“UDavide Omncinane,” Amabali eTestamente eNdala (2022)
“UDavide Omncinane,” Amabali eTestamente eNdala
UDavide Omncinane
Inkwenkwe engumalusi eyabizwa ukuba ibe ngukumkani
INkosi yathumela umprofeti uSamuweli ukuba ayofuna ukumkani omtsha. USawule, owayengukumkani ngeloo xesha, wayeyekile ukulandela iNkosi. INkosi yaxelela uSamuweli ukuba ahambe aye eBhetelehem ayokufuna indoda egama linguYese. Ukumkani omtsha yayiya kuba ngomnye woonyana bakaYese.
Oonyana bakaYese babebade kwaye babomelele. Kodwa iNkosi yayixelele uSamuweli ukuba angabagwebi ngendlela ababekhangeleka ngayo.
USamuweli wabuza uYese ukuba wayenabanye oonyana. UYese wathi unyana wakhe omncinane, uDavide, wayesolusa iigusha. UDavide waziswa kuSamuweli.
UDavide wayemncinci kunabantakwabo kwaye wayeyinkwenkwe engumalusi. Kodwa iNkosi yayingakhathali ngendlela uDavide wayekhangeleka ngayo. INkosi yayisazi ukuba intliziyo kaDavide yayigcwele ukholo. Yaye yaxelela uSamuweli ukuba uDavide wayeya kuba yikumkani. USamuweli wasikelela uDavide. UMoya weNkosi walungiselela uDavide ukuba abe yikumkani.