“UShadraki, noMeshaki, kunye no-Abhede-nego,” Amabali eTestamente eNdala (2022)
“UShadraki, noMeshaki, kunye no-Abhede-nego,” Amabali eTestamente eNdala
Daniyeli 1; 3
UShadraki, noMeshaki, kunye no-Abhede-nego
Uvavanyo oluyingozi lokholo
Ukumkani uNebhukadenetsare waye wokha umfanekiso oqingqiweyo omkhulu, wegolide kwaye wanyanzelisa abantu bakhe ukuba bawunqule. Ukuba babesala, babeya kuphoselwa ezikweni lomlilo.
Abahlobo bakaDaniyeli, uShadraki, noMeshaki, kunye no-Abhede-nego babemthanda uThixo kwaye babengazange banqule uthixo wobuxoki kakumkani. Ukumkani waye wabanomsindo kubo.
Abahlobo abathathu baxelela ukumkani ukuba bona babeya kunqula uThixo qha. Babekholelwa ukuba uThixo wayenokubakhusela. Kodwa nokokuba Yena wayengenako ukubasindisa, babeya kumela oko babekukholelwa.
Ukumkani wayelugcwabevu kuShadraki, noMeshaki, kunye no-Abhede-nego. Wenza okokuba baphoselwe ezikweni lomlilo. Kodwa ukumkani xa wayejonga kwiziko, waye wothuswa kukubona umntu wasezulwini esemlilweni kunye nala madoda mathathu. Abazange balinyazwe ngumlilo.
Ukumkani wabiza uShadraki, noMeshaki, kunye no-Abhede-nego, kwaye baye baphuma ezikweni. Umlilo wawungazange ubalimaze okanye utshise iimpahla zabo.
UShadraki, noMeshaki, kunye no-Abhede-nego babeyithobela imithetho kaThixo, nkqu nangona ubomi babo babusengozini. Umzekelo wabo wanceda ukumkani ukuba akholelwe kuThixo.