Jekjōn 115
Revelesōn letok kōn Josep Smith Rikanaan eo, ilo Far West, Missouri, Eprōļ 26, 1838, ej kaalikkar ankilaan Anij kōn kalōkeļo̧k jikin eo im kōn m̧weo im̧ōn Irooj. Revelesōn in ej iookļo̧k ritōl ro im ro uwaan Kabun̄ in.
1–4, Irooj en ņa etan kabun̄ eo An Kabun̄ eo an Jisōs Kraist im Armej ro Rekwōjarjar ilo Raan ko Āliktata; 5–6, Zaion im stake ko an jikin ko n̄an jojomar im likōpejn̄ak n̄an Ro Rekwōjarjar; 7–16, Ro Rekwōjarjar kar jiron̄ er n̄an kalōk juon im̧ōn Irooj ilo Far West; 17–19, Josep Smith ej kabwijeri ki ko an aelōn̄ in Anij ioon laļ.
1 Em̧ool āindein Irooj ej ba n̄an eok, karejera aJosep Smith, Jun., im barāinwōt karejera bSidney Rigdon, im barāinwōt karejera cHyrum Smith, im rikōkapilōklōk ro ami ro rej im naaj jitōn̄e er tokālik;
2 Im barāinwōt n̄an eok, karejera aEdward Partridge, im rikōkapilōklōk ro an;
3 Im barāinwōt n̄an ro karejera retiljek rej jān ko̧o̧njeļ eo eutiej an kabun̄ eo Aō ilo Zaion, bwe āindein e naaj etan, im n̄an aolep elder ro im armej ro Aō jān Kabun̄ eo an Jisōs Kraist im Armej ro Rekwōjarjar ilo Raan ko Āliktata, rejjeplōklōk ijoko rettoļo̧k ilo aolepān laļ;
4 Bwe āindein naaj etan aKabun̄ eo Aō ilo raan ko āliktata, em̧ool bKabun̄ eo an Jisōs Kraist im Armej ro Rekwōjarjar ilo Raan ko Āliktata.
5 Em̧ool Ij ba n̄an kom̧ aolep: aKom̧in jerkak im erromaakļo̧k, bwe meram eo ami en juon bjon̄ok n̄an laļ ko;
6 Im bwe akuktok eo ippān doon ioon āneen bZaion, im ioon cstake ko an, en maron̄ n̄an juon jojomar, im n̄an juon dlikōpejn̄ak jān lan̄ eo, im jān libabne n̄e naaj elutōkleplepļo̧k ilo ejjeļo̧k kāre ioon aolepān laļ.
7 Jikin kwelo̧k eo, Far West, en juon jikin eo aekwōjarjar im kōjenolo̧ke n̄an Eō; im naaj etan ekwōjarjar tata, bwe ijo me kom̧ij jutak ioon ekwōjarjar.
8 Kōn menin, Ij jiron̄ kom̧ n̄an akalōk juon em̧ n̄an Eō, n̄an kuktok ippān doon eo an ro rekwōjarjar Aō, bwe ren maron̄ bkabun̄-jar n̄an Eō.
9 Im en wōr juon jinoin jerbal in, im juon pedped in, im juon jerbal in kōpooje, ilo rak in ej itok;
10 Im jinoin ej kōm̧m̧an ilo raan eo kein kāāmen ij Juļae in laļ; im jān iien en m̧aanļo̧k armej ro Aō ren jerbal ilo laļn̄ijn̄ij n̄an kalōk juon m̧weo n̄an Eta;
11 Im ilo ajuon iiō jān rainin ren bar jinoe katōt foundasōn eo an m̧weo bIm̧ō.
12 Āindein ren jān iien en m̧aanļo̧k jerbal ilo laļn̄ijn̄ij m̧ae an naaj dedeļo̧k, jān dekā in jabōn em̧ eo ie n̄an bōrwaj eo ie, m̧ae iien enaaj ejjeļo̧k jabdewōt men ej jan̄in dedeļo̧k.
13 Em̧ool Ij ba n̄an kom̧, jab kōtļo̧k bwe karejera Josep, im jab karejera Sidney, im jab karejera Hyrum, deļo̧n̄e ilo m̧uri ļo̧k wōt kōn ekkal eo an m̧weo n̄an Eta;
14 A kōtļo̧k bwe juon em̧ en ekkal n̄an Eta ekkar n̄an ajon̄ok eo me I naaj kwaļo̧k n̄an er.
15 Im eļan̄n̄e armej ro Aō reban kalōke ekkar n̄an jon̄ok eo me I naaj kwaļo̧k n̄an presidency eo aer, I ban bōke ilo peier.
16 A eļan̄n̄e armej ro Aō rej kalōke ekkar n̄an jon̄ok eo me I naaj kwaļo̧ke n̄an presidency eo aer, em̧ool karejera Josep im rikōkapilōklōk ro an, innām I naaj bōk e ilo pein armej ro Aō.
17 Im bar juon alen, em̧ool Ij ba n̄an kom̧, ej ankilaō bwe jikin kwelo̧k in Far West en ekkal m̧ōkaj jān kuktok eo an ro rekwōjarjar Aō;
18 Im barāinwōt bwe jikin ko jet ren jitōn̄i n̄an astake ko ilo ijoko ipeļaakin ijin, āinwōt naaj kwaļo̧ki n̄an karejera Josep, jān iien n̄an iien.
19 Bwe lo, I naaj pād ippān, im I naaj kokwōjarjar e im̧aan armej raņ; bwe n̄an e Iaar liļo̧k aki ko an aelōn̄ in kiin̄ in im jerbal in. Em̧ool āindein. Amen.