Jeje Ko Rekwojarjar
Katak im Bujen Ko 64


Jekjōn 64

Revelesōn letok kōn Josep Smith Rikanaan eo n̄an elder ro an Kabun̄ in, ilo Kirtland, Ohio, Jeptōm̧ba 11, 1831. Rikanaan eo eaar kōppojak in em̧m̧akūt n̄an Hiram, Ohio, n̄an kōkāāl jerbal in ukok in Baibōļ eo an, eo me eaar door e ke ej pād ilo Missouri. Juon jarin em̧m̧aan ro uwaan kabun̄ in em̧ōj kar jiron̄ er n̄an ilo̧k n̄an Zaion (Missouri) rekar kanooj m̧akūtkūt ilo kōm̧m̧ani m̧aanjāppopo ko n̄an etal ilo Oktoba eo. Ilo iien in epoub, kar bōke revelesōn in.

1–11, Ro Rekwōjarjar kar jiron̄ er n̄an jeorļo̧k an doon bōd, n̄e eab pād ilo er jero̧wiwi eo eļapļo̧k; 12–22, Ro rem̧akoko in ukeļo̧k aikuj bōktok er im̧aan Kabun̄ in; 23–25, Eo ej kōļļā m̧ōttan jon̄oul eban bwil ilo itok eo an Irooj; 26–32, Ro Rekwōjarjar kar kakkōl er kōn m̧uri; 33–36, Rijum̧ae ro naaj bukweļo̧k er jān Zaion; 37–40, Kabun̄ eo enaaj ekajet laļ ko; 41–43, Zaion enaaj uwa.

1 Lo, āindein Irooj ami Anij ej ba n̄an kom̧, O kom̧ elder ro an kabun̄ eo Aō, kom̧in eo̧ron̄ im ron̄jake, im bōk Ankilaō kōn kom̧.

2 Bwe em̧ool Ij ba n̄an kom̧, I kōņaan bwe kom̧in aanjo̧ jān laļ; kōn menin I naaj btūriam̧okake kom̧.

3 Ewōr ro ilubwiljimi rekar jero̧wiwi; ak em̧ool Ij ba, kōn alen in wōt, kōn aaiboojoj eo Aō make, im kōn lo̧mo̧o̧ren an armej raņ, Iaar bjeorļo̧k jān kom̧ jero̧wiwi ko ami.

4 Inaaj tūriam̧o kōn kom̧, bwe Iaar lewōj n̄an kom̧ aelōn̄ in kiin̄ eo.

5 Im aki ko an mennin ittino ko an aelōn̄ eo naaj jamin bōk jān rikarejera Josep Smith, Jun., kōn wāween ko Iaar karōki, ke ej mour, toun wōt an pokaki bkain̄i ko Aō.

6 Ewōr ro raar kappukot bōd ņae e ilo ejjeļo̧k unin;

7 Mekarta, eaar jero̧wiwi; ak em̧ool Ij ba n̄an kom̧, N̄a, Irooj, Ij ajeorļo̧k jero̧wiwi ko an ro rej bkwaļo̧k jero̧wiwi ko aer Im̧aō im kajjitōk jeorļo̧k bōd, ro me rekar jab jero̧wiwi n̄an cmej.

8 Ro rikaļoora, ilo raan ko etto, rekar kappukot abōd ņae doon im jab jeorļo̧k an doon bōd ilo burueer; im kōn nana in rekar metak im kanooj bōk bkauwe.

9 Kōn menin, Ij ba n̄an kom̧, bwe kom̧ij aikuj ajeorļo̧k an doon bōd; bwe eo ej jab bjeorļo̧k an eo jein im jatin bōd bōd ko an rej liaakeļo̧k im̧aan Irooj; bwe epād ippān jero̧wiwi eo eļapļo̧k.

10 N̄a, Irooj, Inaaj ajeorļo̧k bōd an ro Inaaj jeorļo̧k aer bōd, ak jān kom̧ emennin aikuj bwe kom̧in bjeorļo̧k an aolep armej bōd.

11 Im kom̧ij aikuj in ba ilo būruōmi—Anij en aekajet ikōtaan n̄a im kwe, im ņa woņeam̧ ekkar n̄an bkōm̧m̧an ko am.

12 Im eo ej jab ukeļo̧k jān jero̧wiwi ko an, im jab kwaļo̧k bōro kaki, kom̧ naaj bōktok im̧aan akabun̄ in, im kōm̧m̧an n̄an e āinwōt jeje ko rekwōjarjar rej ba n̄an kom̧, men̄e ak jaab jān kien ak jān revelesōn.

13 Im men in kom̧ naaj kōm̧m̧ane bwe Anij en aiboojoj—jaab kōnke kom̧ij jab jeorļo̧k bōd, bwe ejjeļo̧k ami tūriam̧o, ak kōnke kom̧in maron̄ jim̧we ilo mejān kien eo, bwe kom̧in jab ļōkatipi E eo ej ami riletok kakien—

14 Em̧ool Ij ba, kōn un in kom̧ naaj kōm̧m̧ani men kein.

15 Lo, N̄a, Irooj, Iaar illu ippān e eo ekar rikarejera Ezra Booth, im barāinwōt ippān rikarejera Aisak Morley, bwe rekar jab kōjparok kien eo, barāinwōt naan in jiron̄ eo;

16 Rekar pukot nana ilo burueer, im N̄a, Irooj, Iaar dāpij Jetōb eo Aō. Rekar aliaakeļo̧k n̄an nana men eo me ekar ejjeļo̧k nana ie; mekarta Iaar jeorļo̧k an rikarejera Aisak Morley bōd.

17 Im barāinwōt rikarejera aEdward Partridge, lo, eaar jero̧wiwi, im bSetan ej kappukot n̄an ko̧kkure jetōb eo an; ak n̄e kwaļo̧ki men kein n̄an er, im rej ukeļo̧k jān nana in, naaj jeorļo̧k aer bōd.

18 Im kiiō, em̧ool Ij ba bwe emennin aikuj ilo N̄a bwe rikarejera Sidney Gilbert, ālikin jet wiik ko, en ro̧o̧l n̄an jerbal eo an, im n̄an ijo kuņaan ilo āneen Zaion;

19 Im men eo me eaar lo im ron̄ maron̄ in kwaļo̧ke n̄an ro rikaļoora, bwe ren jab jako. Im kōn menin Iaar kōnono men kein.

20 Im bar juon alen, Ij ba n̄an kom̧, bwe rikarejera Aisak Morley ej jab maron̄ bōk akapo ilōn̄inļo̧k men eo me emaron̄ ineeke, im kapilōk ilo bōd n̄an metak ko ami, Iaar leļo̧k naan in jiron̄ bwe jikin kallib eo an en wia kake.

21 Ij jab kōņaan bwe rikarejera Frederick G. Williams en wia kake jikin kallib eo an, bwe N̄a, Irooj, Ikōņaan dāpij juon jikin koone ilo āneen Kirtland, n̄an tōrean in ļalem iiō ko, ilo tōrean in Ij jamin joļo̧k ro rinana, bwe jān jekjek in Imaron̄ lo̧mo̧o̧ren jet.

22 Im ālikin raan en, N̄a, Irooj, Ij jamin dāpij jabdewōt arebōd im renaaj etal kōn juon bōro epeļļo̧k lōn̄ļo̧k n̄an āneen Zaion; bwe N̄a, Irooj, Ij aikuji bbōro ko būruōn ro nejin armej.

23 Lo, kiiō ej etan in arainin m̧ae bitok eo an eo Nejin Armej, im em̧ool ej juon raan in ckatok, im juon raan in juon m̧ōttan jon̄oul n̄an armej ro Aō; bwe eo ej dkōļļā m̧ōttan jon̄oul ej jamin ebwil ilo itok eo An.

24 Bwe ālikin rainin ej itok akattil eo—en̄in ej jekjek in ekkōnono eo an Irooj—bwe em̧ool Ij ba, ilju aolep brijuwa im ro rej kōm̧m̧an nana renaaj āinwōt ujooj em̧ōrā; im Inaaj tile er, bwe N̄aij Irooj in Inelep eo; im Ij jamin dāpij jabdewōt rej pād wōt ilo cBabilon.

25 Kōn menin, eļan̄n̄e kom̧ij lōke Eō, kom̧ naaj jerbal ke ej ņa etan rainin.

26 Im ej jab ekkar bwe ro rikarejera, aNewel K. Whitney im Sidney Gilbert, ren wia kake bim̧ōn wia eo aerro im men ko m̧weiierro ijin; bwe en̄in ej jab mālōtlōt m̧ae bwe in kabun̄ in, eo ej pād ilo jikin in, enaaj wanlōn̄ļo̧k n̄an āneen Zaion.

27 Lo, ej ba ilo kien ko Aō, ak kōmo̧iki, n̄an deļo̧n̄ ilo am̧uri n̄an rikōjdat ro ami;

28 Ak lo, ej jab ba ilo jabdewōt iien bwe Irooj en jab bōk n̄e E kōņaan, im kōļļā āinwōt an em̧m̧an n̄an E.

29 Kōn menin, kōnke kom̧ij ro riainikien, kom̧ij etal ilo ijjilōk an Irooj; im jabdewōt kom̧ij kōm̧m̧ane ekkar n̄an ankilaan Irooj ej jerbal eo an Irooj.

30 Im Eaar likūt kom̧ n̄an kakke an ro rekwōjarjar An ilo raan kein āliktata, bwe ren maron̄ bōk juon ajolōt ilo āneen Zaion.

31 Im lo, N̄a, Irooj, Ij kwaļo̧k n̄an kom̧, im anaan ko Aō rem̧ool im rej jamin bwōtlo̧k, bwe ren maron̄ bōk e.

32 Ak men otemjeļo̧k reaikuj kūrm̧ool ilo iien eo aer.

33 Kōn menin, jab amōk ilo kōm̧m̧an em̧m̧an, bwe kom̧ij likūt pedped in juon jerbal eļap. Im jān men ko breddik ej jebarļo̧k men eo eļap.

34 Lo, Irooj ej aaikuj bbōro eo im ļōmņak eo em̧ōņōņō; im ro rem̧ōņōņō im cpokake renaaj m̧ōn̄ā men ko rem̧m̧an jān āneen Zaion ilo raan kein āliktata.

35 Im ro arijum̧ae naaj bbukweļo̧k er jān āneen Zaion, im naaj jilkinļo̧k er, im reban jolōte āneo.

36 Bwe, em̧ool Ij ba bwe ro rijum̧ae rej jab jān bōtōktōkin aIpreim, kōn menin naaj ļot ļo̧k er.

37 Lo, N̄a, Irooj, Iaar kōm̧m̧ane kabun̄ in Aō ilo raan kein āliktata āinwōt juon riekajet ej jijet ioon juon bat, ak ilo juon jikin eutiej, n̄an ekajete laļ ko.

38 Bwe enaaj waļo̧k bwe ro rej jokwe ilo Zaion naaj aekajet aolep men otemjeļo̧k rej ekkejelļo̧k n̄an Zaion.

39 Im ririab ro im rietao ro renaaj alikkar jān er, im ro rej jab arijjilōk im rikanaan renaaj alikkar.

40 Im em̧ool abisop eo, eo ej juon briekajet, im rikōkapilōklōk ro an, eļan̄n̄e rej jab tiljek ilo ceddo ko aer naaj liaakeļo̧k er, im dro jet naaj katōt er ilo ijo jikier.

41 Bwe, lo, Ij ba n̄an kom̧ bwe aZaion enaaj uwa, im baiboojoj eo an Irooj enaaj pād ioon;

42 Im liin enaaj juon akakōļļe n̄an armej raņ, im enaaj wōr rej itok n̄an liin jān aolep laļ otemjeļo̧k ium̧win lan̄.

43 Im enaaj itok raan eo n̄e laļ ko in laļ in renaaj awūdiddid kōnke liin, im naaj mijak kōnke ro remijak an. Irooj eaar kōnono men in. Amen.