Jekjōn 110
Visōn ko kar kwaļo̧ki n̄an Josep Smith Rikanaan eo im Oliver Cowdery ilo tampeļ eo ilo Kirtland, Ohio, Eprōļ 3, 1836. Tōre in ekar iien kwelo̧k ilo raan in Jabōt. Bwebwenato an Josep Smith ej kwaļo̧k: “Ilo ālikin raelep, iaar jipan̄ President ro jet ilo ajeje Kejota eo an Irooj n̄an Kabun̄ in, im bōke jān Jon̄oulruo ro, ro ekar aer utiej n̄an kajeikik ilo tebōļ ekwōjarjar eo rainin. Ālikin kar kōm̧m̧ane jerbal in n̄an ro jeiū im jatū, iaar ro̧o̧lļo̧k n̄an jikin kwaļo̧k naan eo, rōn̄el nuknuk ko rekar wōtlo̧k, im iaar bun̄badik, ippān Oliver Cowdery, ilo jar em̧ool im eikōn̄. Ālikin jutak jān jar, visōn in ijin ilaļ eaar peļļo̧k n̄an kōmro jim̧or.”
1–10, Irooj Jeova ej waļo̧k ilo aiboojoj im ej bōke Kirtland Tampeļ m̧weo Im̧ōn; 11–12, Moses im Ilaija kajjojo rej waļo̧k im wūjlepļo̧k ki ko aer im tōrean bōk eddo ko aer; 13–16, Ilaija ej ro̧o̧ltok im wūjlepļo̧k ki ko an tōrean bōk eddo eo an āinwōt kar kallim̧ur jān Malakai.
1 aRōnel nuknuk eo kar bōk jān mājām, im bmejān koļmānļo̧kijeņ ko am rekar peļļo̧k.
2 Kōmro ar lo Irooj ej jutak ioon tulōn̄ in jikin kwaļo̧k naan eo, im̧aanimro; im ium̧win ne ko neen jerbal in kōm̧anm̧an in lukkuun gold, ilo mōran āinwōt kōmālle.
3 aMejān rekar āinwōt urur in kijeek; kooļan bōran ekar mour āinwōt sno erreo; bturin mejān eaar romaak ilōn̄inļo̧k meram eo an al; im cainikien eaar āinwōt ainikien ibeb in dān ko reļļap, em̧ool ainikien eo an dJeova, ej ba:
4 N̄aij eo am̧oktata im eo āliktata; N̄aij E eo ej bmour, N̄aij E eo kar m̧ane; N̄aij ami crijojomar ippān Jemān.
5 Lo, jero̧wiwi ko amiro em̧ōj ajeoriļo̧k jān kom̧ro; kom̧ro erreo Im̧aō; kōn menin, kotak bōramiro im m̧ōņōņō.
6 Būruōn ro jeiūm̧iro im jātimiro ren m̧ōņōņō, im būruōn aolep armej ro Aō ren m̧ōņōņō, ro rekar, kōn maron̄ eo aer, akalōke m̧wiin n̄an Eta.
7 Bwe lo, Iaar abōke bm̧wiin, im Eta enaaj pād ijin; im Inaaj kwaļo̧k Eō make n̄an armej ro Aō ilo tūriam̧o ilo m̧wiin.
8 Aaet, Inaaj awaļo̧ktok n̄an ro karejera, im ekkōnono n̄an er kōn Ainikiō make, eļan̄n̄e armej ro Aō renaaj kōjparok kien ko Aō, im jab bkattoone cm̧wiin ekwōjarjar.
9 Aaet būruōn to̧ujin ko im jon̄oul in to̧ujin ko renaaj kanooj m̧ōņōņō āinwōt waļo̧k in akōjeraam̧m̧an ko me naaj lutōkleplepļo̧k, im bmennin letok ekwōjarjar eo im kake kar kōjeraam̧m̧an ro karejera ilo m̧wiin.
10 Im bun̄bun̄ eo an m̧wiin enaaj erakrakļo̧k n̄an āne ko rettoļo̧k; im en̄in ej jinoin kōjeraam̧m̧an eo me enaaj alutōkleplepļo̧k ioon bōran armej ro Aō. Em̧ool āindein. Amen.
11 Ālikin an kar kilōk avisōn in, lan̄ ko rekar bar peļļo̧k n̄an kōmro; im bMoses eaar waļo̧ktok im̧aamro, im wūjlepitok n̄an kōmro cki ko an daintok Israel jān m̧ōttan ko emān in laļ, im tōltok in bwij ko jon̄oul jān āne ko eituiōn̄.
12 Ālikin men in, aElias eaar waļo̧k, im wūjleptok btōrean bōk eddo in cgospel eo an Ebream, im ba bwe ilo kōmro im ineemro aolep epepen ālikimro renaaj jeraam̧m̧an.
13 Ālikin visōn eaar kilōk, bar juon visōn eļap im aiboojoj eaar erļo̧k im̧aamro; bwe aIlaija rikanaan eo, eo kar bbōklōn̄ļo̧k n̄an lan̄ ilo ejjeļo̧k nemake mej, eaar jutak im̧aamro, im ba:
14 Lo, iien eo em̧ōj an kanooj itok, eo kar kōnono kake jān lo̧n̄iin Malakai—im kam̧ool bwe e [Ilaija] naaj kar jilkintok, m̧okta jān an itok raan eo eļap im kaammijak an Irooj—
15 N̄an aukōtļo̧k būruōn ro jemāer n̄an ro nejier, im ro nejier n̄an ro jemāer, n̄e aolepān laļ ab jorrāān kōn juon lia—
16 Kōn menin, ki ko an tōrean bōk eddo jab in rej wūjlepiwaj ilo peimiro; im jān men in kōm̧ro maron̄ jeļā bwe araan eo eļap im kaammijak an Irooj ej epaak, em̧ool epād im̧aan kōjām ko.