AbaGwebi 4–5

UDebhora uMprofetikazi

Inkokheli eyanceda amaSirayeli ukuba athembele eNkosini

UDebhora umprofetikazi

UDebhora wayengumprofetikazi, inkokheli enyanisekileyo yomSirayeli eyayiphenjelelwe yiNkosi. Abantu bakhe babeyekile ukugcina imithetho yeNkosi, kwaye amaKanan ayebalawula. Emva kweminyaka engamashumi amabini, amaSirayeli aye aqalisa ukuthandazela uncedo lweNkosi.

AbaGwebi 4:1–5

UDebhora uyathandaza

INkosi yaye yayiva imithandazo yabo. Yona yaxelela uDebhora ukuba ahlanganise umkhosi wamaSirayeli owawuyo kulwa namaKanan.

AbaGwebi 4:6

UDebhora uthetha namajoni

Umkhosi wamaKanan wawunamajoni amaninzi kunye neenqwelo zokulwa. Oku kwenza umkhosi wamaSirayeli ukuba woyike, kodwa kwakungenjalo kuDebhora. Yena wayesazi ukuba iNkosi yayiya kubanceda.

AbaGwebi 4:3, 7

UBharaki ecela uDebhora ukuba eze

UBharaki wayeyinkokheli yomkhosi wamaSirayeli. Yena wayengafuni ukulwa. Kodwa wayecinga okokuba ukuba umkhosi wawuhambe noDebhora, iNkosi yayiya kubakhusela. UDebhora wavuma ukuhamba. Waye waprofeta ukuba umfazi wayeya koyisa uSisera, inkokheli yomkhosi wamaKanan.

AbaGwebi 4:8–9

UDebhora nomkhosi phezu kwentaba

Umkhosi wamaSirayeli wadibanela phezu kwentaba, aze amaKanan adibanela entlambo. UDebhora waxelela uBharaki ukuba ahlele ezantsi kwentaba. Yena wathembisa ukuba iNkosi yayiya kubakunye nabo.

AbaGwebi 4:12–14

iinqwelo zokulwa zihlanjwa sisaqhwithi

INkosi yathumela imvula, zaze iinqwelo zokulwa zamaKanan zatshayelelwa emanzini. AmaKanan amaninzi aye arhaxwa emlanjeni, kodwa yena uSisera wabaleka.

AbaGwebi 4:15, 17; 5:4–5, 19–22

UYaheli ememela uSisera ententeni

Umfazi ogama linguYaheli wayehlala ententeni eyayikufuphi apho. Waye wabona uSisera ebaleka waze wamxelela ukuba azimele ententeni yakhe. UYaheli wayesazi ukuba yena wayeyinkokheli yomkhosi wamaKanan kwaye wambulala ukuze angabinakulimaza abanye abantu.

AbaGwebi 4:15–21

UDebhora ebukele idolophu enoxolo

Isiprofeto sikaDebhora saye sabayinyani. USisera waye woyiswa ngumfazi owayeligorhakazi. UDebhora waye wacula ingoma ukunceda amaSirayeli ukuba akhumbule indlela iNkosi eyawasindisa ngayo. AmaSirayeli ayigcina imithetho kwaye aphila ngoxolo iminyaka engama-40.

AbaGwebi 5:1, 24–27, 31