“UKumkani uYosiya,” Amabali eTestamente eNdala (2022)
“UKumkani uYosiya,” Amabali eTestamente eNdala
2 OoKumkani 22; 2 IziKronike 34–35
UKumkani uYosiya
Imfuno yokuthobela imithetho yeNkosi
UYosiya wayeneminyaka esibhozo ubudala xa wayemiselwa njengekumkani yakwaYuda. Wayeyikumkani elungileyo eyayithanda iNkosi. Wayefuna ukunceda abantu bakhe, amaSirayeli, ukuba bathobele iNkosi kwaye bayeke ukunqula izithixo. Xa wayesele emdala, yena nabantu bakhe baye baqala ukulungisa itempile kwaye bayenza yabantle kwakhona.
2 OoKumkani 22:1–2; 2 IziKronike 34:3–7
Ngexesha abantu babesebenza etempileni, uHilekiya umbingeleli omkhulu waye wafumana incwadi yomthetho, incwadi yezibhalo eyayiqulethe izibhalo ezingcwele.
Isicaka safundela uYosiya incwadi. UYosiya waweva amazwi kwaye wayekhathazekile kuba abantu bakhe babengayithobeli iNkosi. Waye wakrazula iimpahla ukubonakalisa ukuba wayekhathazekile.
Saye saxelela uHilekiya abuze iNkosi ukuba benzeni na. UHilekiya nezicaka zikakumkani bandwendwela uHulda. Wayengumprofetikazi, inkokheli enyanisekileyo eyayiphenjelelwe nguThixo. Wathi iNkosi yayonwabile ngoYosiya kuba wayenceda abantu ukuba bathobele. INkosi yathembisa uKumkani uYosiya ukuba wayeya kuphila ngoxolo.
UKumkani uYosiya wayefuna abantu bakhe ukuba bazigcine izithembiso zabo kunye neNkosi. Waye wabacela ukuba babhiyozele iPasika ukubanceda bakhumbule indlela iNkosi eyakhulula ngayo amaSirayeli kudala kwelaseYiputa.