Kapítulo 1Rei Benjamin ta siña su yunan hòmber e lenguahe i profesianan di nan tatanan—Nan religion i sivilisashon a wòrdu preservá pa motibu di e registronan grabá riba vários plancha—Mosias ta skohé komo rei i ta haña enkargo di e registronan i otro kosnan. Aproksimadamente 130–124 pK. Kapítulo 2Rei Benjamin ta dirigí na su pueblo—E ta referí na e igualdat, hustisia, i spiritualidat di su reinado—E ta konsehá nan pa sirbi nan Rei Selestial—Esnan ku ta rebeldia kontra Dios lo sufri angustia manera kandela ku no ta paga. Aproksimadamente 124 pK. Kapítulo 3Rei Benjamin ta kontinuá su diskurso—E Señor Omnipotente lo ministrá entre hendenan den un tabernakel di klei—Sanger lo brota for di kada poro miéntras e ta ekspiá pa e pikánan di e mundu—Su nòmber ta e úniko pa medio di kual salbashon ta bini—Hende por pone e hòmber natural un banda i bira Santunan pa medio di e Ekspiashon—E tormento di e malbado lo ta manera un lago di kandela i suafel. Aproksimadamente 124 pK. Kapítulo 4Rei Benjamin ta kontinuá su diskurso—Salbashon ta bini pa motibu di e Ekspiashon—Kere den Dios pa wòrdu salbá—Retené un remishon di boso pikánan pa medio di fieldat—Kompartí di boso propiedat na e pobernan—Hasi tur kos den sabiduria i òrdu. Aproksimadamente 124 pK. Kapítulo 5E Santunan ta bira e yunan hòmber i yunan muhé di Kristu pa medio di fe—Nan ta yamá e ora ei na e nòmber di Kristu—Rei Benjamin ta urgi nan pa ta firme i inmovibel den bon obranan. Aproksimadamente 124 pK. Kapítulo 6Rei Benjamin ta registrá e nòmbernan di e pueblo i ta apuntá saserdotenan pa siña nan—Mosias ta goberná manera un rei hustu. Aproksimadamente 124–121 pK. Kapítulo 7Amon ta haña e tera di Lehi-Nefi, kaminda Limhi ta rei—Limhi su pueblo ta den koutiverio bou di e lamanitanan—Limhi ta relatá nan historia—Un profeta (Abinadí) a testifiká ku Kristu ta e Dios i Tata di tur kos—Esnan ku ta sembra sushedat ta kosechá e tormenta, i esnan ku pone nan konfiansa den Señor lo wòrdu librá. Aproksimadamente 121 pK. Kapítulo 8Amon ta siña e pueblo di Limhi—E ta haña sa di e bintikuater planchanan yaredita—Registronan antiguo por wòrdu tradusí pa medio di videntenan—Ningun don ta mas grandi ku ta un vidente. Aproksimadamente 121 pK. Kapítulo 9Zenif ta guia un grupo for di Zarahemla pa poseé e tera di Lehi-Nefi—E rei lamanita ta permití nan pa heredá e tera—Tin guera entre e lamanitanan i Zenif su pueblo. Aproksimadamente 200-187 pK. Kapítulo 10Rei Laman ta muri—Su pueblo ta salbahe i feros i ta kere den tradishonnan falsu—Zenif i su pueblo ta prevalesé kontra nan. Aproksimadamente 187-160 pK. Kapítulo 11Rei Noe ta goberná den maldat— E ta deleitá di bida parotin ku su kasánan i konkubinanan—Abinadí ta profetisá ku e pueblo lo wòrdu hibá den koutiverio—Rei Noe ta buska pa kita su bida. Aproksimadamente 160-150 pK. Kapítulo 12Abinadí ta wòrdu enkarselá pa profetisá e destrukshon di e pueblo i e morto di Rei Noe—E saserdotenan falsu ta sita Skrituranan i ta pretendé di warda e lei di Moises—Abinadí ta kuminsá siña nan e Dies Mandamentunan. Aproksimadamente 148 pK. Kapítulo 13Abinadí ta wòrdu protehá pa poder divino—E ta siña e Dies Mandamentunan—Salbashon no ta bini pa medio di e lei di Moises so—Dios mes lo hasi un ekspiashon i redimí Su pueblo. Aproksimadamente 148 pK. Kapítulo 14Isaías ta papia mesiánikamente—E Mesias su humiashon i sufrimentunan ta wòrdu eksponé—E ta hasi di Su alma un ofrenda pa piká i ta hasi interseshon pa pekadónan—Kompará ku Isaías 53. Aproksimadamente 148 pK. Kapítulo 15Kon Kristu ta tantu e Tata komo e Yu—E lo hasi interseshon i karga e pikánan di Su pueblo—Nan i tur e profetanan santu ta Su desendiente—E ta efektuá e Resurekshon—Muchanan chikitu tin bida eterno. Aproksimadamente 148 pK. Kapítulo 16Dios ta redimí hende for di nan estado pèrdí i kaí—Esnan ku ta karnal ta permanesé manera si no tabatin redenshon—Kristu ta hasi posibel un resurekshon pa bida sin fin òf pa kondenashon sin fin. Aproksimadamente 148 pK. Kapítulo 17Alma ta kere i skirbi e palabranan di Abinadí—Abinadí ta sufri morto pa medio di kandela—E ta profetisá malesa i morto pa medio di kandela riba su asesinonan. Aproksimadamente 148 pK. Kapítulo 18Alma ta prediká den sekreto—E ta deklará e kombenio di boutismo i ta batisá den e awanan di Mormon—E ta organisá e Iglesia di Kristu i ta konsagrá saserdotenan—Nan ta sostené nan mes i ta siña e pueblo—Alma i su pueblo ta hui for di Rei Noe den e desierto. Aproksimadamente 147–145 pK. Kapítulo 19Gideon ta buska pa mata Rei Noe—E lamanitanan ta invadí e tera—Rei Noe ta sufri morto pa medio di kandela—Limhi ta goberná komo un monarka tributario. Aproksimadamente 145–121 pK. Kapítulo 20Algun yu muhé lamanita ta wòrdu sekuestrá pa e saserdotenan di Noe—E lamanitanan ta hiba guera kontra Limhi i su pueblo—E ehérsitonan lamanita ta wòrdu rechasá i pasifiká. Aproksimadamente 145–123 pK. Kapítulo 21Limhi su pueblo ta wòrdu asotá i derotá dor di e lamanitanan—Limhi su pueblo ta topa Amon i ta kombertí—Nan ta konta Amon di e bintikuater planchanan yaredita. Aproksimadamente 122–121 pK. Kapítulo 22Plannan ta wòrdu trahá pa e pueblo por skapa for di koutiverio lamanita—A hasi e lamanitanan fuma—E pueblo ta skapa, regresá na Zarahemla, i bira suheto na Rei Mosias. Aproksimadamente 121–120 pK. Kapítulo 23Alma ta nenga pa bira rei—E ta sirbi komo sumo saserdote—Señor ta kastigá Su pueblo, i e lamanitanan ta konkistá e tera di Helam—Amulon, hefe di e saserdotenan malbado di Rei Noe, ta goberná bou di e monarka lamanita. Aproksimadamente 145–121 pK. Kapítulo 24Amulon ta persiguí Alma i su pueblo—Lo kita nan bida si nan hasi orashon—Señor ta laga nan karganan parse lihé—E ta libra nan for di koutiverio, i nan ta regresá na Zarahemla. Aproksimadamente 145–120 pK. Kapítulo 25E desendientenan di Mulek na Zarahemla a bira nefitanan—Nan ta haña sa di e pueblo di Alma i di Zenif—Alma ta batisá Limhi i henter su pueblo—Mosias ta outorisá Alma pa organisá e Iglesia di Dios. Aproksimadamente 120 pK. Kapítulo 26Hopi miembro di Iglesia ta wòrdu kondusí na piká dor di inkrédulonan—Ta primintí Alma bida eterno—Esnan ku arepentí i wòrdu batisá ta gana pordon—Miembronan di Iglesia den piká ku arepentí i konfesá na Alma i na Señor lo wòrdu pordoná; di otro manera, nan lo no wòrdu kontá entre e pueblo di e Iglesia. Aproksimadamente 120–100 pK. Kapítulo 27Mosias ta prohibí persekushon i ta establesé igualdat—Alma yu i e kuater yunan hòmber di Mosias ta buska pa destruí e Iglesia—Un angel ta aparesé i manda nan pa bandoná nan kaminda di maldat—Alma ta keda muda—Henter humanidat mester nase di nobo pa logra salbashon—Alma i e yunan di Mosias ta deklará bon notisia. Aproksimadamente 100–92 pK. Kapítulo 28E yunan di Mosias ta sali pa prediká na e lamanitanan—Usando e dos piedranan vidente, Mosias ta tradusí e planchanan yaredita. Aproksimadamente 92 pK. Kapítulo 29Mosias ta proponé pa huesnan wòrdu skohé na lugá di un rei—Reinan inhustu ta kondusí nan pueblo den piká—Alma yu ta wòrdu skohé komo hues superior pa medio di e stèm di e pueblo—E ta e sumo saserdote tambe riba e Iglesia—Alma tata i Mosias ta muri. Aproksimadamente 92–91 pK.