1 Skucha, O boso gentilnan, i skucha e palabranan di Hesu-Kristu, e Yu di e Dios bibiente, kual el a manda mi ku mi lo papia konserniente boso, pasobra mira el a manda mi pa mi skirbi, bisando:

2 Bolbe, boso tur gentilnan, for di boso kamindanan di maldat; i arepentí di boso obranan maligno, di boso mentira i engañonan, i di boso fornikashonnan, i boso abominashonnan sekreto, i boso idolatrianan, i di boso asesinatonan, i boso mañanan saserdotal, i boso envidianan, i boso kontenshonnan, i di tur boso maldat i abominashonnan, i bini n’ami, i wòrdu batisá den mi nòmber, pa boso por risibí un remishon di boso pikánan, i wòrdu yená ku e Spiritu Santu, pa boso por wòrdu kontá ku mi pueblo ku ta di e kas di Israel.