Jeje Ko Rekwojarjar
Katak im Bujen Ko 51


Jekjōn 51

Revelesōn letok kōn Josep Smith Rikanaan eo, ilo Thompson, Ohio, Māe 20, 1831. Ilo iien in Ro Rekwōjarjar rekar etal jān bukwōn ko iturear im rekar jino laurōeļo̧k Ohio, im ekar mennin aikuj bwe n̄an kōm̧m̧ani koņ ko n̄an aer jikin pād. Kōnke jerbal in ekar an opij eo an bisop, Bisop Edward Partridge ekar kappukot tōl kōn menin, im Rikanaan eo eaar kajjitōk kake ippān Irooj.

1–8, Edward Partridge kar jitōn̄e bwe en kajeikiki eddo ko im bwidej ko; 9–12, Ro Rekwōjarjar rej aikuj in lukkuun m̧ool ilo aer m̧akūtkūt im bōk ejja āinwōt; 13–15, Ej itōn wōr juon aer im̧ōn ko̧koņ an bisop im reaikuj karōki bwidej ko ekkar n̄an kien an Irooj; 16–20, Ohio ej jikin aintok doon ium̧win wōt jidik iien.

1 Eo̧ron̄ Eō, Irooj am Anij ej ba, im Inaaj ekkōnono n̄an rikarejera aEdward Partridge, im leļo̧k n̄an e tōl ko; bwe emennin aikuj bwe e en bōk tōl ko kōn wāween karōk armej rein.

2 Bwe emennin aikuj bwe ren karōke er ekkar n̄an akien ko Aō; eļan̄n̄e eāinjuon, naaj bukweļo̧k er.

3 Kōn menin, kōtļo̧k bwe rikarejera Edward Partridge, im ro eaar kāālet er, eo ebun̄-buruō kake e, jitōn̄e n̄an armej in kōj ko aer, aolep em̧m̧aan aekkar n̄an baam̧le eo an, ekkar n̄an jekjek ko ej pād ie im kōņaan ko im baikuj ko an.

4 Im kōtļo̧k bwe rikarejera Edward Partridge, n̄e enaaj jitōn̄ kōj eo an juon em̧m̧aan, en leļo̧k n̄an ļein ilo jeje eo enaaj kam̧ool n̄an ļein kōj eo an, bwe en naaj maron̄ dāpiji, em̧ool jim̧we in im jolōt in ilo kabun̄ in, m̧ae iien ej bōd im ej jab tōllo̧ke jān ainikien kabun̄ in, ekkar n̄an kien ko im abujen ko an kabun̄ in, n̄an an pād ilo kabun̄ in.

5 Im eļan̄n̄e enaaj bōd im ej jab tōllo̧ke n̄an pād ilo kabun̄ in, e enaaj ejjeļo̧k an kajoor n̄an ba an kōj eo me kar kōjenolo̧k n̄an bisop eo n̄an ro rijeram̧ōl im riaikuj ilo kabun̄ eo Aō; kōn menin, ej jamin naaj bōke wōt mennin leļo̧k in, ak naaj wōt maron̄ ba an kōj eo em̧ōj kar leļo̧k ium̧win kōmlet an kakien n̄an e.

6 Im āindein aolep men renaaj koņ, aekkar n̄an bkakien ko an āneo.

7 Im kōtļo̧k bwe men eo me ej an armej rein en jitōn̄e n̄an armej rein.

8 Im am̧ani eo me kar doore n̄an armej in—kōtļo̧k bwe en wōr juon riņa ainikien jitōn̄e n̄an armej rein, n̄an bōke bm̧ani eo n̄an ņa mellan kijeer im ballier, ekkar n̄an kōņaan ko an armej rein.

9 Im kōtļo̧k bwe aolep ren lukkuun am̧ool ilo aer m̧akūtkūt, im āinwōt juon ilubwiljin armej rein, im bōk āinwōt juon, bwe kom̧in maron̄ bjuon wōt, em̧ool āinwōt Iaar jiron̄ kom̧.

10 Im kōtļo̧k bwe men eo me ej an armej in en jab bōke im leļo̧k n̄an ro rej jān abar juon jarlepju in rijar ilo kabun̄ in.

11 Kōn menin, eļan̄n̄e bar juon jarlepju in rijar ilo kabun̄ ej kōņaan bōk m̧ani an kabun̄ in, kōtļo̧k bwe ren bar kōļļāik tok n̄an kabun̄ in ekkar n̄an āinwōt aer naaj errā;

12 Im men in enaaj kōm̧m̧an kōn bisop eo ak eo ej bōk jikin, eo naaj jitōn̄e jān aainikien kabun̄ in.

13 Im bar juon alen, kōtļo̧k bwe bisop eo en jitōn̄ juon aim̧ōn ko̧koņ n̄an kabun̄ in; im kōtļo̧k aolep men ko jim̧or ilo m̧ani im kanniōk, ko reļļapļo̧k jān baikuj eo n̄an kōņaan ko an armej rein, ren doori ilo pein bisop eo.

14 Im kōtļo̧k e barāinwōt bwe en ko̧koņi n̄an e make n̄an kōņaan ko an, im n̄an kōņaan ko an baam̧le eo an, āinwōt e naaj jerbal ilo kōm̧m̧an eddo in.

15 Im āindein Ij leļo̧k n̄an armej rein juon utiej n̄an karōke er make ekkar n̄an akien ko Aō.

16 Im Ij kōjenolo̧k n̄an er abwidej in n̄an jidik wōt iien, m̧ae N̄a, Irooj, Inaaj ņa mellan n̄an er ijello̧kun, im jiron̄ er n̄an etal jān ijo;

17 Im awa eo im raan eo jab leļo̧k e n̄an er, kōn menin kōtļo̧k bwe ren m̧akūtkūt ioon bwidej in āinwōt n̄an iiō ko, im men in enaaj oktak n̄an er n̄an em̧m̧an eo aer.

18 Lo, men in enaaj ajuon waanjon̄ok n̄an rikarejera Edward Partridge, ilo jikin ko jet, ilo aolep jarlepju in rijar ko an kabun̄ in.

19 Im jabdewōt aribōk eddo eo loe e tiljek, e jim̧we, im emālōtlōt naaj deļo̧n̄ļo̧k ilo blan̄lōn̄ eo an Irooj eo an, im naaj jolōt e mour indeeo.

20 Em̧ool, Ij ba n̄an kom̧, N̄aij Jisōs Kraist, eo em̧ōkaj An aitok, ilo bawa eo kom̧ij jab ļōmņak kake. Em̧ool āindein. Amen.