1 O eo̧ron̄, kom̧ elder ro an kabun̄ eo Aō, im letok lo̧jiln̄ōmi n̄an naan ko me Inaaj kōnono n̄an kom̧.

2 Bwe lo, em̧ool, em̧ool, Ij ba n̄an kom̧, bwe em̧ōj ami kar bōk juon ^akien bwe en juon kean̄ n̄an kabun̄ in Aō, kōn e eo Iaar jitōn̄ e n̄an kom̧ n̄an bōki ^bkien ko im revelesōn ko jān Peiū.

3 Im men in kom̧ naaj jeļā ilo kanooj dim—bwe ebar ejjeļo̧k juon jitōn̄e n̄an kom̧ n̄an bōki kien ko im revelesōn ko m̧ae iien n̄e naaj bōk e, eļan̄n̄e ej ^apād ilo N̄a.

4 Ak em̧ool, em̧ool, Ij ba n̄an kom̧, bwe ^aejjeļo̧k bar juon naaj jitōn̄e n̄an mennin letok in ijello̧kun n̄e ej kōn e; bwe eļan̄n̄e bōk e jān e enaaj ejjeļo̧k an kajoor ijello̧kun n̄an jitōn̄ bar juon ilo ijo ikijjien.

5 Im men in enaaj juon kean̄ n̄an kom̧, bwe kom̧in jab bōk katak ko an jabdewōt enaaj itok im̧aami āinwōt revelesōn ko ak kien ko;

6 Im men in Ij lewōj n̄an kom̧ bwe kom̧in maron̄ jab ^apo ilo m̧oņ, bwe kom̧in maron̄ jeļā er rej jab jān N̄a.

7 Bwe em̧ool Ij ba n̄an kom̧, bwe e eo ej ^aekkapit jān N̄a enaaj itok ilo ^baor eo im ekkapit āinwōt Iaar ba n̄an kom̧ m̧oktaļo̧k, n̄an katakin revelesōn kein ko kom̧ ar bōki im naaj bōki kōn e eo em̧ōj Aō kar jitōn̄e.

8 Im kiiō, lo, Ij lewōj n̄an kom̧ juon kien, bwe n̄e kom̧ij kobatok ippān doon kom̧ naaj ^akatakin im kotak doon, bwe kom̧in maron̄ jeļā wāween jerbal im kajeikik kabun̄ eo Aō, wāween jerbal ioon unleplep ko an kien ko Aō, ko em̧ōj Aō kar liwōji.

9 Im āindein kom̧ naaj erom ro em̧ōj katakin er ilo kien eo an kabun̄ eo Aō, im naaj ^akokwōjarjar kom̧ jān men eo kom̧ ar bōke, im kom̧ naaj lukwōj kom̧ make n̄an jerbal ilo aolep weeppān Im̧aō—

10 Bwe toun wōt ami kōm̧m̧ane men in, aiboojoj naaj ^akobaikļo̧k n̄an aelōn̄ in kiin̄ eo me kom̧ ar bōke. Toun wōt ami jab kōm̧m̧ane men in, naaj ^bbōkļo̧k e, em̧ool men eo me kom̧ ar bōk e.

11 Kwaļļo̧k jān kom̧ ^anana eo me ej ilubwiljimi; kokwōjarjar kom̧ Im̧aō;

12 Im eļan̄n̄e kom̧ij kōņaan aiboojoj ko an aelōn̄ eo, kom̧in kile rikarejera Josep Smith, Jun., im ^akotak wōt e Im̧aō jān jar in tōmak.

13 Im bar juon alen, Ij ba n̄an kom̧, bwe eļan̄n̄e kom̧ij kōņaan mennin ^aittino ko an aelōn̄ eo, kom̧in ņa kijen im ballin, im jabdewōt men eo ej aikuji n̄an kōtōprak jerbal eo me em̧ōj Aō kar jiron̄ e;

14 Im eļan̄n̄e kom̧ij jab kōm̧m̧ane e naaj pād n̄an wōt ro rekar bōk e, bwe In maron̄ dāpiji n̄an Eō make juon armej ^aerreo Im̧aō.

15 Bar juon alen Ij ba, eo̧ron̄ kom̧ elder ro an kabun̄ in Aō, ro em̧ōj Aō kar jitōn̄ er: Ej jab jilkinļo̧k kom̧ n̄an bōk katakin, ak n̄an ^akatakin ro nejin armej men ko me Iaar likūti ilo peimi jān kajoor in ^bJetōb eo Aō;

16 Im kom̧ij itōn ^abōk katakin jān ijo eutiej. ^bKokwōjarjar kom̧ make im kom̧ naaj ^cliboleplep kōn kajoor, bwe kom̧in maron̄ leļo̧k em̧ool āinwōt Iaar ba.

17 Kom̧in eo̧ron̄, bwe, lo, ^araan eo ^beļap an Irooj ej epaaktok.

18 Bwe raan eo ej itok n̄e Irooj enaaj ekkōnono ^aainikien jān lan̄; lan̄ ko renaaj ^bm̧akūtkūt im laļ enaaj ^cwūdiddid, im ^djilel eo an Anij enaaj jan̄ jim̧or aetok im eļļaaj, im naaj ba n̄an laļ ko rej kiki: Kom̧ ro rekwōjarjar kom̧in ^ejerkak im mour; kom̧ rijero̧wiwi ^fpād im ^gkiki m̧ae I naaj bar kūr.

19 Kōn menin kom̧in kan̄ōrn̄ōre ipūmi n̄e eab lo kom̧ ilubwiljin ro renana.

20 Kotak ainikiōmi im jab dāpiji. Kūr ioon laļ ko n̄an ukeļo̧k, jim̧or rūtto im dik, jim̧or rikōm̧akoko im rianemkwōj, im ba: Kom̧in kōpooj kom̧ make n̄an raan eo eļap an Irooj;

21 Bwe eļan̄n̄e n̄a, eo ej juon armej, ij kotakļo̧k ainikiō im kūr ioomi n̄an ukeļo̧k, im kom̧ij dike eō, ta kom̧ naaj ba n̄e raan eo ej itok n̄e ^ajourur ko naaj ekkōnono ainikier jān jem̧ļo̧k ko an laļ, im ekkōnono n̄an lo̧jiln̄in aolep ro remour, im ba—Ukeļo̧k, im m̧aanjāppopo n̄an raan eo eļap an Irooj?

22 Aaet, im bar juon alen, n̄e jarom ko renaaj kakijeekekļo̧k jān rear n̄an rilik, im naaj kōnono ainikier n̄an aolep ro rej mour, im kōm̧m̧an bwe lo̧jiln̄in aolep ro rej ron̄ ren kōjan̄jan̄, im ba naan kein—Kom̧in ukeļo̧k, bwe raan eo eļap an Irooj e moottok?

23 Im bar juon alen, Irooj enaaj ekkōnono ainikien jān lan̄, im ba: Eo̧ron̄, O kom̧laļ ko in laļ, im ron̄ naan ko an Anij eo eaar kōm̧anm̧an kom̧.

24 O, kom̧laļ ko in laļ, ewi ekkutkut in Aō kar aini kom̧ ippān doon āinwōt ^alo̧lo̧ eo ej aini jojo ko nejin ium̧win pā ko pein, ak kom̧ ar ^bjab kōņaan!

25 Ewi ekkutkut in Aō kar ^akūr kom̧ jān lo̧n̄iin ro ^brikarejera, im jān ^cjerbal an enjeļ raņ, im jān ainikiō make, im jān ainikien jourur ko, im jān ainikien jarom ko, im jān ainikien lan̄ eļap ko, im jān ainikien m̧akūtkūt ko an laļ, im wōt dekā ko reļļap, im jān ainikien ^dn̄ūta ko im nan̄inmej ko otemjej, im jān ainikien eļap in jilel, im jān ainikien ekajet, im jān ainikien ^etūriam̧okake aolepān raan eo, im jān ainikien aiboojoj im utiej im m̧weiie ko an mour indeeo, im naaj kar lo̧mo̧o̧ren kom̧ kōn juon ^flo̧mo̧o̧r ejjeļo̧k jem̧ļo̧kin, ak kom̧ ar jab kōņaan!

26 Lo, raan eo emoottok, n̄e kap in illu in Aō libabne elutōk mājidjid.

27 Lo, em̧ool Ij ba n̄an kom̧, bwe erkein rej naan ko an Irooj ami Anij.

28 Kōn menin, kom̧in jerbal, kom̧in ^ajerbal ilo jikin kallib grep eo Aō n̄an iien in āliktata—n̄an iien in āliktata kūr ioon ro rej pād ioon laļ.

29 Bwe ilo iien eo Aō make Inaaj ^aitok ioon laļ ilo ekajet, im armej ro Aō naaj pinmuuri er im renaaj irooj Ippa ioon laļ.

30 Bwe ^aMeļļenium eo eļap, eo kake Iaar ekkōnono jān lo̧n̄iin ro rikarejera, enaaj itok.

31 Bwe ^aSetan enaaj ^blokjak, im n̄e ej bar rōļo̧k e naaj irooj wōt ium̧win ^cjidik iien, innām ej itok ^djem̧ļo̧k in laļ.

32 Im e eo ej mour ilo ^ajim̧we enaaj ^boktak ilo būkkinkwōle ilo rom, im laļ enaaj jako āindein āinwōt jān kijeek.

33 Im ro renana renaaj etal ilo ^akijeek ejamin kun, im jem̧ļo̧kier ejjeļo̧k armej ejeļā ioon laļ, im rej jamin jeļā, m̧ae rej itok Im̧aō ilo ^bekajet.

34 Kom̧in eo̧ron̄ naan kein. Lo, N̄aij Jisōs Kraist, ^aRilo̧mo̧o̧r eo an laļ. ^bKo̧koņi men kein ilo būruōmi, im ^ckejakļo̧kjeņ ko rem̧wilaļ an indeeo ren ^dpād ilo ^eļōmņak ko ami.

35 En ^aalikkar ami ļōmņak. Kōjparok aolep kien ko Aō. Em̧ool āindein. Amen.