“UDaniyeli noMhadi weeNgonyama,” Amabali eTestamente eNdala (2022)
“UDaniyeli noMhadi weeNgonyama,” Amabali eTestamente eNdala
Daniyeli 6
UDaniyeli noMhadi weeNgonyama
Inkalipho yokuthandaza yendoda enye
UDariyo waye wabangumlawuli waseBhabheli Yena wayemthanda uDaniyeli kwaye wayefuna ukumenza inkokheli yabo bonke ubukumkani. Ezinye zezilumko zikakumkani zazinomona.
Izilumko zazisazi ukuba uDaniyeli wayethandaza kuThixo, ngoko ke zakhohlisa ukumkani ukuba enze umthetho omtsha. Nabani na owayethandaza kuThixo wayeya kuphoswa emhadini weengonyama.
UDaniyeli wakhetha ukuthandaza kuThixo kunjalo. Izilumko zikakumkani zabona uDaniyeli ethandaza kwaye zaxelela ukumkani ukuba uDaniyeli wayesaphula umthetho. Ukumkani waqonda ukuba izilumko zakhe zazimkhohlisile. Waye wazama ukufumana indlela yokusindisa uDaniyeli, kodwa ukumkani kwakumele alandele umthetho wakhe.
UDaniyeli waye waphoselwa emhadini weengonyama. Ukumkani wayehleli ubusuku bonke, ezile ukutya ukuze uDaniyeli abenokukhuselwa.
Ekuseni ngentsasa elandelayo, ukumkani wakhawuleza waya emhadini weengonyama. Waye wabiza uDaniyeli ukumbona ukuba wayesaphila na. UDaniyeli waye wasabela! Waxelela ukumkani ukuba uThixo wayethumele ingelosi ukuba ivale imilomo yeengonyama. Iingonyama azizange zimlimaze.
Ukumkani wayonwabele ukuba uDaniyeli wayekhuselekile. Wazohlwaya ezo zilumko ezazimkhohlisile, kwaye wawuphelisa loo mthetho. Waye wafundisa ubukumkani bakhe ngamandla nangobulungisa bukaThixo.