“UYakobi no-Esawu,” Amabali eTestamente eNdala (2022)
“UYakobi no-Esawu,” Amabali eTestamente eNdala
Genesis 25–27
UYakobi no-Esawu
Oobhuti ababini kunye nobuzibulo obunye
U-Isake noRebheka babenamakhwenkwe ayengamawele, uYakobi no-Esawu. U-Esawu wayengumzingeli onesakhono. UYakobi wayephila ubomi obulula nje kwaye wayelandela iNkosi.
U-Esawu wazalwa kuqala. Izibulo ngokwesiqhelo lalifumana intsikelelo yobuzibulo kuyise walo. Ubuzibulo babuthetha ukuba wayeya kukhokela usapho kwaye abenomhlaba omninzi nezilwanyana ezininzi zokunceda ekukhathaleleni usapho olo. Kodwa u-Esawu wayezikhathalela yena buqu ngakumbi ukwegqitha usapho lwakhe, kwaye wayengabathobeli abazali bakhe kunye neNkosi.
Ngenye imini u-Esawu wayebuya ekuzingeleni. Wayelambile kakhulu kwaye wacela uYakobi ukuba amondle. INkosi yayifuna ukuba uYakobi abenentsikelelo yobuzibulo kuba u-Esawu wayengayifanelanga. UYakobi wacela u-Esawu ukuba amtshintshisele ubuzibulo ngokutya. U-Esawu waye wavuma kwaye watshintshisela uYakobi ubuzibulo bakhe.
Genesis 25:23, 29–34; AmaHebhere 11:20
URebheka no-Isake babefunela abantwana babo okugqwesileyo. Babekhathazekile ngokuba u-Esawu wayeqhubeka ukwenza izinto awayezifuna kwaye engenzi oko iNkosi yayikufuna.
U-Isake waye wakhula wabamdala kwaye wabayimfama. Ngaphambili kokuba asweleke, waye wacela u-Esawu ukuba ayokuzingela kwaye nokuba amphekele isilwanyana sokuba asitye kwaye asonwabele.
URebheka wayesazi okokuba yayilixesha lokuba u-Isake anikele ngentsikelelo yobuzibulo.
URebheka waye wacela uYakobi ukuba amfumanele izilwanyana ezimbini ukuze apheke isidlo ngaphambili kokuba u-Esawu abuye. Emva koko uYakobi wayeya kufumana intsikelelo.
UYakobi waye wanxiba njengo-Esawu kwaye wazisa isidlo kutata wakhe. U-Isake wanika uYakobi intsikelelo yobuzibulo. Xa u-Esawu wayebuya, wayemqumbele kakhulu uYakobi. Kodwa ubuzibulo baya kuYakobi ngenxa yokuba wayegcine imithetho yeNkosi leyo u-Esawu wayengayigcini.