Jekjōn 11
Revelesōn letok kōn Josep Smith Rikanaan eo n̄an ļeo jatin Hyrum Smith, ilo Harmony, Pennsylvania, Māe 1829. Revelesōn in kar bōke kōn Urim im Tumim eo ilo uwaak n̄an owar im akweļap an Josep. Bwewenato an Josep Smith ej jakem̧aantak ļōmņak in ke kar bōk revelesōn in ālikin jepļaaktok eo an Priesthood eo an Aron.
1–6, Rijerbal ro ilo jikin kallib grep eo renaaj bōk lo̧mo̧o̧r; 7–14, Kappukot mālōtlōt, lam̧ōj ukeļo̧k, lōke Jetōb eo; 15–22, Kōjparok kien ko, im ekkatak naan eo an Irooj; 23–27, Jab kaarmejjete jitōbōn revelesōn im jitōbōn kanaan; 28–30, Ro rej bōk Kraist rej erom m̧aan ro nejin Anij.
1 aJuon jerbal eļap im kabwilōn̄lōn̄ enan̄in waļo̧ktok ilubwiljin ro nejin armej raņ.
2 Lo, N̄aij Anij; aeo̧ron̄ bnaan eo Aō, eo em̧ōkaj im kanooj ckajoor, dekkan̄ļo̧k jān jāje eo ruo mejān, n̄an ajej ijeņ im ijeņ jim̧or mo̧kwōj ko im ņoņņoņmeej; kōn menin eo̧ron̄ naan eo Aō.
3 Lo, meļaaj eo aemouj epojak n̄an m̧adm̧ōd; kōn menin, jabdewōt eo ekōņaan m̧adm̧ōd e en bun̄raake sickle eo an kōn an maron̄, im m̧adm̧ōd ke ej raan wōt, bwe en maron̄ bko̧koņi n̄an an cmour indeeo ilo aelōn̄ in Anij.
4 Aaet, jabdewōt eo enaaj bun̄raake asickle eo an im m̧adm̧ōd, ejja in wōt Anij ej kūr e.
5 Kōn menin, eļan̄n̄e kwo naaj akajjitōk jān Eō kwo naaj bōk; eļan̄n̄e kwo naaj kaļļaļļaļ enaaj peļļo̧k n̄an eok.
6 Kiiō, āinwōt am kar kajjitōk, lo, Ij ba n̄an eok, kōjparok kien ko Aō, im kappukot n̄an kōjerkak im kajutak jibadbad eo an aZaion.
7 Jab pukot am̧weiie ak pukot bmālōtlōt; im, lo, mennin ittino ko an Anij naaj erļo̧ki n̄an eok, innām naaj kōm̧m̧an bwe kwōn m̧weiie. Lo, eo ewōr an mour indeeo em̧weiie.
8 Em̧ool, em̧ool, Ij ba n̄an eok, em̧ool āinwōt kwaar kōņaan jān Eō āindein enaaj kōm̧m̧an n̄an eok; im, eļan̄n̄e kwo kōņaan, kwo naaj wāween ko n̄an kōm̧m̧an eļap em̧m̧an ilo epepen in.
9 aBa ejjeļo̧k ak bukeļo̧k n̄an epepen in. Kōjparok kien ko Aō, im jipan̄ n̄an kōjerkak jerbal eo Aō, cekkar n̄an kien ko Aō, im kwo naaj jeraam̧m̧an.
10 Lo, ewōr juon am mennin aletok, ak kwo naaj bōk juon am mennin letok eļan̄n̄e kwo naaj kōņaan jān N̄a ilo tōmak, kōn juon bbōro em̧ool, tōmak ilo kajoor eo an Jisōs Kraist, ak ilo kajoor eo Aō eo ej ekkōnono n̄an eok;
11 Bwe, lo, ej N̄a eo ej ekkōnono; lo, N̄aij ameram eo ej romaak ilo marok, im jān bkajoor eo Aō Ij liwōj naan kein n̄an eok.
12 Im kiiō, em̧ool, em̧ool, Ij ba n̄an eok, likūt am alōke ilo bJetōb eo ej tōlļo̧k n̄an kōm̧m̧an em̧m̧an—aaet, n̄an kōm̧m̧an jim̧we, n̄an cetetal dettā, n̄an eekajet jim̧we; im en̄in ej Aō Jetōb.
13 Em̧ool, em̧ool, Ij ba n̄an eok, Inaaj ajejewaj n̄an eok Jetōb eo Aō, eo enaaj akōmeram am bļōmņak, eo enaaj koobrak am kōn cm̧ōņōņō;
14 Innām kwo naaj jeļā, ak jān men in kwo naaj jeļā, aolep men ko otemjeļo̧k kwōj kōņaan jān Eō, ko rej uwaanļo̧k wōt men ko arejim̧we, ilo tōmak lōke ilo N̄a bwe kwo naaj bōk.
15 Lo, Ij jiron̄ eok bwe kwo aikuj jab ļōmņak bwe kar kūr eok n̄an kwaļo̧k naan m̧ae iien eo akūri eok.
16 Kōttar aetokļo̧k jidik, m̧ae kwo naaj bōk naan eo Aō, Aō aejm̧aan, Aō kabun̄, im Aō gospel, bwe kwōn maron̄ jeļā kōn m̧ool in katak eo Aō.
17 Innām, lo, ekkar n̄an ikdeelel ko am, aaet, em̧ool ekkar n̄an tōmak eo am e naaj kōm̧m̧an n̄an eok.
18 Kōjparok kien ko Aō; kwōn ikōn̄ wōt; owar n̄an Jetōb eo Aō;
19 Aaet, aeddāp n̄an Eō kōn aolepān būruōm̧, bwe kwōn maron̄ jipan̄ ilo bōktok n̄an meram men ko me kar kōnono kaki—aaet, ukok eo an jerbal eo Aō; kwōn kōmmaanwa m̧ae am naaj kōtōprake.
20 Lo, en̄in ej jerbal eo am, n̄an akōjparok kien ko Aō, aaet, kōn aolep am maron̄, ļōmņak im kajoor.
21 Kappukot jaab n̄an kwaļo̧k naan eo Aō, ak m̧okta kappukot n̄an abōk naan eo Aō, innām naaj kōtļo̧k loōm̧; innām, eļan̄n̄e kwo kōņaan, kwo naaj bōk Jetōb eo Aō im naan eo Aō, aaet, kajoor eo an Anij n̄an karreel būruōn armej raņ.
22 Ak kiiō kwōn ikōn̄; ekkatak anaan eo Aō eo em̧ōj an ilo̧k ilubwiljin ro nejin armej raņ, im barāinwōt bekkatak cnaan eo Aō eo enaaj itok ilubwiljin ro nejin armej raņ, ak men eo ej kiiō ukok, aaet, m̧ae em̧ōj am bōki aolep men ko me Inaaj dliļo̧k n̄an ro nejin armej raņ ilo epepen in, innām men otemjeļo̧k naaj kobaik ippāntok.
23 Lo kwe kwōj aHyrum, nejū m̧aan; bpukot aelōn̄ in Anij, im aolep men kein naaj kobaiki ekkar n̄an men eo ejim̧we.
24 aEkkal ioon Aō ejm̧aan, eo ej bgospel eo Aō;
25 Jab kaarmejjete jitōbōn arevelesōn, ak jitōbōn bkanaan, bwe wo n̄an eo ej kaarmejjete men kein;
26 Kōn menin, ako̧koņi men kein ilo būruōm̧ m̧ae iien eo ej ilo Aō mālōtlōt bwe kwōn naaj wōnm̧aanļo̧k.
27 Lo, Ij ekkōnono n̄an aolep ro ewōr aer kōņaan ko rem̧m̧an, im rekar abun̄raake sickle ko aer n̄an m̧adm̧ōd.
28 Lo, N̄a aJisōs Kraist, eo Nejin Anij. N̄aij mour eo im bmeram eo an laļ.
29 N̄a ejja eo wōt Eaar itok n̄an armej ro Aō, im armej ro an raar jab bōk Eō;
30 A em̧ool, em̧ool, Ij ba n̄an eok, bwe jon̄an wōt ro rej bōk Eō, n̄an er Inaaj leļo̧k akajoor n̄an erom bm̧aan ro nejin Anij, em̧ool n̄an er ro rej tōmak ilo Eta. Amen.