Jekjōn 113
Uwaak ko n̄an jet kajjitōk ko kōn jeje ko an Aiseia, kar litok jān Josep Smith Rikanaan eo, ilo ak iturin Far West, Missouri, M̧aaj 1838.
1–6, Kijeneļap in Jesse, ājib eo ej itok jān e, im okran Jesse kar kwaļo̧ki; 7–10, Bwe ko rejjeplōklōk in Zaion ewōr aer jim̧we n̄an priesthood eo im rej kūr er n̄an bar ro̧o̧ltok n̄an Irooj.
1 Won ej Kijeneļap in aJesse eo kōnono kake ilo eoon kein 1, 2, 3, 4 im 5 ilo jebta 11 in Aiseia?
2 Em̧ool āindein Irooj ej ba: Ej Kraist.
3 Ra ājib eo kōnono kake ilo eoon juon in jebta 11 in Aiseia, eo enaaj kar itok jān Dāpdep in Jesse?
4 Lo, āindein Irooj ej ba: Ej juon rikarejar ilo pā ko pein Kraist, eo ej jidik bwijjin Jesse barāinwōt m̧ōttan aIpreim, ak jān m̧weo im̧ōn Josep, eo ioon em̧ōj door ekanooj in ļap bkajoor.
5 Ta okaran Jesse eo kōnono kake ilo eoon eo kein kajon̄oul in jebta 11?
6 Lo, āindein Irooj ej ba, ej eo bwijjin Jesse, barāinwōt bwijjin Josep, eo n̄an e ejim̧we bwe en an priesthood eo, im aki ko an aelōn̄ in kiin̄ eo, n̄an juon bflag, im n̄an cae eo an armej ro Aō ilo raan ko āliktata.
7 Kajjitōk ko jān Elias Higbee: Ta meļeļein naan in jiron̄ eo ilo Aiseia 52 jebta, eoon 1, eo ej ba: Kwōn kōņak kajoor eo am, O Zaion—im armej ōt Aiseia ekar ekkōnono kake er?
8 Eaar ekkōnono kōn ro im Anij enaaj kūr er ilo raan ko āliktata, ro renaaj kar kabwijer kajoor eo an priesthood eo n̄an bar bōktok aZaion, im lo̧mo̧o̧ren eo an Israel; im n̄an kōņake bkajoor eo an ej n̄an kōņake maron̄ eo an priesthood eo, eo lio, Zaion, ewōr an cjim̧we n̄an e jān bwij eo an; barāinwōt n̄an kōro̧o̧l e n̄an kajoor eo me ekar jako jān lio.
9 Ta jen meļeļe kōn an Zaion an aikuj make jeļat jān kworan kōnwaan; 2 eoon?
10 Jeaikuj meļeļe bwe am̧ōttan ko rejjeplōklōk rej kōketak er n̄an bro̧o̧ltok n̄an Irooj jān ijo rekar wōtlo̧k ie; eo eļan̄n̄e rej kōm̧m̧ane, kallim̧ur eo an Irooj ej bwe E naaj ekkōnono n̄an er, ak leļo̧k n̄an er revelesōn. Lale eoon kein 6, 7, im 8. Kworak kein an kōnwaan rej kalia ko an Anij ioon lio, ak m̧ōttan ko an Israel ilo tam̧m̧we in ejjeplōklōk eo aer ilubwiljin ro riAelōn̄ ko.