa paga diesmo i ofrendanan—Ta skirbi un buki di memoria—Kompará ku Malakías 3. Aproksimadamente 34 dK.
Kapítulo 25
Na e Segunda Binida, esnan orguyoso i malbado lo wòrdu kimá manera yerba seku—Elías lo regresá promé ku e dia grandi i teribel ei—Kompará ku Malakías 4. Aproksimadamente 34 dK.
Kapítulo 26
Hesus ta splika tur kos for di komienso te na final—Esnan resien nasí i muchanan ta papia kosnan maravioso ku no por wòrdu skirbí—Esnan den e Iglesia di Kristu ta poseé tur kos en komun. Aproksimadamente 34 dK.
Kapítulo 27
Hesus ta manda pa e Iglesia wòrdu yamá na Su nòmber—Su mishon i sakrifisio ekspiatorio ta konstituí Su evangelio—Ta manda hende pa arepentí i batisá pa nan por wòrdu santifiká pa medio di e Spiritu Santu—Nan mester ta manera Hesus ta. Aproksimadamente 34–35 dK.
Kapítulo 28
Nuebe di e diesdos disipelnan ta deseá i ta primintí nan un herensia den Kristu su reino ora nan muri—E Tres Nefitanan ta deseá i ta duna nan poder riba morto pa permanesé riba tera te ora Hesus bini atrobe—Nan ta wòrdu trasladá i wak kosnan no apto pa deklará, i nan ta ministrando aworaki entre hende. Aproksimadamente 34–35 dK.
Kapítulo 29
E aparishon di e Buki di Mormon ta un señal ku Señor a kuminsá rekohé Israel i kumpli ku Su kombenionan—Esnan ku rechasá Su revelashon i donnan di delaster dianan lo wòrdu maldishoná. Aproksimadamente 34–35 dK.
Kapítulo 30
Ta manda e gentilnan di delaster dia pa arepentí, bini na Kristu, i wòrdu kontá ku e kas di Israel. Aproksimadamente 34–35 dK.