Jekjōn 103
Revelesōn letok kōn Josep Smith Rikanaan eo, ilo Kirtland, Ohio, Pāpode 24, 1834. Revelesōn in kar bōke ālikin kar ļāwōdeļo̧k Kirtland, Ohio, kōn Parley P. Pratt im Lyman Wight, ro rekar itok jān Missouri n̄an bōk kapilōk ippān Rikanaan eo kōn kameraļo̧k im kōjepļaaktok an Ro Rekwōjarjar n̄an bwidej ko aer ilo Jackson Kounty.
1–4, Etke Irooj eaar kōtļo̧k bwe armej ren matōrtōre Ro Rekwōjarjar ilo Jackson Kounty; 5–10, Ro Rekwōjarjar renaaj anjo̧ eļan̄n̄e rej kōjparok kien ko; 11–20, Lo̧mo̧o̧ren eo an Zaion enaaj itok jān kajoor, im Irooj enaaj ilo̧k im̧aan armej ro An; 21–28, Ro Rekwōjarjar rej itōn aintok doon ilo Zaion, im ro rej likūt mour ko aer renaaj bar bōki; 29–40, Elōn̄ em̧m̧aan ro kar kūr er n̄an karōke Kamp eo an Zaion im etal n̄an Zaion; anjo̧ ej kallim̧ur n̄an er eļan̄n̄e rej tiljek.
1 Em̧ool Ij ba n̄an kom̧, ro jera, lo, Inaaj lewōj n̄an kom̧ juon revelesōn im kien, bwe kom̧in maron̄ jeļā ekōjkan ami am̧akūtkūt ilo kōm̧m̧ani ijoko kuņaami kōn mour im blo̧mo̧o̧ren eo an ro jeiūm̧i im jātimi, ro em̧ōj kar kajjeplōklōke er ioon āneen Zaion;
2 Ro kar akokak im den̄ļo̧ke er jān pein rikōjdat ro Aō, ro ioer Inaaj lutōkleplepļo̧k libabne eo Aō ilo ejjeļo̧k jon̄an ilo iien eo Aō make.
3 Bwe Iaar kōtļo̧k er n̄an tōre in, bwe ren maron̄ akoobrak n̄an aolepān jon̄an nana ko aer, bwe kup eo aer en maron̄ obrak;
4 Im bwe ro rej kūr etaer n̄an etņake Eta ren maron̄ bōk akauwe ium̧win jidik tōrean kōn juon kauwe ekōmetak im eddo, kōnke rekar jab lukkuun beo̧ron̄i aolep kain̄i im kien ko me Iaar liļo̧k n̄an er.
5 A em̧ool Ij ba n̄an kom̧, bwe Iaar kean̄ juon kean̄ eo me armej ro Aō renaaj kile, toun wōt aer eo̧ron̄ jān wōt lukkuun awa in m̧aanļo̧k naan in akapilōk eo me N̄a, Irooj aer Anij, I naaj leļo̧k n̄an er.
6 Lo renaaj, bwe Iaar kean̄ kake, jino anjo̧ ņae rikōjdat ro Aō jān wōt lukkuun awa in.
7 Im jān aeo̧ron̄e n̄an kōjparok aolep naan ko me N̄a, Irooj aer Anij, naaj kōnono n̄an er, rejamin naaj bōjrak n̄an anjo̧ m̧ae iien baelōn̄ in kiin̄ ko an laļ rej likūti ium̧win Neō, im laļ cleļo̧k e n̄an ro drekwōjarjar, n̄an ebōk e indeeo im indeeo.
8 A toun wōt aer jab akōjparok kien ko Aō, im jab eo̧ron̄e n̄an kōjparok aolep naan ko Aō, aelōn̄ in kiin̄ ko an laļ renaaj anjo̧ ņae er.
9 Bwe kar likūt er bwe ren ameram n̄an laļ, im n̄an rilo̧mo̧o̧r ro an armej raņ;
10 Im toun wōt aer jab rilo̧mo̧o̧r ro an armej raņ, rej āinwōt ajo̧o̧ļ eo ejako kōjatōk eo an, im jān iien eo m̧aanļo̧k ejjeļo̧k tokjān ak n̄an joļo̧ke wōt im jujuri ium̧win neen armej raņ.
11 A em̧ool Ij ba n̄an kom̧, Iaar kean̄ bwe ro jeiūm̧i im jātimi me rekar kajjeplōklōke er renaaj ro̧o̧lļo̧k n̄an abwidej ko rej aer jolōt, im naaj kalōkļo̧k jikin ko relo̧urō in Zaion.
12 Bwe ālikin aeļap en̄taan, āinwōt Iaar ba n̄an kom̧ ilo juon kien m̧oktaļo̧k, ej itok kōjeraam̧m̧an eo.
13 Lo, en̄in ej kōjeraam̧m̧an eo me Iaar kallim̧uri ālikin en̄taan ko ami, im en̄taan ko an ro jeiūm̧i im jātimi—lo̧mo̧o̧ren eo ami, im lo̧mo̧o̧ren eo an ro jeiūm̧i im jātimi, em̧ool jepļaakļo̧k eo aer n̄an āneen Zaion, n̄an jutak, im ejjeļo̧k bar jolaļļo̧k.
14 Mekarta, eļan̄n̄e rej kattoone jolōt ko aer naaj jolaļļo̧k er; bwe Ij jamin naaj kōjo̧o̧r er eļan̄n̄e rej kattoone jolōt ko aer.
15 Lo, Ij ba n̄an kom̧, lo̧mo̧o̧ren eo an Zaion eaikuj in itok jān kajoor;
16 Kōn menin, Inaaj kajutak lōn̄tak n̄an armej ro Aō juon em̧m̧aan, eo enaaj tōl er āinwōt aMoses eaar tōl ro nejin Israel.
17 Bwe kom̧ij ro nejin Israel, im jān aineen Ebream, im aikuj in tōl ļo̧k kom̧ jān ineen kōm̧akoko jān kajoor, im kōn juon pā eo erļo̧ke.
18 Im āinwōt ro jemāmi kar tōl er m̧okta, em̧ool āindein naaj lo̧mo̧o̧ren an Zaion āinwōt.
19 Kōn menin, en jab m̧ōjņo̧ būruōmi, bwe Ij jab ba n̄an kom̧ āinwōt Iaar ba n̄an ro jemāmi: Aō aenjeļ enaaj wanlōn̄ļo̧k im̧aami, a jab bbaaktok eo Aō.
20 A Ij ba n̄an kom̧: aEnjeļ ro Aō renaaj wanlōn̄ļo̧k im̧aami, im barāinwōt baaktok eo Aō, im ilo iien ekkar kom̧ naaj bbōk āne em̧m̧anmōn eo.
21 Em̧ool, em̧ool Ij ba n̄an kom̧, bwe karejera Josep Smith, Jun., ej aarmej eo im Ij keidi n̄an rikarejar eo im Irooj eo an bjikin kallib eo eaar kōnono kake ilo būrabōļ eo me Iaar lewōj n̄an kom̧.
22 Kōn menin rikarejera Josep Smith, Jun., en ba n̄an akajoor eo an m̧weo Im̧ō, likao ro im em̧m̧aan em̧m̧an ded ro—Kom̧in ainitok kom̧ ippān doon n̄an āneen Zaion, ioon bwidej eo me Iaar wiaiki kōn m̧ani ko em̧ōj kar ajitok n̄an Eō.
23 Im aolep jarlepju in rijar ko ren jilkinlōn̄tak em̧m̧aan ro remālōtlōt ippān m̧ani ko aer, im awiaiki bwidej ko em̧ool āinwōt Iaar jiron̄ er.
24 Im toun wōt an rikōjdat ro Aō itok ņae kom̧ n̄an kokakļo̧k kom̧ jān abwidej em̧m̧anmōn in, eo Iaar kōjenolo̧k bwe en āneen Zaion, em̧ool jān bwidej ko ami make ālikin naan in kam̧ool kein, ko me kom̧ ar bōkitok Im̧aō ņae er, kom̧ naaj kaliaik er;
25 Im jabdewōt eo kom̧ij kaliaiki, Inaaj kaliaiki, im kom̧ naaj idenoņeik Eō ņae rikōjdat ro Aō.
26 Im baaktok eo Aō enaaj pād ippemi em̧ool ilo aidenoņeik Eō ņae rikōjdat ro Aō, n̄an epepen eo kein kajilu im kein kāāmen ian er ro rej dike Eō.
27 En ejjeļo̧k armej ej mijak n̄an likūt mour eo an kōn Eō; bwe jabdewōt eo ej alikūt mour eo an kōn Eō enaaj bar lo e.
28 Im eo ej jab m̧ōņōņō in likūt mour eo an kōn Eō e ej jab rikaļoora.
29 En̄in ej ankilaō bwe karejera aSidney Rigdon enaaj kotak ainikien ilo jarlepju in rijar ko ilo bukwōn ko irear, ilo kōpooji jarlepju in rijar ko n̄an kōjparok kien ko me Iaar liļo̧k n̄an er ekkar n̄an jepļaaktok im lo̧mo̧o̧ren eo an Zaion.
30 En̄in ej ankilaō bwe karejera aParley P. Pratt im karejera Lyman Wight ren jab ro̧o̧lļo̧k n̄an āneo āneen ro jeir im jatier, m̧ae aer kar bōk jar ko n̄an wanlōn̄ļo̧k n̄an āneen Zaion, kōn jon̄oul ko, ak kōn ron̄oul ko, ak kōn lemn̄oul ko, ak kōn bukwi, m̧ae iien em̧ōj aer kar bōk oran in limabukwi in bkajoor eo an m̧weo Im̧ō.
31 Lo en̄in ej ankilaō; kajjitōk im kom̧ naaj bōk; ak armej raņ rej ajab iien otemjej kōm̧m̧an ankilaō.
32 Kōn menin, eļan̄n̄e kom̧ij jab maron̄ bōk limabukwi, kanooj kappukot bwe bōlen kom̧ maron̄ bōk jilubukwi.
33 Im eļan̄n̄e kom̧ ij jab maron̄ bōk jilubukwi, kanooj kappukot bwe bōlen kom̧ maron̄ bōk jibukwi.
34 A em̧ool Ij ba n̄an kom̧, juon kien Ij lewōj n̄an kom̧, bwe kom̧in jab naaj wanlōn̄ļo̧k n̄an āneen Zaion m̧ae ami kar bōk jibukwi in kajoor eo an m̧weo Im̧ō, n̄an wanlōn̄ļo̧k ippemi n̄an āneen Zaion.
35 Kōn menin, āinwōt Iaar ba n̄an kom̧, kajjitōk im kom̧ naaj bōk; niknik jar bwe bōlen karejera Josep Smith, Jun., en maron̄ etal ippemi, im tōl ilubwiljin armej ro Aō, im karōke aelōn̄ in kiin̄ eo Aō ioon bwidej eo akōjenolo̧ke, im kajutake ro nejin Zaion ioon kakien ko im kien ko me kar liwōji im ko naaj liwōji n̄an kom̧.
36 Anjo̧ im aiboojoj otemjej ej kūrm̧ool n̄an kom̧ kōn ami aniknik, kijejeto, im bjar in tōmak ko ami.
37 Karejera Parley P. Pratt en ito-itak ippān karejera Josep Smith, Jun.
38 Karejera Lyman Wight en ito-itak ippān karejera Sidney Rigdon.
39 Karejera Hyrum Smith en ito-itak ippān karejera Frederick G. Williams.
40 Karejera Orson Hyde en ito-itak ippān karejera Orson Pratt, ijoko jabdewōt karejera Josep Smith, Jun., enaaj kapilōke er, ilo bōk kūrm̧ool in kien kein ko Iaar liwōj n̄an kom̧, im likūt bwe eo ilo Peiū. Em̧ool āindein. Amen.