“Amaphupha Awaphenjelelweyo kaYosefu,” Amabali eTestamente eNdala (2022)
“Amaphupha Awaphenjelelweyo kaYosefu,” Amabali eTestamente eNdala
Amaphupha Awaphenjelelweyo kaYosefu
Intsokolo yosapho yokuba luthandane
URakeli noYakobi babethandaza iminyaka ukuba babenonyana. INkosi yayiphendula imithandazo yabo xa uYosefu wayezalwa. UYosefu wayengunyana oyintanda kaYakobi, kwaye waye wapha uYosefu ingubo ekhethekileyo. Oonyana abali-10 bakaYakobi babenomona.
Xa uYosefu wayemalunga neminyaka eli-17 ubudala, waye wabanephupha eliphenjelelweyo apho wayeqokelela iinkozo kunye nabantakwabo. Inyanda yeenkozo zikaYosefu yayime ngobude. Kodwa iinyanda zabantakwabo zaziqubude kwekaYosefu. Xa uYosefu wayexelela abantakwabo ngephupha, baye babanomsindo kuye.
Kamva, uYosefu waye wabanelinye iphupha eliphenjelelweyo. Kweli iphupha, ilanga, nenyanga, kunye neenkwenkwezi ezili-11 zaziqubuda kuye. UYosefu waxelela usapho lwakhe ngeli phupha. Oku kwenza kwavakala ngathi uYosefu wayeya kuphatha usapho lwakhe. Abantakwabo Yosefu baye babanomsindo ngakumbi. Babengawathandi amaphupha wakhe.
Ngenye imini abantakwabo Yosefu babekude nasekhaya besolusa iigusha. UYakobi wathumela uYosefu ukuba ayobajonga.
Abanye babantakwabo Yosefu babefuna ukumbulala. Baye bathatha ingubo yakhe baze bamphosela emgodini.
Ngelixesha uYosefu wayesemgodini, abantakwabo baye babona abahambi besiya eYiputa. Abantakwabo baye bagqiba kwelokuba bamthengise uYosefu njengekhoboka kubahambi ngexabiso leesilivere ezingama-20.
Emva koko abantakwabo Yosefu babeka igazi lebhokhwe kwingubo yakhe. Abantakwabo baya kutata wabo, uYakobi, kwaye bambonisa ingubo. Baye baxoka kuYakobi kwaye bamxelela ukuba izilwanyane zasendle zibulele uYosefu.
UYakobi waye wakhala kuba wayecinga ukuba uYosefu wayeswelekile.
Kodwa uYosefu wayesaphila. Wayekude nekhaya eYiputa, ephila njengekhoboka.